ملاكى الهادى

الفصل الرابع

الفصل الرابع
وطولت الفصل اوى
عشان محدش يعمل انقلاب عليا
واخدة بالك انتى😉
معلش ملحوظة القصة قبل انتشار الأنترنت.............
ياريت التفاعل عشان اتشجع وانشر
وبشكر حبايبى إللى دايما مفرحنى بتفاعلهم تسلمولى كتير😘😘
--------------------------------
وصل ناجى ومعاه شنط كتيرة وكانت فكرية نضفت كتير من البيت
ناجى آلله ينور عليكى أنتى قربتى تخلصى
فكرية طبعا اومال انت فاكر ايه بس عوقت كدا ليه
ناجى معلش المحلات بعيدة أوى عن هنا بس خلاص اتفقت مع المحلات هتصل بيهم واقولهم طلباتنا وهما يجبوها لحد هنا
فكرية زى بعضه
تعالى اعملك كوباية شاى
ناجى أنتى ركبتى الانبوبة
فكرية أيوة وظبط شوية في المطبخ عليك بس تعلقلى المطبخ
وتنصب السراير عشان ننام براحتنا
ناجى حاضر يا ست الكل
فكرية تسلم وتعيش ياخويا بقولك مش فى واحدة جارتنا جابت الصبح صينية أكل مليانة عسل وجبنة وفطير وبيض اشى مقلى ومسلوق وطبق من الخضار اوطة وخس وجزر وخيار
ناجى باستغراب مين دى
فكرية واحدة قالت إنها جارتنا الست أم ابراهيم
ناجى شايفة الناس هنا طيبين ازاى
فكرية الحمد لله
ناجى فين ريتاج اومال
فكرية من ساعة ما كلت أنا وهى ...وهى قاعدة في الأوضة اللى فيها البلكونة
ناجى طيب هطلع اطمن عليها
طلع ناجى لقى ريتاح قاعدة في البلكونة
ناجى حبيبة بابا
ريتاج ابتسمت اول ما شافت ناجى
ناجى ايه رأيك في المكان حلو صح
ريتاج ابتسمت لوالدها حلو
ناجى الحمد لله ان المكان عجبك محدش هنا هيدايقك خالص
بقلمى موفاااا💚
~~~~~~~~~~~~~~~-
تانى يوم في بيت ناجى
----------------------------------
ناجى صحى على اذان الفجر
صلى الفجر وفتح باب البيت وقعد قدامه يقول اذكار الصباح ويشم الهوا
فجأة ظهر قدامه راجل عجوز
الراجل العجوز السلام عليكم ورحمة الله وبركاته
ناجى قام وقف وعليكم السلام ورحمة الله وبركاته
الراجل العجوز البلد نورت
ناجى منورة بيك يا حاج
الراجل العجوز أنا الحاج  ثابت جارك في البيت إللى هناك دا
ناجى بص على البيت البعيد
ثابت أنا ابو إبراهيم والأرض إللى يمة البيت دى بتاعتنا واللى اليمة إللى قدام دى
ناجى ابتسم حضرتك الحاج أبو ابراهيم ايوة يبقى الحجة  إللى  زارتنا امبارح وعملتوا معانا الواجب من بيتك
الحاج ثابت أيوة دى الحجة أم ابراهيم وبعدين دا حاجة بسيطة أنا موصيلك النهاردة على واجب يليق بيكم
ناجى كتر خيرك يا حاج كفاية ذؤقكم دا
ثابت  يا حاج  الجيران لبعضها والنبى عليه  الصلاة والسلام وصى على سابع جار
ناجى عليه افضل الصلاة والسلام
ثابت  انت بتشتغل إيه وبالحق الا أنت اسمك إيه
ناجى أنا ناجى كنت يشتغل في المرور
وطلعت على المعاش الشهر دا
ثابت بس انت صغير على المعاش
ناجى اتوتر اصل أنا اللى سويت معاشى قولت ارتاح شوية بقى
الحاج ثابت الله يديك الصحة
وفجأة ثابت عيونه جات على البلكونة إللى فوق
ثابت بسم الله ما شاء الله تبارك الخالق
دى بنتك
ناجى اتوتر اكتر وصوته اتكتم احمم ايوة
ثابت ما شاء الله ربنا يباركلك فيها ويبعد عنها ولاد الحرام
ناجى يارب
الحاج ثابت اسيبك أنا صدعتك
ناجى لا مافيش حاجه أنت شرفتنى
الحاج ثابت بقولك إيه ابقى تعالى صلى معانا إحنا عاملين زاوية يامة ماكنة الرى بنصلى فيها إحنا والفلاحين اللى شغالين فى الأراضى دى
ناجى أن شاء الله
ثابت نهارك أبيض يا حاج ناجى السلام عليكم
ناجى وعليكم السلام ورحمة الله وبركاته
مشى الحاج خ  ووقف ناجى يتنهد وبص لفوق شاف ريتاج بتبتسم
اطمن ناجى شوية
وبعدين دخل كمل نوم تانى
بقلمى موفاااا💚
--------------------------------
----------------
بتمر الايام وناجى بطل يقعد قدام الباب عشان يبعد عن أى حد يدخل في حياته
وفى يوم وهما قاعدين
الباب خبط
فكرية يا ترى مين
ناجى بص لريتاج إللى بتبص على الباب
الباب لسة بيخبط
فكرية وبعدين هتعمل ايه يا اخويا
ناجى خدى بنتك واطلعى فوق ومتنزلوش غير لما إللى على الباب بيخبط
فكرية طيب يلا يا بنتى قومى معايا مسكت ايد ريتاج وطلعوا بسرعة
ناجى فتح الباب وكان الحاج ثابت
الحاج ثابت  معلش جاي على غفلة كدا
ناجى بتوتر لا انت تنور في إي وقت اتفضل يا حاج ثابت
الحاج ثابت  دخل اذيك يا حاج ناجى عامل إيه
ناجى الحمد لله في نعمة الحال
الحاج ثابت  دايما يارب
انا جاى اعزمك على عقيقة عملانها بكرا عشان عقبال ما تفرح بولادك ابنى خلف
ناجى ألف مبروك ربنا يباركليه فيه  ثابت يارب ان شاء الله تشرفنا بكرا أنت والحجة والعروسة ست البنات هى اسمها ايه 
ناجى بتوتر اسمها ريتاج
ثابت عاشت الاسامى وإن شآء الله تيجى معاك بكرا أنت والحجة والدتها
ناجى أن شاء الله
ثابت أن شاء الله السلام عليكم ورحمة الله وبركاته
ناجى وعليكم السلام ورحمة الله وبركاته
مشى ثابت
وطلع ناجى لمراته وبنته
وحكى لفكرية
فكرية بتوتر وبعدين بقى الواحد مش هيعرف يبعد عن الناس
نااجى اتنهد بصوت عالى الجنة من غير ناس ما تنداس يا فكرية
فكرية طيب هتعمل ايه هتروح
ناجى بصى أنا هروح شوية واجى على طول ولو مرات الحاج ثابت سألت عليكى هقولها انك تعبانة شوية
فكرية أيوة  دا أحسن حل
وبصت على ريتاج إللى واقفة في البلكونة
ماعرفش غيتها إيه من الوقفة دى
ناجى سبيها لو مرتاحة مش احسن ما تنام بالعلاج اهى الوقت بتنام لوحدها وتصحى لوحدها وهادية من ساعة ما جينا هنا
فكرية الحمد لله
----------------------------------
تانى يوم بعد المغرب راح ناجى العقيقة وكان محضر مبلغ في ظرف اول ما شاف النونو ادهاله في هدومه
ثابت يترضلك في افراح ولادك
ناجى ربنا يباركلك يا حاج ثابت
الحاج ثابت أومال فين الحجة وعروستنا
ناجى بتوتر أصل معلش أصل الحجة ضغطها عالى شوية مقدرتش تيجى معايا
ثابت ألف سلامة عليها
ناجى الله يسلمك معلش استاذن أنا والف مبروك
ثابت لا يمكن ابدا لازم تتعشا معانا
ناجى تسلم يا حاج عامر بيكم
الحاج ثابت  والله أبدا ونده بصوت عالى يا واد يا سالم
حسين نعم يا عمى
الحاج ثابت روح يا سالم لمرات عمك و قولها واجب سيادة الصول فورا
حسين حاضر يا عمى
خرج سالم ودخل بصينية كبيرة كلها أكل جميل من اكل العقيقة
ناجى كل دا يا حاج ..دا كتير أوى
الحاج ثابت دا أقل من مقامك أنت مقامك عالى يا حضرة الصول
ناجى متشكر اوي ليك يا حاج
الحاج ثابت يلا يا واد قدام عمك ناجى ووصله لحد الدار
سالم حاضر يا عمى
ناجى ألف مبروك مرة تانية السلام عليكم
الحاج ثابت وعليكم السلام ورحمة الله وبركاته
بقلمى موفاااا💚
-----------------------------------
----------------------
روح ناجى ومعاه سالم  بصينية الاكل
شافته فكرية
فكرية إيه دا كله يا ناجى
ناجى زى ما انتى شايفة الحاج ثابت بعت الأكل دا عشان مرضتيش اتعشى معاهم
فكرية بس دا كتير اوى ناس كريمة بجد
ناجى أيوة
فكرية مالك يا ناجى
ناجى مش عارف أنا قلقان ليه
فكرية يا ستير يارب إيه اللى قلقك
ناجى يا ترى إللى عملته دا صح ولا غلط
فكرية يعنى ايه مش فاهمة
ناجى اتنهد بصوت عالى قصدى لما جينا هنا وبعدنا عن كل الناس اللى تعرفنا
فكرية كفاية ضغط على نفسك واحنا هنا بعيد عن أى حد يدايقنا عشان محدش يعرفنا والحمد لله ريتاج هادية من ساعة ما جينا ومافيش حاجة حصلت اهو
ناجى ربنا يسترها يارب اومال هى فين
فكرية كانت قاعدة في البلكونة فوق هى بتبقى حلوة اوى وهى قاعدة في البلكونة
ناجى طيب لو هتاكلى اطلعى شوفيها تاكل معاكى
فكرية الصراحة الاكل يفتح النفس بس أنت مش هتاكل معانا
ناجى لا ماليش نفس أنا داخل جوا
بقلمى موفاااا💚
--------------------------
بتعدى الأيام بهدوء على ريتاج واهلها لحد في يوم حصل إللى حصل
كانت فكرية في المطبخ
وناجى كان نايم
نزلت ريتاج من اوضتها وخرجت من البيت ومشيت فى الأرض الزراعية وهى فرحانة بقت تضحك وتجرى بين الزرع
وبعد جرى كتير لاحظت إنها بعدت عن البيت  وبقت وسط الشجر
ريتاج بتبص حوالين نفسها بتوتر
مش شايفة حد خالص لكن فجأة شافت الفلاحين إللى شغالين في الأرض بيبصوا عليها
ريتاج بخوف قعدت تجرى
واحد من الفلاحين شوفت إللى أنا شوفته يا عوض
عوض ايوة يا محمدين بس مين دى
محمدين شكلها مش من بلدنا لا شكلها و لا لبسها بيقول كدا
عوض أيوة بس هى مين اصلا وأيه إللى جابها هنا
محمدين ملناش دعوة ويلا اشتغل أصل سى إبراهيم يجى ويخصم مننا اليوم
بقلمى موفاااا💚
------------------------------
ريتاج لسة بتجرى من غير هدف ولا عارفه ترجع للبيت
فجأة شافت قدامها شاب ماسك في ايده بقر
ريتاج اتفزعت وصوتت واغمى عليها
الشاب وقف مش عارف يتصرف وبصوت عالى نده على حد من الفلاحين
جه بسرعة عوض ومحمدين وبصوا على ريتاج وهى مرمية على الأرض
عوض  يا سنة سوخة البت إللى لسة كانت هنا جرالها إيه
محمدين بص للشاب هى جرالها إيه يا سى نجم
نجم شاب في الثلاثين من عمره ويبقى ابن الحاج ثابت
نجم واقف متوتر انتم تعرفوها
محمدين لأ يا سى نجم بس هى كانت لسة بتجرى من النواحيدى
عوض تطلع مين دى يا سى نجم
نجم مااعرفش أنا لقتها بتجرى واول ما شافتنى صوتت ووقعت كدا
محمدين دى شكلها مسخسخة يا سى نجم
نجم بتوتر ايوة الظاهر كدا
محمدين طيب هنعمل ايه الوقت
عوض بخبث احنا نشلها ونحاول نفوقها
محمدين بص لنجم
نجم بعصبية اوعى تلمسها يا عوض احسن ما افصل راسك عن جتك بالفاس اللى في ايدك دى
محمدين بص لعوض بسخرية
ورجع بص لنجم اسمع يا سى نجم
أنا هروح انده للبت بهية مراتى من الدار عندكم تيجى هى والست اختك يسندوها ويفوقوها في الدار عندكم
نجم اتنفس بصوت مسموع أيوة يا محمدين كدا احسن حل روح بسرعة اندهلهم
محمدين هوااا
عوض واقف يبص على ريتاج اللى مرمية على الأرض
نجم بيبص لعوض بغضب
فجأة نجم بيقولكم الفصل خلص
اشوفكم بكرا وعايز يعرف رائيكم
بقلمى موفاااا💚
-----------------------------