ملاكى الهادى

الفصل الثالث

الفصل الثالث
--------------------------------
دخل ناجى العفش كله في الدور الارضي
فكرية واحنا هنعرف نفرش كل دا الوقت دا عايز أسبوع بحاله
ناجى ماتشليش هم افرشى على مهلك وبراحتك
فكرية مش ناوى تفهمني كل حاجة
ناجى بص على ريتاج إللى بتنام وهى قاعدة على السلم إللى بيوصل للدور الثاني
ناجى مش وقته يا فكرية بصى هنا فى اوضتين وحمام ومطبخ
وفوق في أربع أوض وحمام
تعالى ندخل في اى اوضة مرتبتان ننام عليهم والصبح يدبرها المولى
فكرية منهم لله إللى كانوا السبب على شحطتطنا دى
ناجى ما نعرفش الخير فين مش يمكن الخير في اننا نسيب هناك ونيجى هنا
يلا عشان نفرد ضهرنا شوية عقبال النهار ما يطلع
وفعلا فرشوا المراتب على الأرض وناموا لتانى يوم
--------------------
----------------------
أول يوم في حياة ريتاج الجديدة
----------------------
صحى ناجى قبل ما فكرية و ريتاج يصحوا
فضل واقف يبص على البيت وحاول يرتب أى حاجة يقدر عليها
صحيت فكرية على صوت الخبط
ناجى بابتسامة جميلة صباح الخير يا فكرية
فكرية صباح النور انت صحيت امتى
ناجى من شوية  المهم ريتاج نايمة
فكرية تصدق نايمة وهادية كأنها بقالها سنة ما نمتش
ناجى الحمد لله أنا كنت خايف تقلق من البيت عشان غيرت مكان نومها بس الحمد لله
فكرية الحمد لله خليها نايمة شوية عقبال ما انضف البيت
ناجى أنا هخرج اجبلكم اكل
فكرية وانت تعرف حاجة هنا
ناجى اللى يسأل ما يتوهش
فكرية طيب عرفنى إحنا فين الأول قبل ما تخرج كدا
ناجى احنا في بلد فلاحين كدا جمب الشرقية
فكرية بعصبية  الشرقية انت جبتنا الشرقية
إحنا لينا مين فى الشرقية أو اصلا نعرف حد هنا أنت إيه إللى خلاك تعمل كدا
ناجى اهدى يا فكرية وانا هفهمك كل حاجة
فكرية هتفهمنى إيه بس يا ناجى خدتنا من بيتنا وبلدنا عشان نعيش مع ناس وفى بلد منعرفش فيها حد
ناجى استغفر الله العظيم يا ستى اصبرى وأنا هفهمك كل حاجة
فكرية فهمنى يا ناجى ليه عملت كدا فينا
ناجى انا جبتكم هنا عشان دى بلد واسعة وكبيرة والناس طيبين  ومحدش  هيدايقنا ولا حد هيدايق بنتنا ومافيش حد هيعرف انها تعبانة
فكرية ليه يارب كدا إحنا عملنا إيه عشان يحصلنا كل دا
ناجى استغفرى ربنا يا فكرية ومتخافيش البلد حلوة  أوى والجو هنا نضيف ومش هتدايقى من حاجة إن شاء الله أنا هروح اجيب الاكل وانتى اقفلى على نفسك عقبال ما اجى
فكرية طيب وأنا هروق شوية عقبال ما ترجع
ناجى الله يقويكى
وخرج ناجى وفكرية قعدت تنضف البيت
--------------------------------
---------------
قعدت فكرية تنضف البيت وناجى خرج
صحيت ريتاج كأنها واحدة تانية
ريتاج ابتسمت لأمها
ريتاج  صباح الخير يا حبيبتى
ريتاج  بتبص للبيت باستغراب
فكرية انتى نسيتى يا ريتاج اننا جينا هنا امبارح وبابا قال اننا هنعيش هنا مع بعض
ريتاج هزت راسها
فكرية اقعدى انتى هنآ وأنا هخلص تنضيف المطبخ عقبال ما بابا يجى
ودخلت فكرية المطبخ
ريتاج اتحركت في البيت وفتحت باب البيت من غير ما تحس ووقفت تبص على الأرض الزراعية الواسعة قدامها
فجأة ظهرت قدامها ست من أهل البلد
الست صباح الخير يا بنتى انتم الجيران الجداد إللى سكنتوا جمبنا امبارح بالليل
ريتاج  واقفة متوترة وخايفة
الست أنا خالتك أم ابراهيم  اللى ساكنة جمبكم هنا
واقفة ريتاج  تبص بتوتر
الست اومال فين الست والدتك
ريتاج  بتبص على والدتها من جوا
الست خليها مرتاحة أنا شوية كدا وهاجى اتعرف عليها
وداد اتوترت ودخلت بسرعة وقفلت الباب
خرجت فكرية من المطبخ شافت ريتاج واقفة وساندة ضهرها على الباب
فكرية مالك يا ريتاج يا بنتى واقفة كدا ليه
ريتاج واقفة متوترة وبتترعش
فكرية قربت منها مالك في إيه يا ريتاج
ريتاج بتوتر وكلام مش مفهوم ا ا ا نا خ خ خايفة
فكرية بسم الله الرحمن الرحيم خايفة من إيه هو حصل ايه خوفك كدا
بقلمى موفاااا💚
----------------------
فكرية خدت ريتاج في حضنها وبقت تطمنها إن مافيش حاجه بتخوف
فكرية سابت اللى في ايديها وقعدت تفرج ريتاج على البيت
طلعوا الدور الثانى ووقفوا في البلكونة
فكرية شمت الهوا بشهيق قوى
الله الهوا هنا يرد الروح
ريتاج بتبص على الأرض الزراعية الواسعة ابتسمت
فكرية مبسوطة يا ريتاج
ريتاج هزت راسها ااه
فكرية الحمد لله مش عايزاكى تخافى البلد هنا حلوة ومفيش حد يدايقنا
فجأة شافوا ام ابراهيم جايا جمب البيت ومعاها بنت شايلة صينية
خبطت أم ابراهيم على الباب اتفزعت ريتاج
فكرية متخافيش أنا هنزل اشوف عايزة ايه واطلع بسرعة خليكى هنا
نزلت بسرعة فكرية وفتحت الباب
ام ابراهيم صباح الخير يا حبيبتى نورتوا البلد
فكرية بتوتر صباح النور البلد منورة بأهلها
أم ابراهيم بت يا منى نزلى الصينية هنا جمب ستك  الحجة اسم آلله أم مين يا حجة
فكرية بتوتر أم محمود
أم ابراهيم ربنا يخلى والعروسة اللى كانت واقفة دى بنتك بردوا
فكرية بصت لفوق
وبتوتر أيوة بنتى
أم ابراهيم ربنا يباركلك فيها زى القمر في ليلة تمامه
فكرية تسلمى يا حجة
ام ابراهيم أنا شوفتكم وانتم جاين بالليل  معرفتش أوجب معاكم قولت أعمل واجب يسيط على الصبح
يا بت يا منى انتى واقفة متنحة كدا ليه نزلى الصينية هنا
منى  يا ستى قولتلك احترمينى قدام الناس أنا في تالتة اعدادى
ام ابراهيم طيب يا اختى 
زى ما انتى شايفة إحنا بعيد عن العمار والمحلات الجهة التانية أصل مافيش غير تلات بيوت هنا احنا وانتم وبيت الحجة ام إسماعيل
فكرية كتر خيرك ليه تعبتى نفسك
ام ابراهيم تعبك راحة يا غالية
وإن شآء الله يا حجة اجى ازوركم مرة تانية و لا اقعد أوضب معاكم البيت
فكرية كتر خيرك يا حجة كفاية الواجب دا
أم ابراهيم دا أقل حاجة انتم نورتونا
فكرية الله يخليكى
أم ابراهيم فوتك بعافية وخرجت وهى ومنى
فكرية قفلت الباب وراها وطلعت بسرعة لريتاج
ريتاج شافت ام ابراهيم ومنى خرجوا من البيت
وامها طلعت تانى عندها
فكرية ابتسمت عشان تطمن ريتاج
عارفة مين كان تحت
ريتاج لسة ساكتة
فكرية دى واحدة جارتنا كانت جايا تسلم علينا وجايبة اكل كتير شايفة الناس هنا طيبين ازاى
ريتاج هزت راسها وقعدت في البلكونة
وفكرية كملت التنضيف
وبعد كدا معلش الفصل خلص كالعادة هههههه بحبكككككم اوى
بقلمى موفاااا💚
بلاش ننسى التفاعل يا حبايبى
----------------------------