ملاكى الهادى

الفصل العاشر

معلش اتاخرت عليكم الفترة اللي فاتت لانى كنت تعبانة شوية
بس على فكرة وحشتونى اوى
بقلمى موفاااا💚
----------------------------

الفصل العاشر
--------------------------
في بيت ناجى
صحيت فكرية بعد الضهر
فكرية يااااااه الواحد نام كل دا  وبصت على ناجى لقته لسة نايم
فكرية قوم يا ناجى يا حضرة الصول بطل دلع الضهر اذن
ناجى بكسل الواحد كأنه بقاله سنة منمش
فكرية قوم يلا صلى عشان نفطر
ناجى طيب حضرى الفطار واطلعى شوفى بنتك ولا لأ لأ بلاش اطلعى شوفى البت الأول  مش زى المرة اللي فاتت
فكرية بقلق أيوة يا اخويا أنا ما صدقت رجعت لحضنى تانى
دخلت فكرية اوضة ريتاج كانت لسة نايمة هى كمان
فكرية فتحت البلكونة يلا قومى يا كسلانة اصحى يا ريتا
ريتاج بتتقلب في السرير
ريتاج ابتسمت لامها
فكرية قومى يلا بقى انتى كسلانة كدا ليه
ريتاج امممم بكسل ماما
فكرية ابتسمت لريتاج حبيبة ماما وقربت منها
ريتاج ابتسمت وحضنت أمها
فكرية أنتى عسل كدا ليه النهاردة
ريتاج ابتسمت لأمها
فكرية هتدخلى الحمام لوحدك ولا اقف معاكى
ريتاج هزت راسها لا
فكرية طيب يلا اغسلى وشك وانزلى عشان تاكلى معايا انا وبابا
ريتاج هزت راسها  وقامت من السرير
فكرية أنا هخرج وانتى ادخلى الحمام يلا بسرعة وسابتها وخرجت
قامت ريتاج من السرير فرحانة وهى مش عارفه سبب فرحتها ايه
ريتاج وقفت قدام المرايا  وبتسرح شعرها وهى مبتسمة فجأة ريتاج بصت على ايديها وشمتها ريتاج ابتسمت وحضنت ايديها وبقت تبتسم وفضلت كل شوية تشم ايديها
دخلت الحمام وغيرت هدومها ونزلت لامها وأبوها
أول ما نزلت
ناجى ابتسم بحب لريتاج
فكرية ايه دا دى غيرت لوحدها دى اول مرة تعملها من ساعة
بصلها ناجى بمعنى اسكتى متكمليش
فكرية قصدى من ساعة ما تعبت
ناجى ايه القمر دا عاملة إيه يا حبيبتي
ريتاج احممم الحمد لله
ناجى يعنى أنتى كويسة
ريتاج ااه
ناجى ماشاء الله عليكى فيكى حاجة غريبة من إمبارح
ريتاج بصت على الاكل واخدت بيضة وقشرتها وقعدت تاكلها
فكرية باستغراب أنتى هتاكلى لوحدك مش عايزانى اكلك زى ما انتى متعودة
ريتاج هزت راسها لا
ناجى ابتسم كولى يا حبيبتي زى ما انتى عايزة
ريتاج ابتسمت وفضلت تاكل بشهية
ناجى يارب تفضلى حلوة كدا ونفسك مفتوحة
وكان اليوم حلو عشان بنتهم هادية وباين عليها انها مبسوطة
بقلمى موفاااا💚
____________________

أما فى ييت الحاج ثابت
-----------------------
حال الجميع عادى الا في اوضة ذلك النجم المختفى نوره
في أوضة نجم
نجم قاعد على السرير وماسك سلسلة ريتاج
فجأة سمع خبط على الباب
نجم اتفزع من مكانه مين
كان صوت منى أنا يا عمى
نجم قفل ايده على السلسلة ادخلى يا منى
منى ابتسمت ستى بتقولك البس وانزل على طول عشان خارجة هى وجدى وعايزاك معاهم
نجم طيب قوليلها نازل وراكى
منى ماشى وسابته ونزلت
بقلمى موفاااا💚
ياريت نتفاعل شوية بقى
-------------------------------
في الدور الارضي
----------------------
ام ابراهيم عمك قالك إيه يا منى
منى قالى نازل ورايا
ام ابراهيم طيب تعالى شوفى امك حضرت الحاجة إللى قولتلها عليها
منى قربت من جدتها خدينى معاكى يا ستى
ام ابراهيم اخدك فين يا بت
منى المشوار اللى انتى رايحة أنا سمعتك وانتى بتكلمى ماما والنبى يا ستى خدينى معاكى
خرج الحاج ثابت من أوضته
الحاج ثابت مش قولتلك متحلفيش بغير الله
استغفرى ربنا وقولى لأ إله إلا الله
منى حاضر بس خليها تاخدنى معاكوا
الحاج ثابت قولى لا إله إلا الله
منى لا إله إلا الله محمد رسول الله
هتاخدنى معاكوا يا جدى
الحاج ثابت بابتسامة هاخدك يلا البسى بسرعة
نطت منى وباست جدها وبصت لجدتها
ام ابراهيم طيب يا حبيبة جدو والنبى ما أنتى نافعة
منى وهى طالعة على السلم قولى لا إله إلا الله يا ستى وضحكت ههههه بصوت عالى
ام ابراهيم امشى يا جزمة
الحاج ثابت بابتسامة بالراحة على البت يا أم ابراهيم
ام ابراهيم بطل دلع في البت لازم تكون جامد معاها مش كدا
الحاج ثابت لا لما نصاحب البت نكون قريبين منها احسن من الشدة
خرجت هدى من المطبخ  أنا حضرت كل حاجة يا مرات عمى
نزلت منى فرحانة وأنا كمان  جهزت أهو
أم ابراهيم طيب اطلعى شوفى عمك منزلش ليه
منى حاضر وقبل ما تطلع كان نزل نجم
نجم نعم يا اما عايزة اروح معاكى فين
أم ابراهيم تعالى يا ضنايا هنروح نزور عمك ناجى
نجم باستغراب ومفاجأة غير متوقعة
نزور مين
الحاج ثابت يا نجم يا ابنى لازم نزورهم أول حاجة نطمن على بنتهم وتانى حاجة ودى الأهم اننا نفهمهم اللى حصل وازاى بنتهم كانت فى بيتنا طول النهار لحد المسا
نجم بتوتر ولازم أنا يا ابا
أم ابراهيم ايوة مش انت اللي شوفتها وجبتها هنا
نجم اتنهد بصوت عالى
منى بلهفة يلا يا عمى أنا ما صدقت ستى وافقت اجى معاكم
أم ابراهيم طيب يلا يا مقصفة الرقية شيلى قدامى الحاجات دى
منى هشيل كل حاجة يا احلا ستى في الدنيا
وخرجوا هما الأربعة في طريقهم لييت ناجى
---------------------