ردت " مينا سدي الشغلة عوفيهم مابية حيل اجيبلهم مشاكل والصوج بية مو اني هاذة الي تمنيتة هاي الله حققلي الي تمنيتة بعد شكو "
رديت " ياسمين خلي احجي وية فهد يحجي ويا اخوه ترة ميصير هيج والله حرام شوفي ضهرج "
ردت " مينا لا تخليني ازعل منج هاي الشغلة ما تطلع لاصغر بشر خوش "
رديت " والله انتي ما ادري شلونج "
ردت وهية تحاول تغير الموضوع " اي بعد واحد من ولدج لبنتي هاا "
رديت بضحكة " شوف الحض ولج ياسمين صدك تحجين "
ردت " يلة حبيبتي اني حصعد انام تصبحين ع خير "
عافتني وصعدت ضليت صافنة شلون تكدر تتحمل يضربهة وتسكت اني فهد ضربني راجدي كتلة طلكني يعني معقولة هيج عدها سهل .
اجة فهد نام ع القنفة لان خاف ينفتح الخيط ،،، طول ما هوة نايم اكول اني شسويت علمود يطلع فهد بطريقي مرات احسة نعمة ومرات احسة غضب وعذاب
ثاني يوم الصبح طك كلبي ع جهالي اريد اشوفهم كتلة لفهد كال راح اخابر الدكتورة تدز صورة الهم ، صدك خابرهة ودزت صورة الهم يخبلون من بياض من جمال بس واحد بيهم اشكر اما الثنين عاديين يعني شعرهم اسود بس ، حسن شعرة اشقر
مر الاسبوع والاسبوعين عاد طك كلبي عليهم اريدهم يمي كتلة لفهد كال اتصل ع الدكتورة ونشوف وهم اتصل كالتلة تعالو اخذوهم ، رحنة اني وعمة وعمو وفهد جبناهم ،،، اول واحد شلتة بيدي هوة حسن ، غير حسيت بامومة اتجاهة كلش حلوة ومختلفة بست راسة كتلة بهمس ، راح تحمل اسم ابوية دير بالك علية يروح امك ، نطيت حسن لفهد وشلت نسر ، هاذة عبالك غضب بس يبجي ويتنعوص عمة تكول طالع ع فهد هم هيج عذبني ، شلت اسد فديتة يخبلون اثلاثتهم ، فهد اجة كبر براسهم واحد واحد ، اخذت حسن وطلعت واجة فهد شايل نسر وعمة سرور شايلة اسد وعمو راضي يسوق ، وصلنة للبيت لكيت الكل موجود ، عماتي واولادهن وزوجات عمامي والبنات الموجودات وايري وريم ونور يعني العشيرة كلهة موجودة ، وصلت وكامو يشيلون بالجهال ، غير وصلت الاعصاب لراسي انمردو جهالي بيدهم لا ونوب تجي عمتي تاخذ واحد من الجهال تحطة بيد طفل من الاطفال وهذول مو اطفال جلابة ( حشاكم ) بس يصيحون وميعرفون يشيلون الواحد ، باوعت ع فهد بغضب بمعنى اخذ اطفالي من الجهال راح ينمردون ، وهوة هم حبيبي ابو لسان ما عندة عيب وكذا اجة بحجة يشاقة ، كال
فهد " شو بالله وين جهالي خلي اشبع منهم "
اخذ نسر الي جانت عمتي تنقلة من جاهل لجاهل وحسن نايم واسد بيدي ، نسر كام يبجي عاد نيمت اسد واريد ارضع نسر شلون والموجودين عاد عمة سرور كالت درضي يمة منو اكو هنة بس عماتج ،،، باوعت عليهة هسة هاي شنو اكللهة ، نور حست جابتلي شال حطيتة وصرت ارضع نسر ادمرت لا نوب هنة راح يبقن اسبوع لان يريدن يشترن منا كم شغلة وبحكم بيتهن بعيد
مر اسبوع كاااامل بالكوة يلة راحن ادمرت لون جهال عماتي او بالاحرى احفادهن فد وصخين صراحة كلت الله يعين ياسو وسمية وحوراء واريام لان بس هذني الي يشتغلن بالبيت اما زوجات عمامي ف يحلبن الهوايش ويطبخن وينضفن غرفهن بس هاذة الي عليهن اما البنات ف مسح وكنس وغسل هدوم واماعين وخطية ياسمين هواي تشتغل هذنيج كسالة يعني مو هواي يشتغلن يسون شغلة شغلتين ويروحن وتعاي يا ياسمين سوي هاذة وذاك لبين ما كثرت جيات نور بحجة تنظف وية البنات بس هية جذب علمود تشوف عباس بس هية وعدتني يعني
مرت ايام واجت ايام حسيت ع عباس نضراتة تغيرت لنور يعني كل شوي يخطفلهة نظرة حتة اتضايقت ليش هيج يباوعلهة بس هالمرة هية ما نطتة مجال حسبتهة تعلمت ،،، شوي طاب الجرح مالي صرت اكوم واكعد بس التوأم متعبيني كلش بحيث اذب واحد الزم واحد خطية عمتي هم الله ينطيهة شوي تساعدني هية وسمية ومرات حوراء بس اريام احسهة منعزلة تدرس وبس ،،، بيومهة جنت ستوني منيمة التوأم واريد افوت اسبح وهم اسوي جسمي ف سبحت خلصت اجت نور وايري وريم لغرفتي ستوني دا احجي جان تحضني نور كالت
