Forever Love

28 - The wait is over ❤️💚

යැන්සි ගෙ කතාව නිසා මගෙ ඔලුව තව තවත් විකාර වෙද්දි සිශෙන් මගේ ඔලුවට අත තියලා පොරොන්දු වුනා වුනත් එයා ඒක කොහොම කරයිද කියල මට කිසිම විශ්වාසයක් තිබ්බෙ නෑ..

යැංසිව මගේ බයික් කොල්ලො දෙන්නගෙ පූර්ණ අධීක්ෂණය යටතෙ එයා නතරවෙලා උන්න තැනටම යැව්වෙ එයාගෙ පාස්පෝට් අපි සන්තකේ තව දුරටත් තියාගන්න ගමන්.

කොහොම වුනත් ආවෙ ප්‍රින්සස් කේට් වගේ උනත් බල්ලටම වැටිලයි ගෑනි යන්න ගියේ..

සිෂෙන් මාව ගෙදරට ඇරෙලවල යෑන්ලියි යූබිනුයි එක්ක යන්න ගියා.. මට ඒ ගෙදරට යන්න කිසිම උවමනාවක් නොතිබුණත් මට අම්මා එක්ක කතා කරන්න ඕන වුනා..ඒ නිසා මම ත් ගියා.

මම ගෙදර යද්දි අම්මා අදත් කිචන් එකට වෙලා මොනවදෝ බර වැඩක..එයා දැක්කම මට දුකයි..ඒත් තව දුරටත් මේ තරම් විශ්වාසය කඩකරපු කෙනෙක්ගෙ වහල යට මට ඉන්න අදහසක් නෑ.. ඒ නිසා මම කෙලින්ම ගියේ මගේ කාමරේට.. මම මට වැදගත් කියල හිතෙන අතට අහුවුන දේවල් ටිකක් බැගෙජ් එකකට දාගෙන පහලට ආවා ඒකත් ඇදගෙනම..

අම්මා ඉන්නෙ මම එයාට කිසිදෙයක් නොකියපු නිසා මගෙත් එක්ක කේන්තියෙන්.. ඊයෙත් තාත්තට කෑගැහුවට අම්ම උඩින් පාත්වුනා වගේ බලන් ඉදිය මිසක් එයාට කිසි දෙයක් තේරුනේ නැතිව ඇති.. පවු එයා නොදැන උන්නට එයා කසාඳ බැඳල ඉන්නෙ සල්ලිවලට තමන්ගෙ ළමය උනත් විකුණන්න පුලුවන් හිතක් තියෙන මනුස්සයෙක් කියල මේ අවුරුදු විසි ගානටම නොදැනනෙ ඉන්නෙ.. සොරි අම්මේ ඔයාගෙ හස්බන්ඩ් ගැන ඔයාගෙ හිතේ තියෙන ප්‍රථිරූපය මම දැන් කඩන්නයි යන්නෙ...

බෑග් එකක් ඇදගෙන පහලට එන මාව දැකල අම්මා ඇස් දෙක නලලට අරන් ඉණට අත තියාගත්තා..