THE CURSE || ᶜᵒᵐᵖˡᵉᵗᵉᵈ

‌BlAcK MaGiC

"ඇයි සන් වූ... මොකද???"

ජිමින් ලගින් හිසත් බිමට බරකරගෙන අනිත් පැත්ත හැරුණු සන් වූගෙන් නම්ජූන් එහෙම ඇහුවෙ නම්ජූන්ගෙ හිතට අමුත්තක් දැණුන නිසා...

"අපි හිතනවට වඩා මේක ටිකක් බරපතලයි වගේ නම්ජූන්..."

සන් වූ නලලත් රැලි කරගෙන ඔලුවට තට්ටු කර කර එහෙම කියද්දි නම්ජූන්ගෙ හිතට දැණුන අමුත්ත හරි කියලා නම්ජූන්ට ස්ථිර උනා..

"එලියට යන්..."

නම්ජූන්ගෙ කුතුහලය ටිකක් වැඩි කරන ගමන් එහෙම කිව්ව සන් වූ නම්ජූන්වත් එක්කෙගෙන එලියට ගියා.. මාලිගාවෙ එලිමහන් උද්‍යානයට ගිය නම්ජූන් සහ සන් වූ පිලිවෙලට කප්පාදු කරලා සකස් කරලා තිබ්බ පදුරු වලින් වටවුණු ගල් බන්කුවක අසුන් ගත්තා..සන් වූ ගල් බන්කුවෙන් ඉදගෙන කකුලක් පිට කකුලක් දාලා හරිබරි ගැහිලා තමගෙ උගුර පෑදුවා..

"මේකයි...."

සන් වූ කතාවට මුල පුරනකොටම නම්ජූන් තව ටිකක් සන් වූට කිට්ටු උනේ එයා කියන දේ හොදට අහගන්න.

"පුලුවන් තරම් ඉක්මනට ජිමින්ව මෙහෙන් යවන්න ඕන..."

සන් වූ එකපාරටම ගහෙන් ගෙඩි එනව වගේ  එහෙම කියද්දි නම්ජූන්ගෙ ඇග සීතල වෙලා ගියා.. 'ජිමින්ව යවන්න?? ඒත් මොකටද?' නම්ජූන් එහෙම හිතන ගමන් ඒ ප්‍රශ්නාර්ථය මූණෙ තියාගෙනම සන් වූ දිහා බැලුවා.. සන් වූට නම්ජූන් හිතපු දේ ඒ මොහොතෙම තේරුණා...

"නම්ජූන්.... ජිමින්ගෙ හිත දුර්වලයි...ඇත්තටම කිව්වොත් ජිමින්ගෙ හදවතට දැන් හුගාක් දේවල් දරාගන්න බැරි තත්වයක් තමයි තියෙන්නෙ... එයා මේ පරිසරෙන් ඈත් වෙන්න ඕන..."

සන් වූ එහෙම කියද්දි නම්ජූන්ට ජිමින් ගැන දුක හිතුනා..සන් වූ කියන දේ ඇත්ත. පොඩි කාලෙ ඉදන්ම ජිමින් හිටියෙ හරිම දුකෙන් වගේම පසුතැවිල්ලෙන්.. ඒ වගේම තමන් ගැනම වෛරයෙන්.. හැමදාම තාත්තගෙයි රටවැසියන්ගෙයි කතා අහල ජිමින් එයාගෙ හිත හුගක් රිද්දගත්තා.. ජිමින් තනියමමයි හිටියෙ.. කා එක්කවත් කතා කරන්නවත් එලියට බැස්සෙත් නෑ.. එහෙම ජිමින්ව මෙහෙන් යවන්නෙ කොහොමද.. මෙහෙන් යවලා නොදන්න තැනක ජිමින් කා එක්ක ඉන්නද... ජිමින් කොහොම හැසිරෙයිද? ජිමින්ගෙ හැසිරීම සැරින් සැරේ වෙනස් වෙනවා.. මෙහෙන් ඈත් උනොත් ජිමින් වෙනද වගේ වියරු වැටෙන වෙලාවට ජිමින් ලග ඉන්නෙ කවුද... සන් වූ කියනව නම් මේ පරිසරෙන් ඈත් කරන්න ඕන කියලා, ඒක නොකරත් බෑ. ට්‍රාන්සිල්වේනියාවෙන් පිට කියන්නෙ ජිමින්ට වෙනම ලෝකයක්.. නම්ජූන්ට මාලිගාව අත ඇරලා යන්නත් බෑ තාත්තා නිසා. ඒත්.... ජිමින්ව මාලිගාවෙම තියාගෙන එයාගෙ මානසික තත්වය හැදුව නම් හරිනෙ...