القلب الضائع

البارت السابع

وياكم الاستاذ كرار
عرفوني ع اساميكم

خلصت المحاظرة وبس طلع الاستاذ كامو الشباب يصوفرون والبنات تصفك و وحدة كالت اذوب اذوب بصوت عالي ،،، صراحة كلش تقززت شنوووو هاي ترة هوة انسان عادي ،،، بالكوة خلصت المحاضرات البقية فد مملة بشكللللللل مو طبيعي وكل استاذ يجي يكعد يسأل ع الأسماء ومنو اسمة كذا ومنو اسمة كذا ،،، رجعت للبيت لكيت ريم موجودة ،،، بدلت وخلصت وصليت ورحت يم ريم نحضر الغدة ،،، طبعا طلعنا من الكلية ساعة ٢ الظهر ف الغدا صار ساعة ب ٤ العصر ههههههه ،،،

مينا : هيوووو شبيج صافنة
ريم :هااا ماكو شي هيج
مينا : دحجي شبيج
ريم : واحد بالكلية اتقدملي للزواج
مينا : شنوووووو لجذبين
ريم : والعباس
مينا : اي وانتي شسويتي مراح توافقين موو
ريم : لا طبعا مراح أوافق بس هوة كوووولش حلووو يجنن لج اشكر وابيض وعيونة بنية وضخم شوي اوووويلييييي
مينا : ريم ديري بالج تزوجين او توافقين تزوجين هسة ترة ازعل عليج
ريم : لا يابة شسالفة هوة اخذني للحديقة واتقدملي يعني شغلة بيني وبينة واني رفضت رفض قطعي
مينا : عفية بيج
ريم : اي انتي شكو ماكو ههههه
مينا : لج شفتلج استاذ بالكلية يبووووو يموت يموت
ريم : عابت هههههه بس انتي هم مراح توافقين ع اي شخص حاليا موو
مينا : لا طبعا

مرت الايام يوم احلى من يوم الحمد لله واستاذ كرار كل ميجي للقاعة يباوعلي ويطول النظر بعيني واني هم اباوعلة بس بعديني أخجل وانزل عيني واذا بيوم مباوع علية اكوم ابجي مدري ليش شنو هل جفاف العاطفي الجان عندي صراحة ما ادري ،،، وبيوم جان مجاي للكلية ووووو اني شاطت روحي وينة وليش ما اجة وهاذا يلعب علية ومدري شنوو يعني هوة حتة ما كلي بيوم احبج اني ليش دا اسوي هيج يا ربي عزززة معقولة حبيتة لا لا محبيتة وبعدين هوة الاستاذ مالتي شلون احبة اساسا ميصير منوش انجبي شسالفة متحبي لا لا هوة مجرد استاذ اوووي بعدين اني شكو دا احجي وية نفسي

استاذ كرار : اي صدك انتي ليش تحجين وية نفسج ههههههه
مينا : (يا فشلتاه ) استاذ انتة سدتسوي هنا من شوكت انتة هنا
استاذ كرار : من اول ما كلتي شنو يلعب علية ههههه
مينا : لا رد
كرار : لتخافين ما العب عليج وحتة صارلي كم يوم احاول ابحث عن عائلتج او ابحث عنج بمواقع التواصل الاجتماعي في سبيل اكلج اني احبج بس ملكيتج بعدها اتذكرت انو ليش ما ابحث بسجلج الي بالكلية وحاليا اليوم جنت ماخذ اجازة دا اودي ابن اخوي للمستشفى وديتة ورجعتة وكلت خلي اجي اشوف السجل مالتج واجيت ولكيتج تهلوسين بحبي هههههه بس هية خلي اكلج

(لزم ايدي وكعدنة ع الكراسي ،،، جان يكول )

كرار : مينا اني احبج ومستعد اخطبج من باجر بس انتظرج تخلصين كلية علمود مو كل شوي اغار عليج واكلج لتحجين وية هاذة وذاك لان اني هيج طبعي يعني اغار حيل ف ما اريد اخليج من هسة ترتبطين بية اريدج تخلصين كلية واخطبج علمود تصيرين بس الي ها شكلتي
مينا : (احس وجهي صار ناااار من كثر الخجل والخوف وايدي بيهة شوي رجفة وما ادري شحجي ) استاذ يعني هسة شنو يعني احم
كرار : اول شي لترجفين هههه وهسة اكلج تقبلين ترتبطين وياي ولمن تخلصين كلية اخطبج ونتزوج
مينا : ع راحتك استاذ اقصد يعني اي عادي يعني مو اي عادي بس ماشي نجرب احم احم
كرار : هههههههههههههه

( ضحك ضحكة اعتقد من كل كلبة )

كرار : تمام حبيبتي وإنشاء الله احافظ عليج وما اخلي احد يمسج
مينا : تمام
كرار: هسة راح اطلب منج طلب
مينا : (بدت رحمة الله) اي عادي كول
كرار : اريدج تلبسين حجاب
مينا: لاء
كرار : اشو كبل كلتي لاء شنو قرار قطعي
مينا : اي قرار قطعي ما البس حجاب لانو مو مقتنعة بي عود لمن اقتنع عود البسة
كرار : تمام ع راحتج حبيبتي

مينا : احس كلبي وكع من مكانة يعني معقولة اني حاليا مرتبطة ب رجال بنات الكلية كلهن يتمننة ،،، صارت ساعة ب ال ٢ الظهر رجعت للبيت وقبل ما اطلع عيون كرار اربع وعشرين ساعة مراقبتني حتة كمت استحي ،،، رجعت للبيت مثل الروتين العادي بدلت وصليت واتغديت وفتت للغرفة جان تجي وراي ريم

ريم : مينا ابوية يريدنة
مينا :ماشي جيت

ابو اسعد : تعالن تعالن
مينا : ها عمو
ابو اسعد : باركنلي
مينا : ليش عمو شصار
ابو اسعد : اخيرا اشتريت الشركة
مينا :الف مبروك عمو
ريم : مبروك يابة
ابو اسعد :الله يبارك بيجن وعندي خبر سيء
مينا : كول عمو خير
ابو اسعد :انشاء الله الشهر الي يجي راح ارجع لتركيا وابقة هناك
ريم :شنوو لعد احنة وين نروح وهاي الشركة المن تبقة
ابو اسعد : هاي الشركة ابن صديقي راح يشتغل بيهة اذا اني رحت وراح اروح مجرد سنة وحدة علمود اجيب ايريلا هم يمجن ،،، وراهة ارجع ابقة يم نور لبين متخلص سادس اجيبها ونجي تخلصن كلية ونرجع كلنة لتركيا وتأسسن حياتجن
ريم : زين منو يكول لمن راح ناخذ شهادتنة مال كلية بغداد ونروح نتعين بتركيا راح يقبلونا
ابو اسعد : بابة تركيا مو مثل العراق تركيا عدهم عادي اهم شي عندج شهادة وتعرفين لغتهم عساج جاية من الصين هم يقبلوج
مينا : زين ليش تروح لهناك خوب ابقة هنا وهنة هناك ما عليهن شي
ابو اسعد : لا شلون ما عليهن شي غير اشوف شبيهن ما بيهن ودتصير مضاعفات بالشركة مالتي الي بتركيا ف لازم اروح ولو تشوفن المضاعفات جان كلتن هسة روح بس اريد اعودجن يلة اروح
مينا : ع راحتك عمو
ريم : يصير خير انشاء الله
ابو اسعد: انشاء الله

(رحت لغرفتي دا ادرس جان تجيني رسالة من رقم ما اعرفة ،،،

اخيرا كليت رقمج

. منو حضرتك/ج

. اني كرار حبيبتي

. هاا كرار شلونك

. تمام وانتي شلونج

. تمام بخير الحمد لله مين جبت رقمي

. بحثت ولكيتة

. ممممم

(ضلينا نسولف ع الكلية والمواد وصعبات ومدري شنوو ويكلي انطيج الأسئلة واقريهن وروحي امتحني بس اني مقبلت لانو حرام ويعتبر غش وايضا كرار راح ياخذ عني نظرة مو حلوة ف ما اريد ،،، المهم خلصنة مراسلة جان مناك تفوت ريم)

ريم : مينا
مينا : نعم تعالي
ريم: نعم الله عليج حبي هههه
مينا : ههههه
ريم: مينا اريد اكلج شي
مينا : كولي
ريم : بس عليج الله مو تاخذيهة بغير نظرة مجرد فضول
مينا : اي يلة
ريم : لمن ماتت امج شعجب ما بجيتي ؟؟؟