ملاكى الهادى

الفصل السادس

أولا أنا يشكر المتابعين والمهتمين
لقرائتى بشكركم بجد
واتمنى من الكل التفاعل عشان
احس بقيمة كتابتى وعلى فكرة أنا بقبل النقض والمناقشة
اسيبكم تعرفوا باقى اللى حصل
بقلمى موفاااا💚
----------------------
الفصل السادس
-------------------------
-------
تعالوا نشوف حصل إيه مع ريتاج
طلع نجم يجرى لقى ريتاج مرمية فاقدة الوعى
نجم حصل ايه أوعى تكون ماتت
سعاد بخوف فال الله ولا فالك
نجم اومال حصلها إيه مش كنتم بتقولوا فاقت
هدى كانت صاحية قدامنا وكانت بتقول ماما وفجأة صرخت وسخسخت كدا
بهية بفزعة ورعب البت دى شكلها ملبوسة بسم الله الرحمن الرحيم
هدى انهدى يا بهية ملبوسة إيه البت مخضوضة بس وشكلها غريبة عن البلد
نجم والعمل الوقت
هدى عندك ريحة يا نجم
نجم أيوة هنا أهو
هدى طيب هاته كدا بسرعة
نجم طيب طيب وفعلا جاب البرفان لهدى
هدى رشت على ايديها وشممت ريتاج
وبعد لحظات ريتاج بدأت تفوق
سعاد بلهفة فاقت فاقت
نجم الحمد لله
ريتاج بتتالم ااه ااه
هدى حمد الله على سلامتك يا حبيبتى
وعدلتها على السرير وغطتها
ريتاج بكلام مفهوم وواضح ف ف فريدة هى السبب فريدة يا محمود
الكل بيسمع ومش فاهم حاجة
نجم مين فريدة ومحمود دول
سعاد العلم عند الله يا اخويا
هدى المهم أنها فاقت
بت يا بهية انزلى بسرعة هاتى كوباية لبن دافى وبعدين ادبحى الديك الكبير وسويه بسرعة
بهية حاضر يا ست هدى
وخرجت بهية
ريتاج ااه ااه
سعاد مالك يا حبيبتى
ريتاج نبرة صوتها اتغيرت وبقت زى الأطفال راسى بتوجعنى من هنا وشاورت على راسها
الكل مصدوم هى عملت كدا ليه
هدى معلش يا غالية الوقت تبقى حلوة
بقولك إيه يا سعاد هاتى اى حاجة نربط لها راسها عشان شكلها عندها صداع
سعاد طيب وفعلا جابت حجاب صغير
هدى تعالى يا حبيبتى الوقت تبقى زى الفل وبتلم شعرها ورا ضهرها
هدى صلاة النبى شوفى شعرها يا بت يا سعاد
سعاد أيوة أنا مخدتش بالى أول ما شوفتها أصل كانت متحجبة
كل دا ونجم واقف يتفرج وساكت
دخلت بهية باللبن
بهية اللبن يا ست هدى
هدى بعد ما ربطت راس ريتاج
هااا يا غالية الوجع راح شوية
ريتاج هزت راسها بالراحة
هدى هاتى اللبن يا بهية وروحى اعملى زى ما قولتلك
بهية حاضر وسابتهم وخرجت
هدى اشربى يا حبيبتى اللبن دا
ريتاج زى الأطفال سخن ولمست الكوباية بطرف صبعها
الكل في صدمة من حركات الأطفال دى
سعاد بحزن على حالها لمست الكوباية دافى بس يا حبيبتى
ريتاج لسة بتتكلم زى الأطفال لبن سخن يلسع ربتا في لسانها وطلعت لسانها
الكل ابتسم غصب عنه
هدى استنى يا حبيبتى وشربت شوية لبن
هدى مش سخن أوى مش هيلسعك يا غالية اشربى وبتشرب ريتاج
سعاد أنتى اسمك ريتا يا غالية
ريتاج بصتلهم وهزت راسها
نجم يا ترى مين دى
ريتاج أول ما سمعت صوته بصت عليه
خافت واستخبت في حضن هدى
هدى متخافيش دا اخويا
ريتاج هزت راسها
فجأة طلعت بهية
سعاد خلصتى يا بهية
بهية لا يا ست سعاد دا  اسم الله محمود أبنك جه عشان في ناس عايزاكى فى دارك
سعاد يادى محمود الوقت مش وقته
ريتاج بصتلهم محمود اخويا
نجم بصلها اخوكى اسمه محمود
ريتاج بصتله بتوتر وهزت راسها
هدى حلو اوى كدا عرفنا اسمها واسم اخوها
سعاد معلش يا هدى أنا همشى
هدى طيب يا علي مهلك وانتى ماشية
سعاد السلام عليكم
هدى ونجم وعليكم السلام ورحمة الله وبركاته
مشيت سعاد وفضلت هدى ونجم مع ريتاج
ريتاج بدأت تهدا بعد ما شربت اللبن واسترخت وكانت بتنام
هدى عايزة تنامى يا غالية
ريتاج ماما تنيم ريتا
هدى لا حول ولا قوة الا بالله ياترى فيكى إيه بصتلها لقتها غمضت عنيها
هدى آلحمد لله ربنا يهديكى تنامى شوية عقبال ما نعرف انتى مين
نجم اتنهد بصوت عالى
هدى تعالى يا نجم ننزل تحت
نجم بقلق هنسبها لوحدها
هدى أيوة أنت خايف كدا ليه ما هى نامت زى الملايكة
نزل نجم وهدى مرات اخوه الدور الأرضى
نجم قاعد متوتر وكل شوية يبص على فوق
هدى اهدى بقى واحكيلى حصل ايه
نجم بتوتر مااعرفش غير أنها طلعتلى من بين الزرع وكانت بتجرى واول ما شافتنى صرخت واترمت في الأرض مسخسخة
هدى معلش اهدى وإن شآء الله خير
نجم بتوتر يارب
هدى بس ملحظتيش حاجة يا نجم
نجم بصلها وسكت
هدى البت دى فيها حاجة غريبة  صح
نجم لسة ساكت
هدى أول ما فاقت وانكلمت قالت محمود وفريدة هى السبب
وبعدها انقلبت كأنها عيلة صغيرة
نجم أيوة
هدى ما هى يا تعبانة يا ملبوسة زى ما البت بهية بتقول
أبتسم نجم غصب عنه أنتى بتصدقى في الحاجات دي عيب على دبلوم الصنايع اللى واخداه
هدى طيب تقول إيه على حصل قدامنا دا
نجم الصراحة ماعرفش أنا كل اللى عايز اعرفه دى مين عشان نرجعها لاهلها وخلاص
الوقت لما تصحى نسالها ونفهم منها كل حاجة
نجم بحزن تسالى مين وتفهمى إيه دا عقل عيل صغير فى جسم إنسان كبير
دى أصغر من حسين ابنك
هدى اتنهدت طيب وبعدين هنعمل ايه
نجم مااعرفش
هدى طيب أنت هتروح الأرض الوقت
نجم مش عارف ليه
خرجت بهية أنا ولعت على الديك يا ست هدى
هدى تسلم إيدك يا بهية عطلاناكى النهارده عن بيتك
بهية تعبكم راحة عايزة منى حاجة تانى
هدى كتر خيرك يا غالية
بهية فوتكم بعافية
هدى الله يعافيكى
مشيت بهية
هدى يوووه كنت مشيت معاها
نجم كنتى رايحة فين
هدى هروح اجيب العيال من المدرسة
نجم طيب خليكى وأنا اخلى محمدين يروح هو
هدى لأ أصل هجيب قماش من السوق وأنا جايا
بص خلى بالك من سعيد وأنا هروح
واجى هواا ولو زن أنا مجهزة الببرونة
نجم بقلق اوعى تتاخرى
هدى مش هتاخر والوقت مرات عمى تيجى
نجم أوعى يا هدى تتاخرى مش هعرف اتصرف
هدى وهى خارجة متخافيش
وسابته ومشيت
قعد نجم لوحده شوية يبص على فوق وشوية يبص على ابن اخوه اللى نايم جمبه
بقلمى موفاااا💚
التفاعل من باقى حبايبى الحلوين
-----------------------
ماشى ناجى مع الحاج ثابت وابنه ابراهيم يسالوا كل اللى رايح واللى جاى عن بنت ناجى
شافتهم ام ابراهيم
قربت منهم بسرعة
أم ابراهيم  في ايه يا حاج انتم رايحين كدا ليه وماله حاج ناجى كفل الشر
ابراهيم خد امه على جمب وحكى بسرعة الموضوع
أم ابراهيم بحزن وامها في الدار لوحدها
ابراهيم باين كدا
أم ابراهيم خلاص أنا هروح اقعد معاها عقبال ما ربنا يجبر يخاطركم وتلاقوها
ابراهيم زى بعضه ربنا يخليكي لينا
أم ابراهيم مشيت بسرعة على بيت ناجى
وهما كملوا مشى
---------------------------
نرجع  لنجم وريتاج
------------------
نجم بتوتر بص لفوق ورجع بص لابن اخوه ياترى حكايتك إيه اللى اسمك إيه يلى فوق
فجأة صوت من السلم صوت هادى طفولى
أنا ريتا
نجم بفزعة قام وقف
نجم بسم الله الرحمن الرحيم
ريتاج واقفة على السلم
نجم أنتى صحيتى
ريتاج هزت راسها ونزلت وقفت قدامه
نجم بتوتر عاملة ايه الوقت كويسة
ريتاج هزت راسها
نجم الحمد لله والصداع راح وشاور على راسها
ريتاج لمست راسها ااه مشى خلاص
نجم لنفسه دى عيلة صغيرة الله يكون في عون اهلك على حالتك دى
رفع وشه يبص عليها لقاها قعدت جمب سعيد إللى كان نايم على الكنبة جمبه
نجم بيبصلها بتركيز لقاها بتبتسم
نجم مالك
ريتاج ابتسمت نونو
نجم أيوة اسمه سعيد
ريتاج قالت وراه سعيد حلو اوى وصغنن
ابتسم نجم بشفقة على حالتها أيوة لسة صغنن
ريتاج لمست ايده
نجم بصلها بقلق وخوف على البيبى
ريتاج بصتله بحزن عايزة ماما
نجم اتنهد بحزن ااه يانى
ريتاج قالت تانى ريتا عايزة ماما
نجم حاضر هى جايا على طول
ريتاج بحزن ودموع في عنيها هزت راسها
نجم يارب أعمل ايه فكر بسرعة
وفجأة انتى ريتا صح
ريتاج هزت راسها
نجم اجبلك عروسة تلعبى بيها
ريتاج ابتسمت بفرح ااه
نجم استنى ودخل أوضة في الدور الارضي وجاب شوية لعب
ريتاج ابتسمت بفرح أول ما شافتهم
نجم ابتسم هو كمان لفرحها
نجم نلعب سواا
ريتاج ااه
نجم تلعبى بالكرة
ريتاج بتبصله بحزن
نجم مالك ما أنتى كنتى مبسوطة
ريتاج عايزة اكل
نجم بقلة حيلة يارب أعمل ايه
ريتاج بحزن ريتا جعانة ماما تاكل ريتا
نجم طيب طيب استنى أنا اجيب اكل بسرعة
ودخل المطبخ جاب أكل كتير
ريتاج ابتسمت وقعدت جمب الاكل وبصت لنجم
نجم فهم قصدها مش ممكن عايزنى اكلك
ريتاج هزت راسها
نجم الصبر يارب وفعلا بدأ ياكلها
كان بياكلها بايده فى بوقها وريتاج كانت مبسوطة وهو مستغرب هدوئها المفاجئ
ريتاج وهى بتاكل من ايد نجم عضته
نجم ااااى حاسبى عضتينى
ريتاج اتفزعت وخافت وبعدت عنه
نجم بص على صباعه وكان هيزعق لما شافها خايفة سكت وابتسم متخافيش تعالى كملى اكل بس مش تعضينى تانى
ابتسمت ريتاج وقعدت جمبه ياكلها وكل شوية تعمل نفسها هتعضه يخرج ايده من بوقها بسرعة
واتكرر الموقف دا اكتر من مرة لدرجة أنهم بقوا يضحكوا بصوت عالى
نجم سبحان الله مغير الأحوال
ريتاج اتنفست بصوت مسموع الحمد لله
نجم استغرب شبعتى
ريتاج ابتسمت ااه عايزة اشرب
نجم حاضر من عيونى
ريتاج قربت منه عينك بنى
نجم بتوتر واستغراب  وحاجة شدته انه يبص هو كمان في عيونها انتى عينك خضرا
ريتاج ابتسمت ااه عايزة اشرب
نجم قام وهو متلغبط جبلها تشرب
نجم تحبى تلعبى بقى
ريتاج ااه بالكرة
نجم ابتسم بالكرة وقعد يلعب بالكرة
عدا وقت عليهم مش عارف قد إيه ولا عدا ازاى بس حاسيس انه متلغبط  ومتوتر
فجأة دخلت هدى وولادها
هدى اتاخرت عليك يا نجم
اتصدمت أول ما شافت ريتاج بتلعب مع نجم بالكرة وصينية الاكل جمبهم
هدى هو حصل إيه
نجم ابتسم نزلت لوحدها وكانت جعانة اكلت وشربت وزى ما أنتى شايفة كنا بنلعب سوا بالكرة
حسين الكرة بتاعتى جرى واخد الكرة
ريتاج ظهر عليها الزعل والحزن واتجمعت الدموع في عينها
هدى كدا عيب يا حسين
نجم واد يا حسين ادلها الكرة
منى بنت هدى مين دى يا ماما
هدى بعدين يا منى بعدين
هدى الواد صحى وبصت على ابنها
فجأة ريتاج النونو سعيد مش واد
هدى ونجم اتصدموا
نجم شكلها ذكية أوى بتلقط الحاجة بسرعة أنا قولت اسمه مرة واحدة
هدى سبحان الله يقطع من هنا ويوصل من هنا
منى قربت منها انا اسمى منى
ريتاج ابتسمت أنا ريتا
منى ريتا اسمك حلو أوى وقربت منها وباستها
هدى معملتيش حاجة وأنا مش هنا
نجم مركز مع ريتاج وتصرفاتها الغريبة
هدى نجم نجم
نجم أيوة أيوة في إيه
هدى لأ انت مش معايا خالص
نجم معلش عندى صداع جامد أوى
وفجأة من غير توقع إللى حصل
ريتاج شالت الحجاب اللى رابطة راسها بيه وحاولت تربط راسه
نجم في صدمة جامدة حتى هدى
ريتاج مش عارفه تربط راس نجم كويس
نجم ابتسم خلاص أنتى ربطى كويس دا عشان الصداع
ريتاج هزت راسها
منى ضحكت دى عسل أوى أنا حبتها أوى يا ماما
نجم وبعدين يا هدى العصر دخل ومعرفناش  حاجة عن اهلها
هدى اسمع استنى لما عمى ومرات عمى وابراهيم يرجعوا يمكن يعرفوا يتصرفوا
نجم لسة هستنى
هدى الصبر يا ابن عمى
نجم صبرنى يارب
قعدوا كلهم سوا وكل شوية نجم يبصلها ويبتسم فجأة ظهر على وشها لمحة كسوف
نجم ركز في وشها لقاها بتبعد وشها عنه وفعلا مكسوفة
نجم ابتسم وكلم نفسه دى كأنها فاهمة انى ببصلها واتكسفت منى دى تبقى بتفهم كل حاجة
أعرف رائيكم بقى دانا حتى محدش عزم بكوباية شاى☕
خليها عليا أعمل لنفسى عيشوا يلا😂😂😂
-----------------------