Forever Love

01 - Im not Crying

වෙනදා වගේම අදත් අපි හමුවුන පළවෙනි දවසෙ වගේම අහස දම් පාටයි.. ඉර රත්තරන් පාටයි. අපි හම්බුන ගොඩක් හැන්දෑවල වගේම බීච් එකේ තිබ්බ හැමදේම එහෙමම තියෙනවා..
ඒත් දැන් මාසයක් තිස්සෙ අපි රෑ එලිවෙනකම් දවස ගෙවපු අපි මුලින්ම ඉදගෙන ඉදපු ඒ බෙන්ච් එකේ මම විතරයි..
අඬන්නෙ නෑ කියලා මම මටම දුන්න පොරොන්දුව නිසා ගලක් වෙලා මම හැඟීම් නැති ජීවියෙක් වෙලා ඔහේ ජීවත් වෙනවා. කොයි මොහොතක මගේ හැඟීම් පුපුරලා මාව මැරෙයිද කියල හිතෙන තරමට මේ දරාගෙන ඉදීම කරන්න හරිම අමාරුයි.. මගේ ඇඟට තුරුල් වෙලා මටත් වඩා මට ආදරේ කරපු ඔයාට මම ජීවිතේ එක චැප්ටර් එකක් විතරක් උනේ කොහොමද?ඇත්තටම ඔයාට මාව දැනුනෙ නැද්ද?ඔයා මට මේ මොකක්ද චාන්ගා කලේ.. මෙහෙම යන්න ඇයි මගේ ජීවිතේ ට ආවෙ.. ඇයි මට ඒ තරම් ආදරේ කලේ...
පපුව දවාගෙන එන ආත්මානුකම්පාව එක්ක මම් අපේ අතීත මතක අස්සෙ අතරමං වුනා...

😭😭😭😭😭😭😭😭😭😭😭😭😭😭
හැන්දෑවෙ දම් පාට බටහිර අහසෙ රත්තරන් පාට ඉර බැහගෙන යන වෙලාවෙ ඒ ඉරේ පාටයි අහසෙ දම් පාටයි එකතු වෙලා ආව දීප්තිමත් එළිය ඔයාගෙ මූණට වැටිල තියෙද්දි මහන්සි වුණත් හුරතල් හිනාවකින් මූණ පුරෝගෙන හෑන්ඩ්ෆ්‍රී එකත් කණේ ගහගෙන ජොගින් යන වෙලාවකයි මම ඔයාව මුල්ම වතාවට දැක්කෙ..