ملاكى الهادى

الفصل آل 40

مساء السعادة والسكر الزيادة
___________________

تعالوا نشوف حصل إيه مع إللى  تحت الخيمة الحمرا
بقلمى موفاااا💚
___________________

في بيت الحاج ثابت
رجعوا كلهم بعد ما حللوا وطلعوا كويسين
الحاج ثابت اومال فين البنات
أم ابراهيم يمكن طلعوا شقتهم
ابراهيم طيب أنا هطلع اطمن على هدى ومنى
ام ابراهيم أطلع يا ضنايا
مسك ابراهيم ولاده وطلع بسرعة
نجم واقف مع ابوه وامه
أم ابراهيم أطلع اطمن على مراتك وطمنها عليك
نجم ابتسم لامه وطلع جرى
دخل نجم بلهفة لقى ريتاج نايمة على السرير
نجم واقف يبتسم وقغل الباب وسابها وخرج نام في أوضة الانتريه
بقلمى موفاااا💚
________________________
تانى يوم
---------------------
صحيت ريتاج مرهقة
ريتاج ااه الواحد مصدع كدا ليه وفجأة فتحت عيونها مرة واحدة وبلهفة نجم
قامت بسرعة وخرجت تدور على نجم
ريتاج بتدور على نجم بلهفة وبتنده عليه نجم نجم استر يارب هو مجاش من امبارح لما كان هيحلل واتجمعت الدموع في عيونها وفتحت باب الشقة
اتفأجات بنجم كان هيفتح باب الشقة من برا
ريتاج بلهفة نجم كنت فين
نجم ابتسم مساء الورد
والياسمين
ريتاج بتمسح دموعها  كنت فين
نجم دخل وكان معاه صينية عليها أكل كتير
نجم كنت بجيب الأكل
ريتاج كنت هموت من الخوف لما صحيت ومش لقيتك جمبى
نجم ابتسم إيه خوفتى عليه اكون خدت العدوة واتحجزت في المستشفى
ريتاج بسرعة بعد الشر عليك ورمت نفسها في حضنه وعيطت
نجم ضحك طيب بتعيطى ليه الوقت ما أنا قدامك أهو
ريتاج الحمد لله
نجم اهدى بقى وتعالى نتغدا
ريتاج عمى وطنط وابراهيم وكلهم تحت بخير
نجم الحمد لله كلهم كويسين
ريتاج الحمد لله ممكن لما ناكل ننزل نطمن عليهم
نجم على فكرة انا شوفت عمى ناجى ومامتك إمبارح
ريتاج خايفة اسأل عنهم
نجم ابتسم ليه هما كويسين الحمد لله وروحوا معانا امبارح
ريتاج قعدت تاخد نفسها الحمد لله
نجم الحمد لله يلا عشان ناكل بقى أنا صاحى من بدرى
ريتاج حاضر بس أغسل وشى أنا قومت من على السرير ادور عليك على طول
نجم اممم  تعاليلى هنا يا هانم كنتى هتنزلى كدا وبص على هدومها وشعرها
ريتاج كنت هتجنن عشان اطمن عليك
نجم وكنتى ممكن تنزلى كدا
ريتاج غصب عني والله
نجم حضنها يا حبيبتي متخافيش عمر الشقى بقى يلا اغسلى وشك عشان نتغدا
ريتاج حاضر
بقلمى موفاااا💚
----------------------------------

في بيت ناجى
-----------------------
فكرية الواحد كان مرعوب احسن يطلع عنده العدوة
ناجى الحمد لله وكمان إحنا معندناش مواشى كتير دول هما كام خروف
فكرية الحمد لله  بس كنا عايزين نطمن على ريتاج وأهل بيتها
ناجى اهدى بقى ما إحنا عرفنا من أم على انها بخير هى وأم حسين
فكرية يعنى مش هنروح نطمن عليها
ناجى لا لازم نصبر شوية عقبال ما الغمة دى تعدى
فكرية ربنا يسترها
ناجى يارب
________________________

في بيت الحاج ثابت
-----------------
الحاج ثابت قاعد هو والعيلة
منى أنا تعبانة اوى يا ماما
هدى بقلق مالك في إيه
منى مصدعة جامد اوى
ام ابراهيم معلش يا بنتى بقالكم كام يوم محبوسين
هدى ه
ضحكت هههههه الحمد لله انا كنت خايفة حد مننا يطلع عنده العدوة ويحبسونا بجد في المستشفى
ابراهيم فال آلله ولا فالك الحمد لله
هدى الحمد لله
فجأة لقوا نجم وريتاج نازلين
ريتاج ابتسمت وقعدت جمب منى
نجم ريتاج صممت تنزل تطمن عليكم عاملين ايه
الحاج ثابت عاملة ايه يا بنتى
ريتاج الحمد لله حضرتك وطنط وكلكم عاملين إيه
الحاج ثابت الحمد لله
أم ابراهيم أنتى اللى عاملة ايه
ريتاج الحمد لله
منى بس انا مصدعة أوى
ريتاج حضنت منى متخافيش معندناش العدوة بس تعب اليومين إللى فاتوا مأثرين عليكى
أم ابراهيم الحمد لله ربنا قدر ولطف
ريتاج الحمد لله هو محدش عرف بهية وجوزها  عملوا إيه
أم ابراهيم العلم عند الله يا بنتى
ريتاج ربنا معاهم
الكل يارب
ابراهيم اعملنا شاى يا هدى
هدى حاضر وكانت شايلة أبنها سعيد
ريتاج بسرعة خليكى أنتى وأنا هعمل الشاى
أم ابراهيم زى بعضه يا بنتى اعملى الشاى
عملت ريتاج الشاى والعيلة قاعدين مبسوطين مع بعض
وبعد قاعدة طويلة مع بعض كل واحد راح شقته
----------------------
في شقة نجم
------------------
نجم ابتسم مش ملاحظة حاجة في أمى
ريتاج باستغراب حاجة إيه
نجم بتعاملك كويس
ريتاج ابتسمت ااه أنا لحظت دا بردوا
نجم الحمد لله ربنا يهديها علينا
ريتاج يارب  وكانت داخلة أوضة النوم
نجم لحقها ومسك ايديها إيه هتنامى
ريتاج ابتسمت لأ
نجم طيب داخلة ليه تعالى نقعد شوية سوا
ريتاج ابتسمت  طيب ممكن اغير هدومى الأول
نجم ابتسم براحتك يا جميل
وشغل التلفزيون وقعد يتفرج على التليفزيون
فجأة ظهر خبر عن العدوة اللى انتشرت في بلدهم
نجم بصوت عالى الحقى يا ريتاج
ريتاج بصوت من الأوضة حاضر جايا أهو
وخرجت لابسة طقم جميل
ريتاج كتت بتقول إيه
نجم قام وقف وركز في وشها إيه الجمال دا كله مقدرش على كدا
ريتاج ابتسمت بكسوف  بس بقى بطل تكسفنى
نجم أنا اقدر يا قمر انتى قمر بجد
ريتاج  ابتسمت بكسوف  بس بقى آلله
نجم قلدها بس بقى آلله و ضحك بصوت عالى ههههه
ريتاج أنت كنت بتقولى إيه وأنا جوا
نجم ااه بصى جابوا البلد بتاعتنا في التليفزيون
ريتاج قاعدت جمبه  معقولة قالوا إيه
نجم أهو شوفى بنفسك
وفجأة اتصدموا لما شافوا الدكتور المسؤل عن المستشفى بيحكى اللى حصل وجاب سيرة ريتاج
ريتاج قامت بسرعة قفلت التليفزيون
وقعدت متوترة تبص لنجم
نجم مالك يا ريتاج أنتى خايفة من إيه
ريتاج بتوتر أنا بجد خايفة أوى
نجم عيب عليكى تخافى وانا جمبك
ريتاج اتنهدت بصوت عالى
نجم أنتى خايفة حد يعرف مكانك
ريتاج قامت وقفت وبعدت عنه وبتوتر حد زى مين
نجم زى محمود اخوكى إللى معرفش عملتى كدا ليه لما شوفتيه
او يمكن خايفة من حد تانى يعرفك ويعرف أنك خفيتى
ريتاج بصتله بصدمة قصدك إيه من حد تانى دا
نجم اتنهد بصوت عالى مقصديش حاجة خلاص
ريتاج لأ مش خلاص عمرك ما هتنسى ولا الماضى هيسبنى هيفضل يطاردنى لحد ما اموت
نجم بندم انه اتسرع واتكلم قرب منها بسرعة ريتاج مش قصدى بجد
ريتاج ابتسمت بسخرية لا قصدك عشان تصدقنى لما اقولك ان الطلاق أحسن حل مسحت دموعها لازم نطلق يا نجم انا ولا أنت هنقدر نتحمل كل دا وسابته ودخلت اوضتها  تعيط
نجم بخنقة اووووف هى عمالة تتعقد كدا ليه بعد ما كنا أووف ودخل أوضة
عدا كام يوم ونجم وريتاج مش بيكلموا بعض
نجم كان بينزل الأرض ويتعمد يتاخر
أما ريتاج كانت شغلا نفسها بشغل البيت ومذاكرة منى عشان الامتحانات بدأت
لحد في يوم حصل إللى حصل
بقلمى موفاااا💚
_______________________
في بيت الحاج ثابت
____________
ريتاج كانت قاعدة بتذاكر لمنى والكل قاعد معاهم
هدى عملتلك كوباية لبن سخنة عارفة البت دى تعبتك في المذاكرة 
منى خلاص بكرا اخر يوم وارتاح بقى
ريتاج إن شآء الله تنجحى وتطلعى من الأوائل ومسكت كوباية اللبن
منى عشان أنتى ذكراتيلى عارفه يا ريتاج اللبن دا بتاع بقرتنا  إللى أنتى عالجتيها فاكرة
ريتاج ابتسمت بحزن
أم ابراهيم هتجنن واعرف أنتى عالجتى البقرة  ازاى
هدى لا وكمان عرفت مرض البت بهية ويمكن بسببها أنقذت ناس كتير في البلد
ريتاج بتوتر وخوف من تركيز الكل عليها
أم ابراهيم إيه مش عايزة تقولي ولا اية
ريتاج اخدت نفسها بصوت عالى لا يا طنط هقول لحضرتك أنا كنت بشتغل دكتورة بيطرية
الكل فى صدمة مااعدا منى
منى بتبص لريتاج مبتسمة
أم ابراهيم دكتورة
ريتاج بتوتر أيوة
هدى بجد أنتى دكتورة يا ريتاج
ريتاج هزت راسها
أم ابراهيم طيب إيه إللى خلاكى سبتى شغلك
ريتاج بتوتر ووشها بقى عرقان أصل أنا و مسحت وشها اصل أنا حصلتلى حادثة جامدة وغصب عنى سبت الشغل وبقيت في الحالة إللى شوفتونى عليها اول مرة ورجعت خفيت تانى بسبب البقرة بتاعتكم ومسكت كوباية اللبن وركزت فيها
ام ابراهيم حادثة إيه إللى حصلتلك دى
فجأة دخل نجم بعد ما كان سامع كل إللى حصل
أما الهو الخفى كان هو كمان بيسمع  اول ما شاف نجم جرى قبل ما حد يشوفه
نجم السلام عليكم
الكل وعليكم السلام
ما عدا ريتاج إللى متوترة
ام ابراهيم بسخرية وعلى كدا جوزك عارف كل إللى قولتيه يا دكتورة
نجم ابتسم وقرب من ريتاج أيوة يا أما عارف هو ممكن ريتاج تخفى عنى حاجة
هدى الله بجد أنا مبسوطة أوى أنى سلفتى دكتورة لأ وأيه اشطر دكتورة في البلد
نجم بابتسامة طبعا ومش في البلد بس في الدنيا كلها
وفجأة الباب خبط
نجم. فتح واتصدم اول ما شاف الدكتور المسؤل عن المستشفى
الدكتور السلام عليكم متهيئلى عارفنى
نجم أيوة طبعا اتفضل يا دكتور
دخل الدكتور قدام الكل أول ما شاف ريتاج ابتسملها
ريتاج بصت لنجم بتوتر
الدكتور المسؤل أنا اسف جيت من غير ميعاد بس كنت عايز اتكلم مع مدام ريتاج شوية
نجم اهلا وسهلا اتفضل ودخل الدكتور المسؤل أوضة الضيوف ودخل هو وريتاج
ريتاج قاعدة قلقانة
الدكتور المسؤل أنا جاى النهاردة عشان اشكر مدام ريتاج على إللى عملته بخصوص المرض إللى هى اكتشفت حقيقته
نجم الشكر لله يا دكتور دا أقل واجب
الدكتور المسؤل أنا مش عايز اكون بتطفل عليكم بس كنت عايز اعرف دراستك إيه يا مدام ريتاج
ريتاج متوترة وباين عليها
نجم احمم المدام كانت دكتورة بيطرية ولما اتجوزت قعدت في البيت
الدكتور المسؤل كنت متوقع على فكرة
ريتاج قاعدة ساكتة متوترة
نجم قعد مسك ايديها عشان يطمنها
الدكتور المسؤل الصراحة بعد إللى عرفته منك دا أنا جاى اقولك بعد كل إللى حصل منك اتكلمت مع وزارة الصحة عشان نفتحلك عيادة بيطرية في البلد إيه رائيك
ريتاج فتحت عيونها مرة واحدة
نجم ابتسم بجد يا دكتور ينفع
الدكتور المسؤل أيوة طبعا وكفاية كفائتها تشهدلها بلى حصل
نجم بجد دا احسن خبر سمعته في حياتي إيه رائيك يا دكتورة ريتاج
ريتاج اتنهدت بصوت عالى أنا مقدرة كل إللى اتقال وكل إللى حصل بس أنا بعتذر عن الموضوع دا مش هقدر
نجم باستغراب ليه يا ريتاج
الدكتور المسؤل ليه بس يا دكتورة ريتاج
ريتاج الصراحة عشان أنا عندى مسؤلية متقلش أهمية عن شغلى كدكتورة
نجم ايه إللى عندك يا ريتاج يمنعك من الشغل ومساعدة الناس
ريتاج ابتسمت لنجم أنت احمم قصدى انت والبيت يعنى
نجم ابتسم بتركيز في عيونها بس ممكن تشتغلى وتهتمى بيا والبيت مع بعض
ريتاج لا أنا عايزة أهتم بيك لوحدك وبس
الدكتور المسؤل ابتسم لهم طيب ممكن اقول رائى
نجم وريتاج بصوا للدكتور
الدكتور المسؤل أنا هسبلكم تفكروا براحتكم امشى أنا بقى وخدوا وقتكم في التفكير
وسابهم ومشى
خرج نجم وريتاج وحكوا كل إللى حصل للعيلة كلها
الكل كان في حالة من الصدمة
أم ابراهيم وانتى ناوية على إيه يا دكتورة ما هو لازم من هنا ورايح نقولك يا دكتورة
ريتاج ابتسمت وقعدت جمب ام ابراهيم
دا كان زمان يا طنط أنا الوقت ماليش غير بيتى وبس ومش عايزة حاجة تشغلنى عنه خالص
منى خسارة كان نفسى اقول مرات عمى دكتورة واتفشخر بيكى قدام المدرسة كلها
ريتاج ابتسمت الإنسان يتباهى بنفسه وبعلمه وبتحقيق ذاته مش فشخرة بحد تانى صح يا دكتورة منى أن شاء الله
منى ابتسمت باحراج صح
فجأة الباب خبط تانى
نجم يوم الخبط العالمى وضحك هههههه
نجم فتح إيه يا سيد إيه إللى جابك هنا
الراجل سى ابراهيم قالى اجى واخدك. عشان عايزك في موضوع مهم اوى
نجم باستغراب ابراهيم فين وعايزينى ليه
سيد مش عارف هو قالى كدا
نجم هو قاعد في الأرض ولا فين
سيد لا دا عند عبدالله المكيانيكى
نجم باستغراب عند عبد الله المكيانيكى
يا ترى ليه
سيد مااعرفش طيب يلا عشان منتاخرش
نجم طيب استنى ودخل قالهم ومشى مع سيد
ام ابراهيم يا ترى إبراهيم عند الميكانيكي ليه
هدى العلم عند الله.....
ياترى فى إيه هيحصل عند المكيانيكى ؟
وياترى ريتاج هتوافق على انها ترجع شغلها تانى ولا لأ
توقعاتكم بقى😉
التفاعل بقى يا حبايب نجم وريتاج
بقلمى موفاااا💚
__________________
_____________________