حب تحت الشتا (باللهجة اللبنانية)

الفصل الثالث (مفاجئة)

الفصل الثالث

فتت عالبيت مع صالح، كملت عغرفتي ولحقن وقعدت حدي، طلعت فيه مستغربة:

"ما حتسلم عامي؟..."

- مش هون

- شو الي عرفك؟

- خبرتني مبارح انهم طلبوها بثانوية كرمال تامر

- اه... ما كنت عارفة

قلتها وانا عم اتوجه عالمكتبة لأخذ منها كتاب  وقلم ثم قعدت عالتخت لبلش بتلخيص واحد من الدروس، قال صالح:

- شي طبيعي، فانا بحكي مع امك اكتر مما بحكي معك، وما رح استغرب لو عرفت انو امك بتحكي معي اكتر مما بتحكي معك

ما كان الي خلق جاوبو فطنشتو، اجا بلش يلعبلي بشعري وقال:

- شو مخططاتك لليوم؟... طبعا غير الدرس...

- سوري ما عندي وقت ابدا لشي تاني

اخذ ايدي الي عم اكتب فيها وباس ظاهرها وقال بحنان:

- اتركي الدرس لما كون موجود ولو لمرة وحدة

تطلعت فيه وانا عم استرجعوايدي منزعجة:

- بليز اذا بدك تبوسني اعمل الشغلة دون ان تشغلي ايدي عن الكتابة، تنهد مبتعد عني رجع قال بجفاف:

- طيب وبعدان؟...

- اخر همي

- حأضهر بعد الظهر مع رفقاتي عالبرية لنقضي وقت هونيك، طلبو مني جيبك ليتعرفو عليك

- بظنك رفضت طلبن لانك بتعرف انو ما بحب هول الاشيا

- لا قبلت طلبنولاني بلشت انحرج من كثرة ما رفضت طلباتن، بلشو يفكرو اننا متخانقين

- وهالشي رح يأثر عمستقبلنا؟

- انا عندي حياة اجتماعية بحب تشاركني فيها مرتي متل ما بتشارك بقية النسوان ازواجهن...

- بعتذر يعني بس ما بحب التقليد

- عن اي تقليد تحكي؟!

- انو تعرفني على رفقاتك بس لتكون متلن

- اريج!... لامتى حنبقى هيك؟... نحن بالاخر حنتزوج وانت بتعرفي هالشي،  الازواج لازم يتشاركو بالحياة

- اي اكيد بالطبع...

- اذا؟...

- اوك بروح معك...

تطلعوفيني بشك لفترة رجع قال:

- وما بتجيبي كتب

رفعت راسي مصدومة من طلبو، قلتلو:

"انت عم تطلب كتير..."

- كلها مرة وحدة من سنين كتيرة، اعمليها بس لتقولي بيوم من الايام انك عملت شي مرة شغلة كرمالي