THE CURSE || ᶜᵒᵐᵖˡᵉᵗᵉᵈ

‌THE CURSE

ශීත සෘතු නිවාඩුවට ආපහු තමන්ගෙ උපන් ප්‍රදේශ වලට ආව තරුණයන්ට මරණයේ අන්ධකාර සෙවනණැළි තමන්ගෙ වටේ සැරිසරන බවට කොහෙත්ම අදහසක් තිබුණෙ නෑ. ඒ හැමෝම හිටියේ ආපහු තමන්ගෙ කියන තැනකට බාහිර ලෝකෙන් මිදිලා එන්න ලැබීම ගැන සතුටකින්. තමන්ට නිදහස් හුරුපුරුදු පරිසරේ ආපහු ලැබීම ගැන සතුටකින්. 

පෙනිසියුලා මාලිගාව...

" ටේහ්‍යුන්ග්..... ටේහ්‍යුන්ග්...... "

ජන්කුක්  තමන්ගෙ කාමරෙන් එලියට ඇවිත් ටේහ්‍යුන්ග්ට කතා කලේ අදවත් ටේ තමන්ව මග අරින්නෙ ඇයි කියලා දැනගන්න. මොකද ටේ එක්ක තරහා වෙලා ඉන්න එක ජන්කුක්ටවත් ජන්කුක් එක්ක තරහා වෙලා ඉන්න එක ටේටවත් ලේසි වැඩක් උනේ නෑ. ඒ නිසා බොරු ආඩම්බරකම පැත්තකට දාලා ජන්කුක් ටේව හොයාගන ගියා. 

" අහ්.... ජන්කුකා.... මාත් මේ උඹව හෙව්වෙ..." 

දිගු පැසේජය මැදදී ජන්කුක්ව මූනට මූන හම්බුන ටේ ජන්කුක්ට කතා කලා. 

" ගාඩ්න් එකට යමන්. "

ජන්කුක් එහෙම කියලා ඉස්සර උනා . 

දෙන්නම ගාඩ්න් එකට ගිහින් නිදහස් තැනකින් වාඩි උනා. ජන්කුක් සුපුරුදු විදියටම ඉස්සරහා බලාගන හිටියේ කොතනින් පටන් ගන්නද කියලා කල්පනා කරන ගමන්.ටේහ්‍යුන්ග් ජිමින් ගැන වෙනස් විදියකට හිතනවද කියලා දැනගන්නත් ඒ වගේම ටේහ්‍යුන්ග් ගෙ හිතේ ජිමින් ගැන තියන අදහස අයින් කරලා දාන්නත් ජන්කුක්ට ඕන උනා. 

" ජන්කුකා..... උඹ මාත් එක්ක අව්ලෙන්ද ? " 

ටේ කෙලින්ම ඇහුවා. ජන්කුක් දිගු  හුස්මක් පහත දාලා කතාවට මුල පිරුවා. 

" ටේ... අපි මෙහෙම නොදන්නවා වගේ ඉදලා හරියන්නෙ නෑ. උඹ මගෙ සහෝදරයා. මට කියපන් ඇයි උඹ පහුගිය ටිකේ මාත් එක්ක අව්ලෙන් හිටියේ ? උඹගෙ හිතේ ජිමින් ගැන මොනවද තියෙන්නෙ ? " 

වැල් වටාරම් පුරුදු නැති ජන්කුක් කෙලින්ම ඇහුවා. 

" මං දන්නවා ජන්කුකා. උඹ ජිමින්ට කැමතියි. උඹ ජිමින්ට ආදරෙයි. එහෙම වෙලත් ඇයි උඹ ඒක ජිමින්ට නොකියන්නෙ? ඇයි උඹ ජිමින් එක්ක තව තව එල්ලෙන්නෙ ? මට උඹ එක්ක තරහක් නෑ, හැබැයි උඹ ඒ කරන වැඩේට මම කැමති නෑ. අනික මම ජිමින්ව උඹගෙන් උදුරගන්නෙ නෑ. ඇත්ත .. මම ජිමින්ට කැමතියි තමයි. ඒත් ඒක මට ජිමින්ව උඹගෙන් උදුරගන්න තරම් කැමැත්තක් නෙවෙයි. මට ඒ කොල්ලා ගැන දුකයි බන්. ජිමින් දකින හැම සැරේකම මට හිතෙන්නෙ අපි ඒ කොල්ලට අසාධාරණයක් කලා කියලා. "