القلب الضائع

البارت الثامن والاربعون

وحده تكول رحنه للزياره
ويانه مرة اخويه احنه ندعي
عليهه وهيه تدعي علينه
بلرجعه انكلبت بينه السياره
وتكسرنه كلنه دعاء مستجاب
من الطرفين ...
______________
- ‏و منذُ إن أحببتُكِ و أنا أشعُر بقيمة الأشهُر و السّنوات و ما تحمُله الأيام كُلها ، منذُ إن أحببتُكِ حقاً و أنا أستشعِر معنى أن يبقى المرء حاملاً في أطراف صدره كُل هذِه الطّمأنينة و السّكينه من خلال وجهٍ أو صوت ، أو من خلال ضحكةٍ واحده فقط .
_____________

فهد " ليش دا ازوجهم شبيج انتي بابة "

مينا " ياسمين تحب ميراد وميراد مبين من نظراتة وياها هم معجب بيهة ليش ما تزوجهم يعني "

فهد " وانه شعلية بيهم يريدون يتزوجون يجون ويكلولي وانعل ابو ابوه الي يعارض "

مينا ( كمت من الفراش وكفت قبل ما اطلع كتلة ) " والله اعذرني بس مينا ماكو اذا ما يتزوجون ميراد وياسمين واذا تريد اكعد وية ميراد واحجي ويا هسة شوفة يحبهة لو لاء "

عفتة وطلعت ،،، حبيت اسوي شي حلو لياسو لان احبهة وما اريدهة تتعذب اكثر بحبة ،،، اني ما حسيت بطعم الحب بس وية فهد وهم ما تعذبت بحبة لا بالعكس اجاني حبة جاهز بس هية خطية كل ما يحجي هوة او يفوت للصالة عينهة علية من يفوت لبين ما يطلع ومن يحجي لبين ما يخلص كلام ،،، طلعت وكبل جريت ياسو واخذتهة للحديقة حطينة شال ع روسنة وطلعنة كالتلي مفزوعة ...

ياسمين " يمعودة ع كيفج ايدي اريدهة شبيج "

مينا " تعاي كوليلي شغلة "

ياسمين " يا شغلة "

مينا " ميراد يحبج لو لاء "

ياسمين ...

خلي ننطي لياسمين منتصف من هاذة البارت ، تحجي علية عن ١ بالمية من حياتهة ...

ياسمين ،

حبيتة من انه وطفلة وكبرت وهوة يحلى بعيني إلى أن بداية سنة ٢٠١٧ براس السنة الكل راح نام ومينا وفهد طلعو بقيت بس انه وسمية كاعدات ،،، سمية ترتب بالملابس وانه طلعت للحديقة اشم هوى الشتة شوي

حسيت ع خطوات بالباب الخارجي ،،، مريت من الممر جان المح ميراد لازم ايد وحدة لابسة عباية بعدين جرهة وعاف الباب الخارجي شوية مفتوح لان ماعندة مفاتيح وبضنة انو الكل نايم وخاف محد يفتحلة الباب ،،، لحكتة شفتة راح ورة البيت من هذيج الجهة ،،، كبل اخذت عباية ورحت ورا ع كيف اترقبة شوي شوي لبين ما وصل لراس الشارع وجان راس الشارع خااااالي من الناس طير ما يمر من عندة والمحلات كلهة مسدودة والناس نايمة

ما اشوف الة البنية باست ميراد من شفتة بعدهة ميراد وخرهة وشاورهة وهية هزت راسهة ،،، كبل اخذهة وراح لبيت قديم شوي

اتخبلت هاذة مو ميراد لااا مستحيل يعني صحيح هوة وعباس غامضين بس هوة مو هيج مآ عندة هيج تصرفات

جان البيت خرابة يعني سرداب وحتة باب مابي بس غرف والغرف مابيهن شبابيك ،،، مرت خمس دقايق اجرأت ورحت للبيت يعني بالأحرى حبي غلب خصوصياتة حسيت انو خصوصياتة ملكي المهم كبل رحت للبيت فتت بسكوت ادور بالغرف السكراب الي همة بيهة جان اشوفهة كاعد يبوس بيهة من شفتهة ويلزم بوركهة

انه شفت هاذة المنظر لو متت خوف وحزن والم يعني متت متت بمعنى الكلمة

ميراد انتبه علية وكبل بعد البنية من عندة وحط عبايتها ع راسهة وغطى وجهة واجة لزم معصم ايدي

ميراد بعصبية " شعندج جاية هنا بنص الليل "

ياسمين بدموع وعصبية " شعندي جاية لهنا موو اي اوك شوف شراح اسوي اشو الة اروح وافضحك كدام عمامك كلهم

من كثر حبي الة ، جازفت بكلشي ومن كثر غضبي وعصبيتي واني اشوف حبيبي الي اريدة يصير زوجي ، كاعد وية بنية بسكراب ، ما هتميت لاي شي طنشت الدنيا وردت بس افضحة ابين الة انو انه احبة

اخذت ايدي منة ورحت ركض للبيت هوة هم اشرلهة لبيتهم واجة يركض وراية وصلت للبيت دا افوت جان يلزمني من ورة من الراس مال العباية اخذني كبل لغرفتة وسد الباب وجان عصبي ناااار

كال بعصبية " شعندج لاحكتني بهليل ادبسزز "

ياسمين " والله يا ابن عمي جنت دا اشتم هوى بالحديقة وشفتك وية وحدة كحبة بنص اليالي "

ضربني راجدي قوي لزم معصم ايدي وكال ...

ميراد " هاي الكحبة اشرف منج افتهمتي لو لاء ..

ياسمين " هااا صدك والله وهاي الشريفة شنو جانت تسوي وية واحد بنص الليل بخرابة هاا وبعدين انه بنت عمك ، وعيب عليك تقارني بهاي وتكول هية اشرف مني

ميراد " والله هاي مرتي المستقبلية يعني اول وتالي اتزوجهة واليعجبني اسوي بس الي اريد اعرفة انتي شكو لحكتيني

متت قهر من كال مرتي يعني انه خسرت عمري كلة انتظرة وتالي يكول مرتي لوحدة ماكو اخيس منهة ،،، استمديت القوة من قهري وكلت

ياسمين " انه لحكتك دا اشوف ليش تتختل وية كحبتك المستقبلية اقصد مرتك المستقبلية "

لزم فجي وصك ع سنونة وكال ..

ميراد " والله العظيم انتي كولي عليهة كحبة مرة ثانية وشوفي شسويلج والي صار قبل شوية تنسي خوش يا بنت عمي وبعد لا ادوخين نفسج بسوالف مال كبار لان عيب ويلا ولي واذا اشوفج كايلة لاحد ادفنج افتهمتي لو لاء "

وخر من يمي وراح فتح الباب واشر بعيونة بمعنى يلا طلعي ،،، نزلت دمعتي وطلعت

صعدت بجيت بجيت بجيت لبين ما نمت ،،، ثاني يوم ما شفتة حاولت اتجاهلة ،،، لثالث يوم قبل ما انام سمعت صوتة دا يحجي ويضحك ويكول جان صارت ليلة الة بشدة ،،، انهضمت وطلعت للحديقة وطبعا محد يحجي ويانة اذا نكعد بالحديقة بس فهد لان يكول حديقتنا سياجهة ناصي المهم طلعت برة بجيت وشهكت بنص البجي كلت " ربي اريدة " وشهكت بالكلمة

اجاني صوت من ورة

" منوة الي تريدي "