Holdap (Sumilao Series #1)

KABANATA 35

Dana

Nakatulala lang ako sakanya, habang siya naman ay nakangiti na para bang hindi big deal ang ginawa niya. Pero ako rito, hindi ko alam kung naghallucinate ba ako o hindi. Kung nangyari ba talaga 'yon o hindi.

Alam mo yung pakiramdam na para kang nananaginip? Ganyan na ganyan ako ngayon.

Lumunok ako at kinapa ang napakalambot kong lips kasi lagi naman akong nagsscrub ng lips at gumagamit ng lip oil.

"Ba't natulala ka na diyan? Gusto mo bang halikan kita uli—"

"Hindi! I-I mean, no. Enough na 'yon..." Dali-dali kong sagot sakanya. Muli na namang tumibok nang mabilis ang puso ko.

Nang mabanggit niya ang salitang 'halikan', taena biglang nagsink in sa'kin lahat. Shet, totoo nga! Walang halong kemikal. Legit pa sa legit.

Hinalikan ako ni Miguel! Hinalikan ako ni Miguel Samson!

Tumungo ako at kinagat ang ibabang labi ko. Sobrang thankful ko talaga na may initiative ako laging mag lip care. Rainforest ang natikman ni Miguel, hindi Sahara dessert.

Parang nakuryente ako ng ilang boltahe nang biglang hawakan ni Miguel ang kamay ko.

"Tara, susuportahan pa natin ang kaibigan mo." Aniya at naglakad patungo sa kumpulan ng mga tao.

Hindi maalis kay Miguel ang tingin ko habang naglalakad kami. Kahit na ilang beses na akong nabangga, walang pake si Dana Martin. Naglakbay ang mga mata ko sa kamay namin na magkahawak.

Kinagat ko ang labi ko para pigilan ang gustong lumabas na feels ko. Shet, nag-uumapaw ang feelings ko dahil sa hinayupak na lalaking 'to! Sa tanang buhay ko, ngayon lang ako nahalikan. Syempre, hindi ako marunong kumembot. Kaya nga nagkajowa ako eh nasa malayo pa, 'diba?

At sa tanang buhay ko din, never akong nangarap at nag-expect na ang makakakuha ng unang halik ko eh ang lalaki na katulad pa ni Miguel. Yung tipong ano, parang hindi ko mareach? Kumbaga, hindi ko kalevel.

Mahal na mahal ata talaga ako ni Lord. I'm so blessed taena...

Hindi ko namalayang nakaabot na pala kami sa harap. Naka sports attire na ang mga candidates na nasa stage. Temporary na naalis kay Miguel ang atensyon ko nang saktong lumabas si Frey.

"Frey! Go!" Sigaw ko at papalakpak na sana ako nang pigilan ako ni Miguel. Pinisil niya ang kamay kong hawak niya. Tumingin ako sakanya, pero hindi siya nakatingin sa'kin. Nanonood lang siya sa pageant.

Ayaw niya bang bumitaw ako? Omg. Habang iniisip 'yon eh hindi ko mapigilang mag-init bigla. As in, damang-dama ko ang pag-iinit ng mukha ko.

Tahimik lang ako nanonood. Napansin ko nga ring hindi ko na nakita si Keisha. Well, nasa kabila naman kasi kami nakatayo ngayon ni Miguel kaya siguro hindi ko siya nakita. Ganoon din si Armani. Wala rin akong kaalam-alam kung nandito ba si AJ.

"Sorry..." Napatingin ako kay Miguel bang magsalita siya. Hindi ko masyadong marinig ang boses niya dahil sa ingay pero kahit papaano naintindihan ko pa rin.