Forever Love

04 - I Love You

මට ඒ මූණ දකින්න තිබ්බෙ පුදුම නොඉවසිල්ලක්.. ඇත්තටම මට මම ශර්ට් එකක් නැතිවයි ඉන්නෙ කියන එක මුළුමනින්ම අමතක වෙලයි කෝල් එක ආන්සර් කලේ..

"බෝධී.... බනී එයාගෙ හා දත් දෙක පෙන්නලා අර මාව කරකවල අතෑරල දාන කියුට් හිනාව දාගෙන බලාන ඉන්නවා..

මට ඇත්තටම දැනුණා පපුවෙ ගැඹුරම තැනකින් කියාගන්න බැරි හැඟීමක් එයා වෙනුවෙන් පහල වෙන බව.. මම් එයා දිහා ඇස් පිය නොහෙලා බලන් ඉදියෙ වශීවෙලා වගේ..

"ඔයා වොශ් දැම්මද බෝධී.අයියෝ ඔය මොකද" මෙන්න එයා එකපාරටම ඇස් දෙක වහගත්තා..
"ඇයි බනී හැමවෙලේම මූණ වහගන්නෙ" මං ෆෝන් එකට එබුන. ඒ සැරේ තමා දැක්කෙ උඩකය නිරුවත් බව. අපොයි ෆෝන් එක උඩින් විසික් වෙද්දි ඇදෙන් පැන්න මම අතට අහු වුන ටී ශර්ට් එකක් ඇඟට දාගත්තා.. අනේ ඇත්තටම අසරණ කොල්ලා මගේ මේ කැරම් බෝඩ් එක දැකල බය වෙන්නම ඇති.

ආයෙ ෆෝන් එක ගන්න ලැජ්ජයිත් එක්ක.. ඒත් ඉතින් මම ආපහු ඇඳට පැන්නෙ ෆෝන් එකත් අරන්..

"අම්මෝ ලියෝ මූණෙ හැටි.. මං දැක්කට ඉතින් ලැජ්ජ වෙන්න එපා හොඳද.. කෝ හිනා වෙන්නකෝ" ලැජ්ජාවෙන් රතුවෙලා ෆෝන් එක ගත්ත මට මේ මෝඩ හාවා ආයෙ විරිත්තලා කියනවා..

ඇයි අනේ මාව දැක්ක විතරයි, හදිසියෙ සෙනඟ ගොඩක් මැද අත වැදිලා පොර්න් ඕඩියෝ එකක් ප්ලේ වෙලා පතිවත කෙලෙසුනා වගේ මූණ වහගෙන මෙතන ... එනව දැන්.එයා දැක්කට කමක් නෑලු.. හහ් ඒ මදිවට මූණත් පුම්බන් හුරතල් වෙනව තව.