Forever Love

49- Huangshan - Yellow Mountain

වෙනද වගේම බනියගෙ සුපුරුදු ටකරම් සද්දෙට මගෙ නින්ද කැඩුනත් ඊටත් පස්සෙ ආයෙමත් පොරවන් ඉදපු කම්ෆෝටර් එක බිම දිගේ ඇඳිල ගිය නිසා ආව සීතලෙන් මම සම්පූර්ණයෙන් යථාවත් වෙලා ඇහරිලාම ගියා.. එතකොටයි මට මතක් වුනේ ඊයෙ රෑ පන දාගෙන තැනක් හොයල පැය ගාණක් ප්ලෑන් කරල අද උදෙන්ම අපි දෙන්න ට්‍රිප් එකක් යන්න රෙඩි වුනානෙ කියල..

අන්තිමේ ඔයා යන තැනක මාත් එනව කියල තැනක් හොයන එක මගෙ ඇඟටම දමල ගහල එයා නිදාගන්න ගියාම මම කාලයක්ම ආසාවෙන් යන්න ඉදපු "Yellow Mountain" ගැන හොයල බැලුව.

මේ වගේ සීත කාලෙදි යෙලෝ මවුන්ටන් කියන්නෙම අදහගන්න බැරි තරම් සුරංගනා ලෝකයක් කියල මම අහල තිබ්බෙ. ඒත් කවදාවත් දැකල තිබ්බෙ නැති නිසා යුචෙන්ගෙනුත් මම ඒ ගැන ඇහුව.. එයා කීවෙත් එතන නිවාඩුවක් ගතකරන්න කියාපුම තැනක් කියලයි.. සුදුම සුදු හිම, රිම්, පෙණ පිරුණු සුදු රළ වගේ පේන වළාකුළු මුහුද, උණු දිය උල්පත් වගේම පුදුමාකාර හිරු උදාවක් සහ හිරු බැස යෑමකින් වැහුන විශ්මය ජනක කඳු මුදුන් සහ ගස් නිසාම එතන තෝරගත්ත එක ගැන කොහොමටවත් පසුතැවෙන එකක් නැතිවෙයි කියල ත් යුචෙන්මයි කීවෙ... ඉතින් අපි දෙන්නට ආයෙ කාලෙකට මෙහෙම නිදහසක් ලැබේද කියන එක ශුවර් නැති නිසා ගොඩක් කාලෙකට අමතක නොවෙන මිහිරි මතක ගොඩක් එකතු කර ගන්න පුළුවන් වෙන්නයි මට මේ පුංචි නිවාඩුව ගත කරන්න ඕන වුනේ.. ඒ නිසාම මම හිතුවා, යෙලෝ මවුන්ටන් එක බනීගෙ ජීවිත කාලෙ පුරාම මතකයක් වෙයි කියල..

"යී......බෝ......"

ආයෙමත් පාරක් මම ගැස්සිලා ගියේ ඒ සුන්දර අකුරු දෙක ටිකක් ඈතින් තාලෙකට ඇහුන නිසයි.නැගිටින්න ගියාට මම යෙලෝ මවුන්ටනක් ගැන හිත හිත ඉදිය මිසක් නැගිටලා නෑනෙ.. ඔය මිනිහා මට යීබෝ කියන්නෙම හොඳටම කේන්ති ගිය වෙලාවක බව දන්න නිසා වගෙම,
එයාගෙ යක්ෂ වර්ශන් ආරූඪ වෙලා ගමන පිටත් වෙන්නත් කලින්ම ඒ මූණ මට බුම්මන් ඉන්නව බලන්න ඕන නැති නිසාම ආයෙ පාරක් එයා "යී .....බෝ".... කියන්න කලින් මම දඩින් ගාල ඇඳෙන් පැන්න..

"ආන් ඒ බය තියාගන්නව හොඳයි" කට කොණකින් හිනාවක් දාගෙන මට ඇහෙන නෑහෙන ගාණට එයා මුමුනද්දි ඒකට උත්තරයක් නොදීම මම බාත් රූම් එකට රිංගුවෙ තිබ්බ අවශ්‍යතාවය ඊට වඩා හොඳටම දරුණු නිසා..