THE CURSE || ᶜᵒᵐᵖˡᵉᵗᵉᵈ

◼Cursed Prince

එදා පුරහද පායපු රාත්‍රියක්.. හද කොයිතරම් ලස්සනට පායලා තිබුණත් මුලු පරිසරය පුරාම තිබුණෙ අසාමාන්‍ය ලා අදුරක්.. තද කලු පාට වලා පටලයකින් මුලු චන්ද්‍ර මණ්ඩලයම ආවරණය වෙලා තිබුණෙ අහස තද වැස්සකට අර අදින බව කියාපාන්න වගේ.. විටින් විට හමාගිය ඇග කිළිපොලා යන සිහිල් සුළගත් අන්ධකාර වනාන්තරයේ සිවලුන්ගෙන් නැගුණ එකම හූ හඩත් නිසා මුලු රාත්‍රියම මහ පාලු මූසල ස්වභාවයක් ඉසිලුවා. අසාමාන්‍ය තද සුලග නිසා වේදනාවට පත් උන ගස් වලින් වෙන් වුන වියලි කොළ කවුන්ට් මන්දිරේ ශෛලමය බිත්ති සිපගෙන බිමට පතිත උනා.. 

ට්‍රාන්සිල්වේනියා වල තිබුණ කවුන්ට් මන්දිරේ එකම කාලගෝට්ටියක්. කලබල උන සේවිකාවො එහාටයි මෙහාටයි නිච්චි නිනව් නැතුව මාලිගාව පුරාම දුවනවා. අග බිසවගෙ විලාපයෙන් මුලු කවුන්ට් මන්දිරයම දෙදරුම් කන්න පටන් ගත්තෙ පරිසරයෙ තිබ්බ අසාමාන්‍ය පාලු මූසල බවට තවත් රුකුල් දෙන ගමන්.. 

"බිසවුනි... කරුණාකරලා තව වතාවක් උත්සාහ කරන්න.."

වේදනාව නිසා ඇදුම් කන අප්‍රාණික ශරීරයවත් හරිහමන් විදියට පාලනය කරගන්න බැරුව හිටපු බිසවගෙන් වින්නඹු අම්ම බොහොම බැගෑපත්ව ඉල්ලුවා. බිසව මේ වෙද්දිත් තුන් හතර වතාවක්ම සිහිමුර්ජා වෙලයි හිටියේ. බිසවගෙ තොල් වියලිලා, දාඩියට පෙගුන කොණ්ඩෙ නලලට ඇලිලා , අතපය වෙව්ලනවා.. තව වතාවක් උත්සාහ කරන්න තියා පපුව පිරෙන්න හුස්ම පොදක්වත් අරගන්න බැරි අප්‍රාණික තත්වයක තමයි බිසව පසුවුණේ..ඇය කදුලු පිරි දෑසින් තමන්ගෙ ස්වාමියා දිහා බැලුවා. ඒ ක්ෂණයෙන්ම ඔහු ඇවිත් තමන්ගෙ ආදරණීය බිසවගෙ මලාණික අතකින් අල්ලගත්තා.ඒ අත්වල තිබුණ සීතලට කවුන්ට් ජී යූන්ගෙ මුලු ශරීරයම හිරිවැටිලා ගියා. 

"තව එකම වතාවක් බිසවුනි..."

වින්නඹු මාතාව බිසව ලග දනගහලා බැගෑපත් උනා.. බිසවගෙ මේ වේදනාව වින්නඹු අම්මට නොතේරෙනව නෙවෙයි. අම්මලා දරුවො බිහිකරන්න විදින වේදනාව වින්නඹු අම්මා අනන්තවත් දැකලා තියනවා... 

විදලා තියනවා..

ඒත්..... 

බිසවගෙ තත්වෙ අසාමාන්‍යයි..ගැහෙන සිරුර අමාරුවෙන් වාන්ගු කරගෙන තමන්ගෙ දරුපැටියට මේ ලෝකෙ එලිය දෙන්න බිසව කොයිතරම් උත්සාහ කලත් පුන්චි කිරිකැටියා නම් එලියට එන්න කැමැත්තක් නෑ වගේ..