Forever Love

15 - How can I sleep without you

මගේ හීනය අන්තිමට සැබෑ වුනා... ඒත් සම්පූර්ණයෙන් නෙවේ...රෑට නිදාගන්න යනකොට දකින් අන්තිම පුද්ගලයයි උදේට නැගිටිනකිට දකින අන්තිම පුද්ගලයයි මගේ රෝස මල කරගන්නයි මට ඕන කලේ..

ඒත් ඇස් අරිනකොට මගේ ඇදේ කවුරුවත් හිටියෙ නෑ.. මගේ හිතට ලොකු බයක් පාලුවක් දුකක් එකපාර ආවා..කොල්ලාට මෙහේ අල්ලන්නෙ නැද්ද? උදේම නැගිටල බැල්කනියටවත් ගිහින්ද? එයා මේ වීව් එකට ගොඩක් ආස කලානෙ.. මම ටීශර්ට් එකත් ඔලුවෙන් දාගන්න ගමන් බැල්කණියට එබුනත් බනී ඒ පැත්තට ගිහින් තිබ්බෙ නෑ..දොරත් වහලයි තිබ්බෙ..

මේ කොල්ලා කොහේ චුත වුනාද? මම පහලට ගියා නෙවේ වාශ්ප වුනා.. අපොයි නිරාපරාදෙ බය වුනේ..
ඔය මල්ලෙ දාගෙන ඉන්නෙ ලස්සනට නැන්දම්මා....අම්මායි බනීයි කුස්සියෙ බරටම වැඩ.. ඒප්‍රන් එකකුත් දාන් බනිය මොනවදෝ කපනවා.. මේකා යකෝ..පැය 24ක් ගියේ නෑ ඇවිත්.. මම ජීවිතේට ලූණු ගෙඩියක් අල්ලපු නැති අපේ ගෙදර කුස්සියෙ මොකක්ද මේ හාව කරන්නෙ...

අම්මා හිටියෙ බනීට පිටුපාලා.. ඒ නිසා බනී මම දකිද්දිම මට ෆ්ලයින් කිස් එකක් එවුවා.. හහ් උදේ නැගිටිනකොට මගේ ළඟ තියාගන කියල කෝලමක් ගෙනාව මදැයි . මං ගෙනාවෙ අම්මට ඇසිස්ටන්ට් කෙනෙක් ද? කොල්ලා අලුවෙලා යන්න මං රැවුවා රැවිල්ලක්..

අම්මා ගුඩ්මෝර්නින් .. මම අම්මා බදාගත්තා..

අනේ මටත් පුතෙක් කියල කෙනෙක් ඉන්නවනෙ..මෙච්චර කාලෙකට මේ කුස්සියට මේ කොල්ලා එන්නෙ එයාගෙ වැඩක් කරගන්න විතරයි...
ඒකටත් එක්ක බලන්න මගේ චාන් පුතා..ආව පළවෙනි දවසෙම මටඋදවු කරනවා.. අම්මත් තාත්තට දෙවෙනි නෑ අඳෝනා කියවන්න ගියාම.
මදෑ මම මට කියල රෝස මලක් අරන් ආවා. දැන් කාගෙත් මල්වාස් එක වෙයි වගේ මේකා..