Week in a Lifetime Chance

Chapter 24

"So, where do you want to go next?" tanong ni Adam habang naglalakad na kami papalabas ng N Seoul Tower.

"Uhm, it's up to you. You're my tour guide, right?" Tatanung-tanong para namang hindi niya alam kung ano yung next stop namin, talaga 'to. Hindi kasi ako nakinig nang maigi kanina sa maiksing meeting namin sa sasakyan eh. Naatat ako ng bongga pagkarinig ko nung TOUR. *hearts*

"But you're the visitor, the wheel goes to you." gosh, seryoso ba siya?! Ano 'to, recitation? Hindi ko nga alam kung saan yung next. Nawaglit na sa isip ko!

Pero nag-isip pa rin ako kung saan ko talaga gusto, sabi niya eh. Sakyan na lang natin. Adventure 'to. Kaso mahal ko man ang bansang ito sadyang hindi lang talaga ako ipinanganak dito kaya mahirap pa rin magkabisado ng mga pangalan ng mga lugar dito. Ano yun eh, ano nga bang tawag sa river na yun? *kamot ulo*

"Hmm... It's a river." edi yun na lang yung nasabi ko, ang haba naman kasi ng pangalan nun eh, yun yung pinaka-downtown ng Seoul. Since nag-iisip parin siya dinugtungan ko na lang yung description ko, "It's the downtown of Seoul if I'm not mistaken."

Nagliwanag naman yung mukha niya nang banggatin ko yun. Mukhang nasa iisang strand na kami ng hair. Hahaha. "Ahh! It's the stream. The Cheonggyecheon. Good choice!" chenggo— what? Basta yung sinabi niya, tama siya don!

"Let's go!"

"But wait! Are you allowed to go in there?" oo nga pala, isang plaza yun. MATAO DUN!

"Cover-up would do." pagngiti niya sakin kasabay ng pagsuot nya ng hoodie, cap, shades at face mask niya na kulay itim.

**

Isang magandang hapon ang sumalubong sa amin sa Cheonggyecheon Plaza, eto ang starting point ng stream. Naghahalo ng kulay dilaw, pink at red ang kalangitan pero mataas pa rin ang araw. Mahaba pa ang oras para baybayin ang makasaysayang stream na 'to. Yun nga lang sobrang maraming tao dahil eto naman ang tamang oras para talaga mamasyal kaya kailangan mas maging maingat.

"Naku, it will be my fault if we get caught so don't ever do again what you did in EK, okay?" bahala na kung magmukha akong assuming. Sa Pinas okay pa eh, pero kung dito? Hindi ko na alam.

"Hahaha. Don't give me ideas."

"Ya! Adam Yoo—!"

"Shhhhh. You don't want us to get caught, right?" pagtatakip niya sa bibig ko. Bago ko pa maubos ang kamay nya, tumango na ako para bitawan niya ako.

"Ahahah. Did I scare you off?"

"Yes. To death." pero sa totoo lang, ang sarap balikan ng ala-alang iyon. *echusera* Tinali ko pa ng mas maayos yung hoodie niya, halos wala na yung mukha niya eh. Hahaha. Ilong na lang niya yung maaaninag mo, ewan ko na lang kung makita pa siya ng mga tao. Halos lahat naman dito kasing kinis ng balat niya.

Namangha ako ng husto sa theme ng stream na ito ngayon. Sabi kasi ni Adam, monthly daw talaga ay nilalagyan ng iba't ibang disenyo ang stream na ito dahil nga isa siya sa tourist spot sa South Korea.

Sa ngayon ay may pink balloons na nakalutang lang sa tubig, pwdeng kunin at laruin ng mga dumadaan at pink small umbrellas na nagsilbing banderitas. Ang ganda lang!

Sa pagbaybay namin ay maraming mga bloke ng bato at pwede mo itong daanan para makatawid ka rin sa kabila. This stream is 15ft below the street level. Maingay at masalimuot man ang lokasyon nito, name-maintain niya pa rin ang quietness at serene ambiance.