Forever Love

12 - I love you so much ma baby bunny"

බනී මගේ ජීවිතේට අලුත් හිරු එළියක් අරන් ආවා.. එදා හැන්දෑවෙ බැහගෙන යන ඉරේ එළිය එක්ක මුලින්ම දැකපු මගේ හාවා, ඉර බැහගෙන ගිය වෙලාවෙ බීච් එකේ සිහිල් සුළං අතරෙ මුදුවට සිපගත්ත මගේ රෝස මල, එකපාරටම මගේ ජීවිතේ සම්පූර්ණයෙන්ම කණපිට හැරෙවුවා. දවසින් දවස ලං වෙද්දි ඒ ආදරේ මහමෙරක් වගේ මං වටා ගොඩ නැගෙද්දි අපිට අපි නොදැක හුස්ම ගන්න්න්වත් බැරි තත්වෙකට අපි දෙන්නා පත්වුනා..
අපි දෙන්නට අපි දෙන්න මුණ ගැහුනට පස්සෙ හැම හොඳ විදියකටම අපේ ජීවිත වෙනස් වුණා.. බනී ගෙ බෑන්ඩ් එක හැමදාම අපේ ඇකඩමි එකේ ප්‍රැක්ටිස් වෙන්න එන්න ගන්න ආවට පස්සෙ තමා අපේ ජීවිත වලට වාසනාවෙ හිරු කිරණත් එන්න ගත්තෙ.. බනීගෙ නිත්‍ය රියදුරු පට්ටම බාර ගත්තට පස්සෙ මම දවසින් වැඩි හරියක් ගත කලේ එයා එක්ක.

එදා එයාව අපාට්මන්ට් එකේ තනි කරල දාල වුනත් තාත්තගෙ දෝශ දර්ශනයට ලක් වෙන්නෙ නැතිව ගෙදරට පැන ගත්ත නිසා කණක් ඇහිල ඉන්න පුලුවන් වුනා.. ගෙදරට ගිය ගමන් වීඩියෝ කෝල් එකක් අරන් මගේ රෝස මලව නලව ගත්ත නිසා ඒකත් ශේප්.. ඒත් හැමදාම රෑට එයාව තනිකරල එන කොට ඒක එයාට ලොකු දුකක් වෙයි කියලනම් මට හිතුණා.. මොකද මේ තනිකරපු මුල්ම දවසෙම ඒක එයාට ගොඩක් hurt වුනානෙ. එයාව මෙහේ එක්ක එන එක තමා කරන්න පුලුවන් එකම දේ..බලමුකො ඉතින්..

❤️❤️❤️❤️❤️❤️❤️❤️❤️❤️❤️❤️❤️❤️

ඉතින් හරියටම කියනවනම් අද තමා මගේ ඩියුටි එක පටන් ගන්න පළවෙනි දවස. හවස 2.45 වෙන කොට බනීව ගන්න මම එයාල මියුසික් ප්‍රැක්ටිස් කරන තැනට යනවා. බෑන්ඩ් එකේ වෑන් එකේ එයාලට එන්න පුලුවන්කම තිබ්බත් මම එයි කියල බනී බලන් ඉන්න බව මං දන්නවා හොඳටම.. ඒ නිසා මම හොඳ රියදුරෙක් වශයෙන් මගේ වගකීම ඉටු කරන්න කැපවිලා හිටියෙ.. අනික ඉතින් මේ රෝස මල බයික් එකේ තියන් යන එක ඇරෙන්න වෙන සතුටක් තවත් තියෙනවද?

හවස 3 ඉදන් 4 හමාර වෙනකල්ම එයාලට ඩාන්සින් ප්‍රැක්ටිස් තිබ්බ..ඇත්තටම ඒක ප්‍රමාණවත් වුන කාලයක නොවුනත් එයාලගෙ අංක එක වුනේ මියුසික් ප්‍රැක්ටිස් නිසා තවම මියුසික් වලට වැඩි අවධානයක් දිල තිබ්බා.. කොහොමත් අවස්ථාවෙ හැටියට ටයිම් මැනේජ් කරගන්න අපි කතා වුනා..