Forever Love

32 - Home...Sweet Home..

ආයෙමත් පාරක් Wuyuan අහස යට ඇස් අරින දවසක් උදාවුනත් අදනම් ඇස් ඇරුණෙ සනීප සුවඳායක උණුසුම් සුසුමකට නම් නෙවේ, සලබලාං ගාල බෝම්බයක් පුපුරන සද්දෙකට. උඩගියපු පාර ආපහු වැටුණ වැටිල්ලෙ සැරටම මඤ්ඤං වගේ. ඊයෙ ඇස් අරිනකොට මගෙ ළඟ ඉදපු රෝස මල අද එතන හිටියෙ නැතත්.. කුස්සියෙන් ආව උණුවෙන කිරි කහට සුගන්ධයත් එක්ක මුහුවෙලාම ඒ මල් සුවඳ මට දැනුණා..

ඔවු ‍යාන්තම් මගේ ජීවිතේ බේරුනා.. ඒ ඇහුනෙ බෝම්බයක සලබලාං සද්දෙ නෙවේ මගේ රෝස මල උදේ පාන්දර ඊයෙ සින්ක් එකට දැම්ම භාජන ටික පරිස්සමට හෝදන සද්දෙ.. ඔවු ඔවු එයා පරිස්සමට හෝදද්දි ඒ වගේ සද්ද ඇහෙනවා.. ඊට පස්සෙ මුල්ලක තියෙන වීදුරු කටු , තැලුන ඇළුමිනියම් භාජන කියන්නෙ ඉතින් සාමාන්‍ය දර්ශනයක්..

දැන් බනීත් මෙතන නැති එකේ මට ආයෙ එයාව ඕන වෙන්න කලින් මම වෙලාව බැලුවා.. අපෝ තාම හිමිදිරි පාන්දර 5 වත් වෙලා නෑ.. මොන එහෙකට මේ හාවා උදේම නැඟිටල බඩු පොලවෙ ගහනවද මන්දා.. පිස්සු හාවා..

"මං මොන වැරද්දක් කලාටද බනී මට පාඩුවෙ නිදාගන්න නොදී ඔයා ඔය ගාණ්ඨාර පූජාව පවත්වන්නෙ මේ මල පාන්දර... මම කොට්ටයක් අරන් ඒ බෝල පස්ස ඒම් කරල වීසි කරන ගමන් නැගිටලා එරමිණිය ගොතන් වාඩි උනා ඇදේ.. මගේ කොට්ට පාර ගානට කාමරේ දොර හරහා ගිහින් කුස්සියෙ සින්ක් එක ළඟ හෝද හෝද හිටිය බනියගෙ පස්සෙම ගානට වැදෙද්දි සමයම ගස්සලා බැලුවා..

මේකා ඇඳන් ඉන්නෙත් ඊයෙ රෑ මං ඇදන් හිටපු හුඩි එක.. එතකොට කෝ එයාගෙ එක..ඊයෙ රෑ ගුවන් ගතවුනා කියල මතකයක් තියෙනවා.. රෑ කීවට හවස විතරයිනෙ ඇඟේ ඇඳුමක් තිබ්බෙ..එතකොටයි මම දැක්කෙ මං ඇදන් ඉන්නෙ බනීගෙ ශෝට් එක කියලා.. කොහොම උනත් මේ කීර්තිමත් කලාකාරයා ඊයෙ රෑ කාපු බීපු භාජන ටික හෝදන්න තියපු ශබ්ද පූජාවට මගේ මුලු දවසම සුන්දර වෙයි වගේ..කොහොම උනත් මෙයා කසාඳ බැඳලා මේ වගේ කාත් කවුරුවත් නැති කන්දක් උඩ පැලක් හදාගෙන තමා ඉන්න වෙන්නෙ.. මොනව ඉවසුවත් කවුද දෙයියනේ උදේ පාන්දර භාජන පොලවෙ ගහන සද්දෙකින් දවස පටන් ගන්න කැමති.
"බෝධී.. හිටගෙනත් නිදිද. උදෙන්ම යන්න ඕන නේද? මේක බීල වොශ් දාගන්න" දුම් දාන කිරි තේ එකකුත් දික් කරල බනී මගෙ ළඟට එනකොටයි මට මතක් වුනේ අපි අද ආපහු යනව නේද කියල.. ඒක තමා මගේ හාව මේ උදෙන්ම නැඟිටල තියෙන්නෙ.. කාත් කවුරුවත් නැතිව මහ ලොකුවට මෙතන රටක් කළඹවල කඩාගෙන බිඳගෙන ඇවිත් හැංගිල හිටියට දැන් බලන් යද්දී මෙයාටනෙ මටත් වඩා යන්න හදිස්සි.. මෝඩ සමයම මගේ.