ملاكى الهادى

الفصل آل 16

الفصل آل 16
----------------------------------
خرج ناجى وفكرية وكل واحد ماسك ايد ريتاج ومشيوا بسرعة
وكل أهل الحاج ثابت خرجوا وراهم بيبصوا عليهم وبعد ما بعدوا دخلوا كلهم
بقلمى موفاااا💚
------------------------
في الطريق
------------
فكرية شوفت إللى حصل يا ناجى
ناجى بص لبنته اللى ماشية تشم الهوا وكأنها كانت محبوسة
فكرية أنا مش بكلمك ما ترد عليا يا ناجى
ناجى مش وقته اصبرى يا فكرية وبص لريتاج
ريتاج بصتله بابتسامة جميلة
ناجى بصلها باستغراب أنتى عايزة تقولى حاجة يا ريتاج
ريتاج ابتسمت وبصت للزرع وسابت ايديهم وبقت تجرى بخطوات مش مظبوطة
فكرية بصوت عالى استنى هنا يا ريتاج
ناجى سبيها يا فكرية
فكرية اسيبها ازاى يا ناجى
ناجى بصى على بنتك أنا أول مرة اشوفها بالشكل دا بنتك مبسوطة
فكرية ودا معناه إيه
ناجى مش عارف بس قلبى حاسيس بحاجة غريبة
فكرية حاجة إيه
ناجى سرح شوية مش وقته يا فكرية بس اهم حاجة مش عايزك تتكلمى في اى حاجه حصلت مع ريتاج وسبيها تتعامل بطبيعتها وزى ما هى عايزة
فكرية بحزن أنت شوفت إللى حصل يا ناجى  أنا خلاص بقيت مش فاهمة حاجة ازاى بنتك تعمل كل دا طيب انت فاهم حاجة
ناجى اصبرى اصبرى يا فكرية وربنا فرجه قريب
فكرية بصت على ريتاج إللى لسة بتجرى
وصل ناجى وفكرية وريتاج لبيتهم
فتح ناجى الباب ودخلوا
ريتاج وقفت تتلفت في البيت وهى فرحانة
قربت منها فكرية وبتوتر مالك انتى حصلك إيه النهاردة
ريتاج بصت لامها بصدمة
ورجعت بصت لابوها
ناجى فى ايه يا فكرية دا اتفاقى معاكى بردوا
فكرية بعصبية أنا عايزة افهم إيه إللى حصل عند الناس دا وايه إللى بنتك عملته  وبصوت عالى أنا عايزة افهم أنا هتجنن من إللى شوفته بعنيا
والناس هيقولوا إيه هما كمان دا احنا سيرتنا هتبقى على كل لسان الصبح والناس تيجى تتفرج على بنتك اللى عالجت بقرة الحاج ثابت ولحقتها قبل ما تموت مش من حقى يا ناس افهم بنتى فيها إيه
ريتاج واقفة مصدومة من تصرفات امها
واتجمعت دموع في عيونها
ناجى بصوت عالى ما كفاية بقى يا فكرية الله هو حصل إيه لكل إللى بتعمليه دا وتعالى هنا محدش اصلا يقدر يتكلم على بنتى ولا يجيب سيرتها بكلمة واحدة
فكرية بحزن ودموع من عيونها زى المطر أنت بتضحك عليا ولا على نفسك
ناجى قرب منها ومسك أيد ريتاج متخافوش ربنا هيقف معانا المرة دى كمان زى ما وقف معانا قبل كدا
فكرية ضمت ريتاج لحضنها وعيطت بهستريا
ناجى كفاية عياط ويلا غدينا الواحد زعلان على الوليمة إللى ضاعت منه على رأى نجم وضحك هههههه
ومن هنا ريتاج افتكرت نجم
فكرية وليمة طيب يا بتاع الوليمة وسابته ودخلت المطبخ
بقلمى موفاااا💚
____________
فى بيت الحاج ثابت
--------------
كلهم قاعدين يتكلموا في إللى حصل
أم ابراهيم أنا مش فاهمة حاجة خالص
سعاد ولا أنا يا أما هو إللى حصل دا بجد ولا بيتهيئلى
ابراهيم بس هى عملت كدا ازاى
هدى الصراحة البت لحقت البقرة أنا لسة شايفاها قامت ولا كأنها كانت ميتة في الأرض
الحاج ثابت سبحان مغير الاحوال
كل دا ونجم ساكت
منى بمكر وأنت إيه رأيك يا عمى ووجهت كلامها. لنجم
منى عمى نجم مش معانا خالص وكاتمة ضحكتها
نجم بصلها باستغراب ولاحظ انها بتضحك
نجم احممم أنا طالع انام شوية
الحاج ثابت مالك يا نجم يا ابنى فى ايه
نجم مافيش حاجه يا حاج
هدى طيب مش هتاكل
نجم بعدين يا أم حسين
وسابهم وطلع
منى قاعدة مبتسمة
علي بصلها وغمزلها بمعنى في إيه
منى لسة مبتسمة وهزت راسها
------------------------------
في بيت ناجى
--------------------
ناجى قعد وريتاج قعدت جمبه
ناجى بيبصلها بابتسامة حنان
ريتاج ابتسمت لابوها
ناجى مبسوطة صح
ريتاج هزت راسها
ناجى دى احسن حاجة خليكى مبسوطة كدا على طول وابتسملها
ريتاج ابتسمت وضمت ناجى جامد
ناجى بهمس ادتيله السلسلة
ريتاج بفزعة وكسوف قامت وقفت
ناجى قرب منها إيه نسيتى تدهاله
ريتاج بكسوف هزت راسها
ناجى خدها منك يعنى
ريتاج ابتسمت وهزت راسها بمعنى ااه
ناجى باستغراب ريتاج انتى مش بتتكلمى ليه
ريتاج فتحت عيونها مرة واحدة
ناجى باستغراب بفزعة ريتاج اتكلمى قولى اى حاجه سمعينى صوتك
ريتاج بتحاول تطلع صوتها المكتوم
وفجأة
بقلمى موفاااا💚
----------------------------------
---------------
دخل نجم شقته ودخل اوضته وقفل الباب وراه وقعد على السرير
وفجأة طلع من جيبه السلسة إللى على شكل قلب وفيها حرفN
نجم بيبص للسلسلة باستغراب وسرح كان قصدك ايه من الحركة دى عايزة أفهم واللى عملتيه النهاردة دا كان معناه إيه وانتى ازاى عرفتى كل دا يا ترى أنتى إيه حكايتك بس وأنا هشغل بالى بيكى ليه وقام وقف قدام المرايا وابتسم انا اصلا انشغلت بيكى وطلع سلسلتها من جيبه وابتسم
فتح الدولاب عشان يشيل السلاسل
بص على الدبلة اللى قدامه وابتسم بسخرية واتنهد بصوت عالى وحزين
فجأة صوت خبط على باب الشقة
نجم فاق من سرحانه
وقام عشان يفتح
نجم باستغراب منى عايزة إيه يا منى
منى احمم أنا كنت عايزة أتكلم معاك في حاجة
نجم حاجة إيه
منى ريتاج
نجم باستغراب اكتر ريتاج
منى أيوة يا عمى شوفت إللى حصل النهاردة منها
نجم لسه بيبص لمنى باستغراب
منى بص كدا يا عمى وفتحت الكراسة إللى كتبت ريتاج فيها اسمائهم بالإنجليزي
نجم أنا مش فاهم حاجة
منى يا عمى شوف خطها
نجم وبعدين يعنى عايزة توصلى لايه
منى اتنهدت بصوت عالى
نجم في إيه يا منى
منى أنا حبيت ريتاج و كانت صعبانة عليا بس بعد إللى حصل النهاردة أنا متأكدة أن حصلها حاجة خلاها في الحالة دى
نجم  بلهفة حاجة إيه يا منى
منى مش عارفه أنا حاسة يعنى قصدى ممكن يكون حصلها حادثة أو صدمة خلتها في الحالة دى
نجم طيب وانتى جايا تقوليلى كل دا ليه
منى بمكر عادى يا عمى
نجم عادى يا منى
منى ااه عادى أنا نازلة عايز حاجة منى يا عمى
نجم لا
نزلت منى وسابت الكراسة إللى فيها الاسامى
نجم فتح الصفحة إللى فيها اسمه
نجم قطع الورقة اللى فيها اسمه وطبقها وشالها مع السلاسل والدبلة
ورمى نفسه على السرير ونام بعد تفكير طويل
ياريت بقى أعرف توقعاتكم بقى
بقلمى موفاااا💚
وبلاش ننسى التفاعل

------------------------------------