القلب الضائع

البارت الخامس والخمسون

°
- ‏تريد  تغث احد  ؟

كوله اريد اعترف لك بشئ
وطفي الجهاز  وروح نام
___________________
ما يضحكني غير الي  يقول
لو عفتيني  ما راح تحصلين  مثلي

يعني بالعقل انا عفتك  عمود  ادور مثلك  “̯
________________________________
الاجنبي اذا زعل يركب سيارته ويسوق بسرعه و هو يبجي

لو حبينا  نقلدهم

الازدحام ينسيك ليش انت زعلان
__________________________
اكو  ناس حتى اذا لكيتهم بجهنم اشيل حطباتي  وروح  اتعذب بمكان ثاني
___________________________________

كمل كلامة " مشكور حبيبي انتة كللهة هيج وهية تعرف الباقي "

فتحت باب الغرفة وجهة صوفر ،،، هوة يدري بية مرات عندي فضول اسنط

ما ردت اخلي الشك بكلبي او بالاحرى ردت اعرف منة شنو الي دا يصير

طبيت ابتسمت ورحت اخذت تليفوني من الشحن وطلعت نزلت جوة وخرت هالافكار من راسي اتريكت وية ياسو خطية جبرتهة تاكل وياي مع انو هية شبعانة بس ما اعرف اكل وحدي وهمة متريكين عاد اكلنة ورتبنة وسوينة غدة اجو عمامي و ولد عمامي كالو عرس ياسمين وميراد ورة رمضان يعني بالعيد ♡

ب ٣ يوم العيد عرسهم ، اباوع ع ياسو مبتسمة بخجل وميراد يباوع عليهم ويسولف وياهم ع شغلات العرس بس ابد ما باوع لياسو احسة ما يحبهة وما يحترم النساء ابد عكس فهد شكد احبة واحب طبعة بس مرات ينرفزني خاصا لمن يضربني فد عادة سيئة عندة

دا نتغدة كال عمي اركان " بوية مينا ليش ما اختج هم تعوف الشغل "

رديت " لا عمو شسالفة اساسا اني ما اقبل تعوف الشغل لان هاذة ونسهة الوحيد وهية مو مثلي اني اتعود بساع ولان ياسمين هم جانت تخفف علية بس هية هنا جديدة وماعدهة بنت عم مثل ياسمين يعني هية صديقة وهية بنت عم ف خليهة تشتغل احسن "

رد من يمة عباس " شنو يعني تكعدلهة فد اسبوع اسبوعين بالبيت وتتعود "

رديت " انتة تكدر تضل محبوس بالبيت اسبوعين "

ابتسم وكال " لا يابة شسالفة احنة صعب نتعود واحنة رياجيل بس انتن نسوان عادي "

كلت بكلبي ضحكت ولد عمامي شكد حلوة

خاصا فهد وعباس ومهمين وايسر ، هذولة ضحكتهم تخبل برزانة وبعاطفة يعني ضحكتهم كلش حلوة

رديت " لا احنة مو هيج بس انتو عبالكم احنة هيج "

رد مهيمن " لا يابة انتي مو تعودتي باول اسبوع "

رديت " اي هاي اني مو نور ، اذا هية شوي ضغوطات صارت ، كلبت الدنيا وسافرت ضلت سنة يلة ارتاحت وها اها ذاك اليوم رجعت وبدت تشتغل يعني مو مثلي هذيج متعرف تكعد لان بيهة طبع من تكعد تضل تفكر بامي وابوية وتصير بيهة حالة نفسية ف الشغل ينسيهة  اساسا الشغل مو عيب "

رد ايسر " شوفي اقطع كلمة مهيمن هوة مو عيب بس المرة مكانهة بالبيت تستقبل رجلهة اول ما يجي تراعي اطفالهة تقرة قران وتتحجب وتصلي وتقضي وكتهة بالصلاة وبالشغل وبالاطفال يعني بالشي الي يحبة الله ، هوة الشغل مو عيب بس ما مرغوب بالدين الاسلامي "

رديت " اي انتة تعال احجي وياها وهيج كوللهة غير تاكلك وتشربك بنفس الوقت ام السان "

رد عباس " صدك ام لسان انتي شفتيهة من اجو اخوتج شسوت انه بكلبي اكول طش الدم وهرب العار هههههه "

الكل ضحك كلت " اي شوف يعني ابد مو مثلي هية تختلف كلش "

نبصت عمة الاء " هاي كون نزوجهة لواحد متدين شوي من ولدنة مثل عباس لو مهمين لو ايسر "

كامو يتصايحون بالشقة وياها

متنة ضحك مهمين كال " لا انه استلم هه لا ونوب اتزوج هاي يبوووو "

ايسر كال " انه اخذ وحدة متدينة بالاصل مو اكعد انه ادين بيهة "

نبص ميراد "اي اي يالشقرى ايريووو "

ردو الكل بتساؤل " ايريووو منو و "

ضحكنة كلتلهم " هاي وحدة محجوزة لايسر "

كالت عمة سرور " لك ايسر هاي ياهو الحاجزهة "

نبص ميراد " عمة من كرايب مينا "

كالت عمة امال " لا استلمي ي سرور خوش اخذتي الجنة التريديهة " ههههه

ردت عمة سرور " لك يمة منو هاي "

رد ايسر " شبيكم ترة دا نشاقة والله "

نبص ميراد وهوة ياكل " جذاب هاذة حاط عينة ع ايري صديقة مينا "

غص بالاكل ايسر خطية الولد صار وجهة احمر ازرك متنة ضحك

كلت " ترة والله دا نشاقة يعني ماكو شي بين ايسر وايريلا حتة ميحجون وية بعض بس ميراد راد يشاقة وياكم "

كالت عمة سرور " والله مبين حظي مثل حظج ي انوار "

ردت عمة انوار " ياااا شبيهن جنايني دشوفيهن صدقة لالله وحدة تخبل ابني حابهة ورايدهة والثانية سباعية وابني رايدهة واني من الصغر عيني عليهة دشوفيهن فدوة لالله الي يصبح بوجهن يتعافى ، والله والنعم من تربيتج ي امال "

ردت عمة امال ( ام ياسمين ) " والله تربيتج هم تخبل صدقة لالله "

انتبهت ع فهد بس يخوط بالاكل وبالة يم غير شي اندكت الباب رحت فتحتهة ، اشو كبل طبت مرية وييييع تلعب النفس العباية تبجي بالزاوية من كثر الوصخ لا ونوب حواجبهة يمكن صارلهة شهر ما حافتهن

دفعتني وطبت للبيت كالت بصوت عالي كلش بحيث يمكن حتة الجيران سمعو

" وينة زووجي فهد اطلع اليوم منو تريد اطلك ...

______
يتبع ...