القلب الضائع

البارت السادس والعشرون

تجيّ نتصآحبّ ؟
______________
- كانت متعبة جدآ كالطفلة التي فقدت لعبتها ونامت من شدة البكاء !
_________________________________________

طبعا هنا جان عمو محمود مسافر لبغداد لان عندة شغلة

كالو اجوي الولد ،،، صار عندي فضول ونسيت اني شلابسة مع انو جنت لابسة تيشيرت للفخذ وبنطرون وفوكاهن سترة وشعري فتحتة ضفيرة ،،، نزلت وكفت بنص الدرج واشوف القادم فيلق مال شباب والنسوان تبجي ونسوان تهلهل والبنات لبسن دشاديش وشالات ونزلن يسلمن ،،، ٨ ولد أجوي ،،، اشو انتبه واحد علية والثاني باوع ع البصفة وشافة صافن علية واني جنت صافنة ع واحد شايفتة من قبل بس وين ،،، اني جنت واكفة بمكان لا يرى يعني بس اني اشوفهم زين هذولة الاثنين شلون انتبهو علية ،،، عفتهم وصعدت لبست السماعة وطفيت اضوية الغرفة وعلكت اغنية تركية همجية وعليت الصوت وكعدت اسمع بحيث طبت سمية للغرفة كالت يا اغنية دسمعين كلتلهة ليش كالت الصوت واصل لي برة كلتلهة لا والله ناصي اشو هاي اخذت التليفون وجرت السماعة من اذني و وكفت يم الباب جان دكولين شوفي المسافة البيناتنة وتسمعين الصوت موو ،،، صراحة انصدمت مجنت حاستة هيج عالي كلتلهة منتبهت يمكن كالت عمامي يريدوج يكولون تعاي سلمي قبل ما يجون الخطار كلتلهة

" ليش دا يجون "

سمية " يا خية غير اجوي الشباب من العسكرية ودا يجون يباركولهم "

" واني شعلية ليش دا اسلم "

سمية " ياا غير هاي الأصول دكومي كومي عيب تبقين كاعدة بس لو تلبسين حجاب احسن "

باوعتلهة صفح وكلت " هم عايزة "

لبست الشبشب (تكرمون)ونزلت فتت للصالة واشوفهم مسطرين بس وسيمين والله

وكفت ب باب الصالة وكلت بأبتسامة مصطنعة " السلام عليكم "

ردو وهمة مندهشين " وعليكم السلام "

عفتهم ورحت للمطبخ اجت وراي ياسو كلتلهة اريد اصعد فوك شلون وهوة الاستقبال كدام الدرج

كالت " هسة افوت واسد الباب بحجة تدفى الصالة "

راحت وسدت الباب وراهة وبعدهة ستوني وصلت لآخر درجاية جان تفتح الباب مرة ثانية اعتقد مشافوني وإنشاء الله مشافوني...

ثاني يوم اجوي فيلق من الناس جنت نايمة الصبح وجتي ياسو و وراهة شلة بنات وكعدتني براحتي خلتني اضحك اني ونايمة عبالي بس هية موجودة

غمضت واتمصرت وكلتلهة متبطلين سوالفج الخايسة بس مع ذالك تبقين بالكلب ،،، كمت وفتحت عيني واشوف تقريبا وراهة شي ١٠ بنات وقليل كالت صباح الخير شبج من لصبح تحجي وتعاي اعرفج علة بنات خالاتي وبنات عماتي هم اجن ،،،

شوفي عماتي خمسة

عمة زينب متزوجة وماعدهة اطفال وهاي نرجس واستبرق بنات عمة احلام وعدهة بعد ٢ ولد ( مصطفى وازهر )  وهاي زهرة وازهار بنات عمة حياء وهم عدهة ولد واحد اسمه اسماعيل وهاي رويدة وملاك بنات عمة انوار وعدهة بعد ٤ ولد وعمة نورس عدهة بس ولد اسمه محمد

باوعتلهن كلت اتشرفت بيجن ،،، كلهن ضحكتهن مرسومة ع وجهن الا اثنين وهن نرجس واستبرق يباوعن معاجبهن المهم عفتهن ما اهتميت ،،، اجت كملت

وهاي اسماء ورسل بنات خالة نمار وهاي ميلاد وسوسن بنات عمة المار وهاي هبة وبتول بنات خالة دعاء

باوعتلهن حلوات وضحكتهن تخبل ترد الروح هم كلتلهن اتشرفت بيجن

ياسو " دكومي غسلي وامشي جوة راح يذبحون الخروف

" اكلج ساعة ب ١١ واني اتقيء اذا شفت دم "

ردت مناك استبرق " هسة الي يشوفج يكول مطالعة من بطن امج والدم تارسج ترس "

مهتميت الكلامهة كلت الياسو انتظريني هسة اجي

راحن البنات وبقت ياسو كمت ع السريع غسلت وحطيت حواجبي ومسكارة خفيفة متبين وعدلت رموشي بس الفرشاه مال الرموش وحطيت مرطب شفة وكرصت خدودي علمود شوي يتغير وجهي ويروح النعس ولبست تيشيرت طويل لحد فوك الركبة وبجامة تشبه الستريج يعني هية بجامة مطاطية ولبست فوكاهن سترة طويلة وخليت ياسو توفر شعري ضفيرة هندية وهوة واصل لحد جوة الورك والضفيرة وصلتة للورك ونوب تعالي يا مينا كعدي اتسلمي رزايل ياسو كالت البس حجاب بس ما البس لو مدري شيصير هوة العالم كلة شايف شعري بقت علة هذولة الناس

نزلنة الولد بالاستقبال والبنات بالصالة ديسولفن والنسوان بالمطبخ يحضرن الاكل ،،، رحت للصالة اشو هذني كامن يباوعن منصدمات مع انو الحمرة السحرية خففتهة يعني واساسا ما بيهة لمعة وشفتي من الأصل وردية بس اني اشكك بيهة ولمن اكل تحركني ف خليت علمود ما انحرك اذا اكلت واساسا ياسو كالتلي انو ممبينة وياسو هم حطت من الحمرة والمسكارة اصلا ولا مبينة وحواجبي هنة محفوفات بس خططتهن ومخليت التخطيط يبين اشو هذني استلمني بالنظر فتنة جان سمية تصيح

سمية " اجت بنت العم الحنينة "

ابتسمت " انتي احن حياتي "

سمية " اوك لعد جيبي مي من الصالة والعباس صارلي ساعة اتوسل وما اكدر اكوم رجلي خدرانة "

" اي عادي هسة اجيب امشي ياسمين "

واستبرق نبصت وكالت " وانتي هيج تطلعين بلا حجاب وين الأخلاق والحياء "

باوعت عليهة بأستهزاء وكلتلهة " خليتهن الج حبي " وغمزتلهة وأخذت ياسو ورحت جان اشوف ...