THE CURSE || ᶜᵒᵐᵖˡᵉᵗᵉᵈ

‌Avenge😈

වෙහෙසකර දිගු ගමනකට පස්සෙ හෝප්  සහ ජින් බුසාන් වලට ලගා උනා.. හෝප්ට නම් එපා වෙලා හිටියෙ. මොකද බුසාන් යන්න වෙලා ගිය නිසා..

"මම දිව්ව නම් මීට වඩා හයියෙන් යන්න තිබ්බා.."

හෝප් මූනත් අකුලගෙන එහෙම කිව්වෙ එකපාරක් නෙවෙයි.. ජින් ඒ හැමවෙලාවකම හිනාවෙලා හෝප් දිහා බලලා අහක බලාගත්තා. ජින් හරිම සුහදශීලී හිතවත් චරිතයක්. හෝප් එක්ක ඉක්මනටම ජින් එකතු උනා. ඒ වගේම ජින්ගෙ හදවතත් හුගක් හොද බව හෝප්ට තේරුණා.. 

ජින්... එයා සුගාගෙ යාලුවෙක්. එයත් දෙවියෙක් තමයි.. ඒත් සම්පූර්ණ දේව ආත්මයක් නෙවෙයි. එයා අර්ධ දෙවියෙක්. ඒ කියන්නෙ එයාගෙ දෙමව්පියො දෙන්න මනුෂ්‍යයෙක් සහ දෙවියෙක්. සුගා ඒන්ජල් කෙනෙක් නිසා සුගාට ජිමින්ට ලන් වෙන්න බෑ. ඒත් ජින් ඩෙමිගෝඩ් කෙනෙක් නිසා එයාට ජිමින්ව හෝප් එක්ක බලාගන්න පුලුවන්. ඒ නිසයි සුගා ජින්ව හෝප් එක්ක යවන්න සූදානම් කලේ.

ගමනාන්තයට ලගා උන ජින්,හෝප් දෙන්නා බුසාන් වල උස බිල්ඩින්ග් එකක් ලගින් කැබ් එකෙන් බැස්සා.. 

'මෙතන තමයි එයා ඉන්නෙ...'

ජින් උස ගොඩනැගිල්ල දිහා බලාගෙන හිතුවා. ජින් ලගින්ම හිටගත්ත හෝප් තමන්ට ඉස්සරහ තියන උස ගොඩනැගිල්ල දිහා බලන් හිටියෙ පුදුම වෙලා. මොකද හෝප් මීට කලින් මෙහෙම උස ගොඩනැගිලි දැකලා තිබුණෙ නෑ. කැලේ වගේ නෙවෙයි.. නගරෙ හරිම එලියයි.. ඒත් ගස් කොලන් නම් හුගක් අඩුයි. කෙලින්ම ඇස් වලට වදින ගිනි රස්නෙ ඉර එලියට ඇසුත් නිලන්කාර වෙන තරම්. ඒ මදිවට පුදුම රස්නයක්.. වාහන,මිනිස්සු හැමතැනම. නගරෙ හරිම කාර්‍යබහුලයි.. හෝප් හැමදේම හොදට නිරීක්ෂණය කරන්න ගත්තා..