Forever Love

39 - Sishens Mother

"මටත් මේක අහන්න වෙන කෙනෙක් නෑ.. මගේ අම්මගෙයි තාත්තගෙයි ළඟම කෙනෙක් ඉන්නව කියල මම මේ අහන්නෙත් පළවෙනි වතාවට.. අනේ මම මේ අන්තිම වතාවට ඉල්ලන්නෙ මට කියන්න මගේ අම්මා කවුද..මට අඩු ගානෙ එයාගෙ සොහොනටත් මලක් හරි පූජා කරන්න පුලුවන්.. මම මගේ තාත්තගෙ සොහොනට යනවා එයා ගැන දනගත්ත දවසෙ ඉදන්.. ඒ නිසා මට අම්මගෙ සොහොන තියෙන තැනවත් කියන්න අන්කල්.." ආයෙමත් වතාවක් සිශෙන් බැගෑපත් වුනේ මගේ හදවත දවාගෙන..

"ජීවත් වෙලා ඉන්න කෙනෙක්ට කොහොමද පුතා සොහොන් ගෙවල් හැදෙන්නෙ." බිම බලාගෙන අන්කල් ෆෙන්ග් කියපු දෙයින් සිශෙන් එහෙම්ම නැගිට්ටුනා.. ඇස් විසල් වුන මගේ කටින් "මොකක්" කියල ඇහෙද්දි යෑන්ලි අක්කා අතින් කට වහගන්නව පෙනෙද්දි බනී හොල්මනක් දැක්ක වගේ ගල් ගැහිලා ඉදියා. එතන ඊට පස්සෙ කිසි කෙනෙක්ට කතා කරන්න සිහියක් තිබ්බෙ නෑ..ඔක්කොම කටත් ඇරන් අන්කල් ෆෙන්ග් දිහා බලන් ඉදියෙ ඇහුණ දේ ඇත්තටම අපට ඇහුනද කියල විශ්වාසයක් නැතිව වගේ.. අන්තිමේ සිශෙන්ම යථා තත්වෙට පත්වෙලා යෑන්ලි ළඟින් ඉද ගත්තා..