Forever Love

35- Evil rabbit

සිෂෙන් යූබින් එක්ක කාරෙකේ යද්දි, සති ගාණකින් ඇල්ලුවෙවත් නැති මගෙ ආදරීව මම එළියට ගත්තෙ මගේ හාවත් එක්ක වෙනද විඳපු නිදහස මට විඳින්නනම් අපි හමුවුය්න මුල් දවස්වල වගේම බයික් එකේ යන්න ඕන කියල හිතලයි..

කාරෙක පාවිච්චි කරන්න ගත්තට පස්සෙ මම බයික් එක මෙහේ ගෙනත් දැම්මෙ ආයෙ මේ ගෙදරින් ආයෙ ඒ බයික් එක එළියට ගන්නෙ හාව එක්කමයි කියල හිතල.. අද ඒ හීනෙ හැබෑ වෙලා.

වෙනදා වගේම ඔලුවත් දික් කරන් ඉන්න හාව දැක්කම මට බකස් ගාල හිනා ගියා.. මේ ඉන්නෙ ඉතින් මම හෙල්මට් එක දානකම්නෙ.. අනේ ඉතින් අර අසහාය ගායක මහා නළු Xiao Zhan... හෙල්මට් එකේ ලොක් එක දාගන්න බැරුව කොරවක්කෙක් වගේ බෙල්ල මෙහෙක් කරන් ඉන්න හැටි.. මම ඉතින් ඕක හිතල විතරක් නිකන් හිටියෙ නෑ.. ඒක කියන ගමන්මයි එයාට හෙල්මට් එක දැම්මෙ..

ඉස්සර වගේ හුරතල් විදියට ලැජ්ජාවෙන් හිනාවෙන බනියෙක් දැන් මටනෑ.. මොනා කීවත් ඒකට ප්‍රති ප්‍රහාරයක් එල්ල කරන නසරානි වලත්ත හාවෙක් දැන් ඉන්නෙ.. හෙල්මට් එක දාපු ගමන් මේකා කලේ මගේ අහිංසක යට කෑල්ල මිරිකලා මොකුත් උනේ නෑ වගේ අහක බලා ගත්‍ත එක..හිටහම්කො දෙන්නම් රිටන් එක...මං බයික් එකට නැග්ගම හාවත් උඩ පැනල බයික් එකට නැඟගත්තා...

ඒ හැඟීම මට වචනයෙන් විස්තර කරගන්න බැරි තරම්... මගේ වටිනාම දේ මගේ ළඟින්ම මගේ පිටට හේත්තුවෙලා මගේ ඉන වටේට අත දාල මාව තුරුල් කරන් යනව කියන දේ මට මොහතකට විශ්වාස කරගන්නත් බැරි තරම්.. මේ සැනසීමනම් මට මේ විශ්වයේ වෙන කිසිම තැනකින් ලබා ගන්න බැරිවෙයි..ඉතින් මං ආයෙත් ජීවත් වෙනවා.. මගේ ජීවිතේ මට තව කිසිම දෙයක් නොලැබුනත් මේ සිනිඳු සුසිනිඳු උණුසුම එක්ක මට මැරෙනකම් හුස්ම ගන්න පුලුවන් වෙයි... ලාවට මගේ ජැකට් එකයි හුඩි එකයි ඇතුලින් එයාගෙ ඇඟිලි මගේ ඉන දිගේ එහා මෙහා වෙද්දි මගේ බඩේ සමණල්ලු දහස් ගාණක් පියාඹනව වගේ දැනෙන්න ගන්නකොට මම හිමින් හිමින් සිශෙන් ගෙ වාහනේ පිටි පස්සෙන් බයික් එක අරන් ආවා..

❤❤❤❤❤❤❤❤❤❤❤❤❤❤

අන්තිමේ ටවුන් එකේ එහායින් පුංචි පටු පාරක් අයිනෙ තිබ්බ පුංචි ගෙයක් ගාව සිශෙන් ගෙ වාහනේ නතර වෙද්දි මමත් ඊට මෙහායින් නතර වුනා..