عرفت منين رآح آبدي ..
مآل أشتآك وأتمنآك ،
وآهس هيج مآ عندي !
ومآعندي وكت آصفن وآفكر بيك ..
تعرف صرت مو وحدي !
وهسه آني بـ حيآتي إنسآن
يعرف قيمتي ومآ يشتغل ضدي !🤍
_________________________________________
سنة ٢٠١٧ ،،، احسهة سنة مو حلوة ولأن بيهة هواي مصايب
بدايتها حلوة بس نهايتها فاجعة ...
قبل شهر ،،، شهر ال ١٢ ،،، نهايتة
" بنهاية شهر ال ١٢ حبيت ما اسوي عرايك وية فهد وانو نروح لمكان ونحتفل بالسنة الجديدة " بأخر ليلة من شهر ال ١٢ "
" فهد "
باوع علية وكال " هاا "
" مأطول هاي سنة جديدة خلي نروح نحتفل براس السنة "
فهد " لخاطر الله مين تجيبين هاي السوالف "
" ديالله حباب والله صارلي كم شهر ما شايفة الشارع لا ونوب حتة شغلي عايفتة ومرضيتك ديالله حباب خلي نروح نحتفل ونرجع عسا انو تكون سنة حلوة "
باوع علية وابتسم " شلون حلوة مثلا "
ابتسمت " من كل النواحي "
كال " اوك بس بشرط
رديت بسرعة " موافقة علة الشرط بدون متكول "
فهد " متأكدة "
رديت " اي "
فهد " وكد كلمتج "
رديت " طبعا "
فهد " تلبسين حجاب "
رديت متفاجئة " شنووووو البس حجاب "
فهد " اي وغيرها ماكو "
رديت " لا حباب كول غيرها "
فهد " كلتهة وخليت عليهة خط أحمر هم "
رديت بيأس " اوك بس البس توربان "
فهد " اهم شي تضمين شعرج "
رديت " من البسة عود شوفة "
فهد " اوك لعد باجر حضري نفسج "
رديت " وين نروح "
فهد " اخذج للملاعيب شبيج غير نفتر "
باوعتلة " عليك الله اكو هنا ملاعيب قريبة "
جاوبني بعدم فهم " اي اكو "
رديت " عليك الله اخذني للملاعيب وكلشي ما اريد منك "
فهد " لا بعد اسويلج ممية خاف تبجين "
رديت" شبيك والله من اني وعمري ١٠ سنوات لي هسة مشايفة وجه الملاعيب والله حرام عليك "
فهد " شنو بتركيا ماكو ملاعيب "
رديت " يمعود اني لمن جنت بتركيا جنت بحال ملاعيب "
أنت تقرأ
القلب الضائع
Misterio / Suspensoالقصة حقيقية وجريئة جدا ،،،بنت تفقد عائلتها بعمر صغير وتحارب الحياة لكي تعيش وتعتني بأختها وفجأة يحدث الغير متوقع
