Forever Love

23 - Where are you now...

ටික් ටික් ටික් සද්දයක් විතරයි ඇහුනෙ.. මං ඒ සද්දෙ මොකක්ද කියල ඔලුව උස්සන්නෙ නැතිවම මතක් කලා.. මොකක්ද ඒ කණ ළඟින්ම ඇහෙන ගාණ්ඨාර ටික් ටික් සද්දෙ... අහ් මම මේසෙට අත තියල ඒ අත උඩනෙ ඔලුව ගාහම් ඉන්නෙ.. කණ ගාවටම මගේ වොච් එක සෙට් වෙලා..ඒකෙ ටික් ටික් සද්දෙ.. මේක බනීගෙ වොච් එකක්.. මට වොච් කියන්නෙ ආගමක්.. මගේ ළඟ ලොකු වොච් කලෙක්ෂන් එකක් තියෙනව වුනත් මට බනීගෙ දේවල් යූස් කරන එක පුරුද්දටම ගිහින්..බනී ගියාට පස්සෙ මම මගේ ළඟ තිබ්බ එයාගෙ දේවල් වැඩිපුර යූස් කරන්න පුරුදු වුනා..

ඔරලෝසුවෙ කටුවල සද්දෙ විතරක් මට ඇහෙන්නෙ මම විතරද මෙතන ඉන්නෙ.. මම මෙච්චර වෙලා තනියම කියෙවුවද මගේ අතිජාත මිත්‍රයො දෙන්න නැතිව.. මම හිමිහිට ඔලුව උස්සලා බැලුවා...

මගේ ඇස් දෙක ඇරගන්න බැරි තරම් කඳුළු වලින් ඇලිලා.. අපේ පරණ දේවල් මතක් කරද්දි කොයිවෙලෙත් මගෙ ඇස් වලට කදුළු එන එක සාමාන්‍යයි. ඒත් අද එක දිගට ඒ මතකයන් අවුස්සලා ,මගේ මූණ කඳුළින් පෙඟිලා ගිහින්..

මම එතකොටයි දැක්කෙ එතන අඬ අඬ ඉන්නෙ මම විතරක් නෙවෙයි කියල.. යූ බින් තාම ඇස් වල කදුළු පුරවන්. ශිෂෙන් ඇස් රතු කරන්.. මට එයාල ගැනත් දුක හිතුනා.