Episode 10
🍁လမ်းခွဲ🍁
🍁
🍁
🍁
အတိတ် ( ၇ )
" ခူးကို ပြောစရာရှိတယ် "
" အင်း ပြောလေ "
" ဒါပေမဲ့ ကျွန်တော်ကြောက်တယ် "
" မင်းက သတ္တိနည်းလိုက်တာ "
အပင်အိုကိုလှမ်းကြည့်ပြီး ကျွန်တော်ရေရွတ်လိုက်သလိုဖြင့် ဆိုမိသည်။ သို့ပေမဲ့ ကျွန်တော်ကိုယ်တိုင်လည်းကြောက်နေမိတာတော့ တိတ်တဆိတ်ဝန်ခံရမည်။
အင်း...
ကျွန်တော်လဲ သတ္တိနည်းသူပဲ...
" ဒါဆို ခူးကိုမေးမယ် "
ကျွန်တော် ငြိမ်သက်ပေးနေလိုက်သည်။တုန်ယင်နေသည့်နှလုံးသားနေရာကြောင့်လည်း အသက်ရှူလို့သိပ်မဝချင်တော့။
" အချစ်မှာ မျက်စိမရှိဘူးဆိုတာ ခူး လက်ခံလား? "
ဒီမေးခွန်းက လွယ်လွန်းတယ်မဟုတ်လား?
အချစ်အကြောင်းသိနေတဲ့လူတိုင်း လက်ခံထားတဲ့ဒဿနကြီးပဲကို။
" အမှန်ပဲလေ ။ အချစ်မှာ လှလို့ချစ်တာပဲရှိရင် ဒီကမ္ဘာပေါ်မှာ ရုပ်ဆိုးလို့တစ်ယောက်တည်းရှင်သန်ရတဲ့သူတွေ ၇၅% ထက်ဘယ်နည်းမလဲ? "
ကျွန်တော့်အဖြေကို သဘောပေါက်သွား၍ထင်သည်။အတန်ကြာ နောက်မေးခွန်းဆက်မလာတော့။
" အဲဒါဆို အချစ်မှာရော ကျား ၊ မ ခွဲခြားထားတာရှိလား? "
ကျွန်တော် ဒီမေးခွန်းရဲ့အဖြေကိုတော့ စဥ်းစားချင်သေးသည်။ အချစ်မှာ မျက်စိမရှိတာသိပေမဲ့ လိင်တူ ၊ လိင်ကွဲဆိုတာကိုတော့ ကျွန်တော်လည်း အပြည့်အဝနားမလည်နိုင်သေးပေ။အချစ်ဆိုတဲ့အံ့ဖွယ်ရာလေးက မျိုးတူလူသားတွေရဲ့နှလုံးသားတွေကို တကယ်ပဲနီးစပ်စေတတ်သလား??
" ယောက်ျားတစ်ယောက်က သူနဲ့အသွင်တူတဲ့ယောကျ်ားတစ်ယောက်ကိုပဲ ချစ်မိသွားတယ်ဆိုရင် ခူး အမြင်ကရော "
" ဆောရီး ။ ကိုယ်မကြုံဖူးလို့ ထင်မြင်ချက်မပေးနိုင်ဘူး "
တစ်ဖက်ကတိတ်သွားသလို ကျွန်တော်လည်းဆက်မပြောဖြစ်တော့ပါ။ အေးစက်သွားသောဒီအခြေအနေကို ဖန်တီးယူလိုက်သူက ကျွန်တော်ကိုယ်တိုင်ပဲမို့ ထပ်ပြီးပြောဖို့ရာစကားလုံးများအား အသည်းအသန်ရှာဖွေနေမိသည်။
BẠN ĐANG ĐỌC
မြတ်နိုးမိသော မေပယ်လ်<or> こうさてん [လမ်း ခွဲ] (Completed )
Lãng mạnTitle~ မြတ်နိုးမိသောမေပယ်လ် လမ်းခွဲ ( こうさてん) Author~ Hnin Yhine All Episode~ 35.( U &Z) # sixth 4.6.2021>>>> 25.1.2022( 7 m 21 days)
![မြတ်နိုးမိသော မေပယ်လ်<or> こうさてん [လမ်း ခွဲ] (Completed )](https://img.wattpad.com/cover/271617317-64-k609722.jpg)