Forever Love

44- It's not just a photo shoot.. a bunch of sweet memories.

"බෝ බෝ අපි මොකේද යන්නෙ?.." බනී මේ අහන්නෙ සුපුරුදු කළු ඇඳුමට බැහල කලු කැප් එකකුයි කළු මාස්ක් එකකුයිත් දාගන්න ගමන්
SS එකේ ෆොටෝ ශූට් එකට යන්න ලේස්තිවෙද්දි..
"වාහනෙ යමු සුදූ.. බයික් වල යන්න බෑ ඉතින් වැදගත් විදියට යන්න එපයි.. මම ඒ වැදගත් කියන එක ටිකක් බර කරල කීවෙ එයාට පොඩ්ඩක් ඇනෙන්නත් එක්ක.. මොකද ඔය දුශ්ඨ හාවා මට ඊයෙ ඉදන් හරියකට අතක් අල්ලන්නවත් දෙන්නෑ "ඇඟේ මාක් තියේවි, වැදගත්විදියට එතනට යන්න ඕනනෙ බෝබෝ" කිය කිය..

ඇඟේ මාක්, යැයි යැයි තමා.. පොඩ්ඩක් තදින් ඇල්ලුවත් රතු පාට වෙන එකට මම මොකක් කරන්නද.. මලෙන් උපන් මල් කුමාරයනෙ ඉතින්.. මම ඕකට ඊයෙ ඉදන් පලි ගන්නවා.. හැබැයි කොල්ලත් අල්ලන්න නොදුන්න විතරයි මම කියන කියන දේ කර කර මාව ශේප් එකේ තියන්න දවසම ගොට්ට ගහනවා මට.. මං ඉතින් රජා වගේ මගේ සේරම වැඩ කර ගත්ත ඊයෙ ඉදන්.. හැබැයි අද රෑ වෙනකොට මොන වගේ තත්වයක් වෙයිද දන්නෑ යකා යකාමනෙ.පලි ගන්න දන්නෙම නැති බඩ්ඩ..

දෙන්නම කලු පාට කලිසමට කලු නෝමල් ටී ශර්ට් දාන් ගෙදරින් පිටවුනේ උදේ 5ට.. විනාඩි 15 න් SS එකට යද්දි එයාල ඔක්කොම රෙඩි කරන් අපි එනකම් බලාගෙන ඉදියා..එක දවසෙන් ඔක්කොම ඉවර කරන්න ඕන නිසා දවසම ගොඩක් ටයිට් ශෙඩුල් එකක් තිබ්බෙ. ඒ නිසා දෙන්නම ගිය ගමන් මේකප් වලට ගත්තා.. බනීගෙ බෙල්ල වෙනකම් වවල තිබ්බෙ කොණ්ඩෙ අද කපන්න වෙයි..ඒකටනම් මට හීනි වේදනාවක් ආව.. මොකද මට තාම ඒ මොහත මතක් වෙනවා.. මම එයා හොයාගෙන සන්ෆ්ලවර් එකට ගිය දවසෙ එයා මුලින්ම මගෙ දිහා හැරිල බලපු බැල්ම..දිග කොණ්ඩෙ එක්ක ඒ බැල්ම මට මැරෙනකම් අමතක වෙන්නෙ නෑ..
මාත් එයා ගානට චුට්ටක් කොණ්ඩෙ වවල ඉදියෙ එයා නිසාම.. ඒ නිසා මුලින්ම දෙන්නගෙම කොණ්ඩෙ එක්ක ෆොටෝ අරන් ඊට පස්සෙ කට් එකක් ගහල ඉතුරු ටික ගන්නව කියල යූචෙන් කිවුවා..

ෆොටෝ ශූට් එක ගැන අදත් ඇවිත් මැනේජර් කෙනෙක් කියවනවා ඉවරයක් නැතිව..

"සර්,මේක ටිකක් වෙනස් කන්සෙප්ට් එකකට යන්නෙ.. මොකද මෙහෙම කපල් ශූට් එකක් කියන්නෙ මෙහේ හැටියට රිස්කි.. ඒ නිසා අපි මේක ප්‍රවේශමෙන් කරන්න ඕන..ඒක සර් ල දෙන්නගෙ අනාගතයට අවධානමක් වෙන්න පුලුවන්.. මේ ෆොටෝස් සමාජය කොහොම බාර ගනීද දන්නෙ නෑ.නෝමල් ෆොටෝ ශූට් එකක් විදියට බාර ගන්නෙ නැතිව ඔයාල දෙන්න කපල් එකක් විදියට මේ දිහා බැලුවොත් ඔයාලට වස ලැජ්ජාවක් වෙන්නෙ..පාරෙ බැහල ගිහිල්ලත් ඉවරය්.. මම මේ කියන්නෙ සර්ල ගොඩක් වටින මිනිස්සු නිසා..