القلب الضائع

البارت الثاني والثلاثون

- ‏تلك الأشياء التي تسعدني صغيرة صغيرة جداً إلا إنها ولسوء الحظ لا تحدث ♥️.
^_______________________________________^

انداريت واشوفلكم فهد وراية ،،، جمدت بدمي وهوة دماراتة الي بكصتة مبينة و وجهة تقريبا احمر صاير من كثر العصبية وصاك علة ايدة قوي جان يكول

فهد " يا بنت الخرة هاي تربيتج الي تحجين بيهة

نزلت راسي والغصة خنكتني سكت ثواني جان يكوم يقفل الباب ورجع كمبص كدامي كال

فهد " من انعل ابوج لابو هيج تربية خرة ولج بس فهميني شلون الج واهس تحجين هيج سوالف بس فهميني شلون رحتي حبيتي بهاذة الخرة جيبي

جر التليفون من ايدي

فهد " بس فهميني شلون كعدتي حبيتي بهاذة وهية هاي تربيتج الخابصتنة بيهة هااا هاي تربيتج من خرة بهيج تربية عاد شتوقع منج اذا محد فوك راسج ،،، اسمعيني ولج يا خرة ولج شما احجي ما يبرد دمي وانتي لو وحدة من خواتي اشو الة اعلكج بحبل المشنقة وهم ما يشفي غليلي اسمعيني وحطيهة ترجية باذنج عاد انتي هواي فالحة بسوالف الاسوارات عاد تعرفين تحطين هاي بأذنج ،،، لو بيوم شفتج جاية تحجين وية ولد اشو الة اموتج افتهمتيني لو لاء ادمرج اخليج تتمنين الموت وما تلكي افتهمتي لو اعيد

ضليت ساكتة جان يضربني غلة راسي بأصبعة

افتهمتي لو اعيد

غمضت عيني بنفاذ صبر وكلت " افتهمت

كام وكال " هااا نسيت انطيج مكحوبج

باوعتلة متفاجئة جان يكول " بوية الي تسوي هيج الة كحبة و انتي شلون تصيرين كحبة بدون مكحوبج

كال هالكلام وشمر التليفون علية

طلع واني كمت ابجي بجي يووووووه ما صاير ابجي واشهك شوي واتصلت حجزت لاقرب طيارة باجر ساعة ب ٧ الصبح نزلت كلتلهم انو اني راح اسافر باجر وطبعا اعترضوا وليش ما كلتيلنة ومن هاي السوالف بس بعدين راضيتهم

وصار اليوم الثاني كعدت ساعة ب ٥ صليت وبدلت وطلعت دا اروح للمطار واشوف واكفين بالصالة عمو راضي و فهد هم الي راح يودوني للمطار مثل ما جابوني ،،، وصلوني للمطار ،،، خطفتلي نظرة من عيون فهد ،،، جان بعيونة لوم مو طبيعي وكل ما اباوع بعيونة اتذكر كلامة من كال اني مو مترباية وهاذا الشي وحدة خلاني اكره سيرة الحب بس احب كرار وما اكدر اتركة

وصلت لتركيا لحياتي القديمة جنت اتمنى من اروح للعراق اشوف ايري ونور وريم بس ما انزل نفسي الهن مستحيل حتى وان كانن اختي وصديقاتي بس شايلة علة كلبي منهن ،،، مر اسبوع ع بقائي بتركيا بين شغلي وكرار ما تركتة لان اساسا بعد مالي شغلة بعمامي وماكو اتصالات بيني وبين نور وريم بس مرات نتصل اني وايريلا وايري هم متعرف شي عن ريم ونور تكول مقطوعات وشكد اتصل عليهن ماكو ،،، صراحة خفت بس لو اعرف يموتن وما انزل نفسي الهن خليهن يروحن يعيشن

مرت سنة كاملة علة كلشي صار وفتت ٢٨ سنة وماكو احد يمي ،،، فتحت موضوع يم كرار انو شوكت نخطب كال دا احاول افتح الموضوع وية اهلي خليتة علة راحتة بالنهاية اني ممسوية شي غلط والولد ما مقترب مني هوة بالعراق واني بتركيا

الشهر الثاني من السنة الجديدة ،،، اتصل علية رقم غريب فتحتة طلعتلي عمة زينب وفاجئتني بموت مهند ابن عمو راضي وإبراهيم ابن عمو حاتم ،،، جانت تكلي بوفاتهم وتبجي سديتة واضطريت ارجع للعراق لان عمة زينب كسرت خاطري وكالت عمج جمعج وية جدتج وجدج ولازم تجين تردين الفضل ما يصير ،،، كلت للموظفين بالشركة انو اني اسبوعين ما راح اكون بالشركة ف راح يجي شخص يدير الشركة بمكاني مدة هاي الاسبوعين ،،، الي راح يدير الشركة هوة نفسة الرجال الي اجة وية مرتة وشال عمو ابو اسعد وهوة قام بالوفاة ،،، رجال مخلص كلية بتركيا وهوة اساسا يشتغل بشركة ريم ف اني حولتة لمدير شركتي المؤقت

لملمت جنطتي واتوكلت علة الله وطلعت للمطار وبطريقي للعراق ،،، مو كلت ما راح ارجع للعراق بس رجعت وهسا اكول راح اطلع من العراق وارجع لتركيا ونشوف ارجع لو لاء ...

يتبع ...