Ang Pag-ibig Ni Lester (R18)

Kabanata 10

Nadatnan ni Lester ang walang emosyong taga-bantay niya na naroon na sa loob ng sasakyan upang ipagmaneho siya. Subalit naisip niyang mali ang temang iyon ganung doon din naman ang lalake magtatrabaho sa kanyang opisina.

"Good morning Mr Wang. I hope you discuss to me right now kung ano ang nasa iyong isipan bago ako tumapak sa iyong opisina upang alam ko kung saan lulugar."

Malamig ang pakikitungo ni Zeke sa kanya, sa paraang isa lamang siyang trabaho para dito. Nawala siya sa sistema dahil doon. Pumikit siya ng mga mata at sumandal sa upuan ng patingala. Kinakalma niya muli ang kanyang damdamin.

"I don't have a plan yet."

Ayaw niyang magsalita ng mahaba. Baka pumiyok ang kanyang tinig.

Hindi niya na muling narinig ang lalake hanggang marating nila ang opisina saka lamang siya nagsalitang muli.

"Here is my calling card. Call me once you decide of what I'm going to do. Hindi ako basta maaaring pumasok na lamang sa opisina mo."

Naguluhan siyang napatingin dito, "What do you mean? Aren't you supposed to work as my staff?"

"Yes but you need to make a drama about it. Maging si Aubrey ay walang alam sa planong iyon so you must be careful."

"Talaga bang iniisip mong kahina-hinala ang kasintahan ko?" kunot-noong tanong niya.

"I can't say. Pero dapat tayong mag-ingat maging sa kanya."

"At paanong mas mapagkakatiwalaan ka kesa sa kanya?"

Pilit niyang inaarok ang emosyon sa mga mata ng kausap subalit hindi siya nagtagumpay.

"You can fire me right away if you don't trust me. And I can kill you in a snap since the day I met you if I want to. If I'm your enemy," malamig na tugon ni Zeke na nagdala ng kakaibang takot sa kanyang sistema.

Tinapunan niya ang lalake ng huling sulyap bago tuluyang bumaba ng sasakyan. Saka niya pa lamang napagtantong nanginginig ang mga tuhod niya.

'Nakakatakot talaga siya!'

Nagmadali siyang nagtungo sa kanyang opisina. Nasa ika-sampung palapag ng 'Wang Industrial Company' iyon. At dahil sa mga nalaman niya ay naging alerto siya sa kapaligiran at sa mga taong nakakasalubong.

Pasara na ang elevator paakyat sa ika-sampung palapag ng may apat na kalalakihang pumasok doon, sa wari niya ay maintenance ng kompanya base sa mga suot nitong uniporme.

Kinutuban si Lester ng kakaiba ng mapagmasdan niya ang mga pailalim na senyalan ng apat na lalake at nakita niyang may inalabas na punyal ang isa sa mga ito.

Nakaramdam siya ng panganib at takot subalit sukol siya sa kanyang kinaroroonan!

Hanggang may pamilyar na pabango siyang naamoy at may lalaking pumunta sa kanyang harapan mula sa kanyang likuran upang protektahan siya laban sa mga kriminal na iyon. Tumayo lamang ang lalake sa kanyang harapan.

Napalingon siya sa likuran upang matuklasan lamang na imposibleng magkaroon ng tao doon. Nakasandal na siya sa dingding ng elevator kaya imposible iyon!

Narinig niya ang mga mura ng kalalakihan.

"What the hell happened? How he suddenly disappeared?!"

Nakita niya rin ang tila paghahanap ng mga lalaki sa kanya na lalo niyang ipinagtaka.

Nang bigla na lamang nabuwal ang apat na kalalakihang iyon na tila may nanakit sa mga ito. Nakita niya pang nahulog sa kamay iyong punyal mula sa isang salarin at tila pinilipit ang mga kamay nitong napaigik.