القلب الضائع

البارت الخامس والستون

احلامك بـ العراق مثل الـخـبـزة اليابسه بـوسـسـهـا وحـطـهـا عـجـنـب
_________________
كاعدين نتعشه ...

ابوية كال هذا الخبز بايت ؟؟

كتله لاا يتعشه ويروح

همزين الماعون أجٰهہٰ بالقنفه
_____________________

رد " انه اشوف شغلي وياها

رديت " اذا هية كلامي ما سمعتة يا فهد تعبتني ولا عبالك اني اختهة والله العظيم اني لو غريبة عنهة وشايفة تصرفهة جان كلت هاي ما مترباية "

رد " احجي وياها ونشوف وهم احجي وية عباس ما يتزحلك ليغاد "

ضحكت وهوة هم ابتسم ... خلصنة سوالف صعدنة فوك نمنة ، كتلة

فهد

رد " ها حبيبي "

رديت " يعني ما راح البس بدلة بيضة "

رد وهوة يباوع علية " انتي اوصلي بشهرج وجيبي الاطفال ويكبرون وانة اخذج واشتريلج بدلة هنا نسوي عرس والشواهد اطفالنة بعد شتريدين "

رديت " هوة اني لهذا السبب احبك ، حنانك يا فهد وعصبيتك يعجبني هواي "

رد " وانه هم تعجبني رشاقتج وثقتج بنفسج وطريقة كلامج وتثقفج وكلشي بيج "

رديت " احمد الله انو جابك بطريقي وابعد كرار منة "

رد " طبعا كرار لازم يصيرلج درس وما ثقين بالرايح والجاي "

رديت " بوجودك اساسا ما احتاج احد "

رد " دنامي نامي لا ابتلي بيج هسة "

نمنة كعدنة ثاني يوم الصبح اتريكنا ، فهد راح للديوان هوة وعمامي عدهم كعدة والشباب راحو لشغلهم واني كعدت الكط تمن وية ياسو وكذالك ماكو جديد بس هية  ما تجادلة وتسمع كلامة وهوة يريدلهة بس ثغرة صغيرة علمود ينتر بيهة

مر ٤ اشهر ع حملي وصرنة بشهر التاسع نهاية السنة تقريبا رجع فهد من الديوان عصبي كلش لان صايرتلهم كعدة وهاي الكعدة همة متضررين بيهة ،، مرن هم كم يوم وهوة نار محد يحجي ويا واني حملي متت تعب بي عبالك بشهر التاسع بطني شكبرهة احسهة راح تنفجر ،،، لبين ما صار شهر ال ١٢ وصرت بشهر السابع بعد ما تحملت احس بطني راح تنفجر بكثر ما كبيرة احسهة راح اطك وحتة من اكعد ما ارتاح لازم انام ف جنت مكضيتهة نوم بس بعد ما اتحمل صخنت كلش حسيت نفسي راح اموت كبل دكيت ع فهد ابجي واشهك فهد الحكلي راح اموت ،،، خطية اجة يلهث شبيج كتلة راح اموت وديني للمستشفى ،،، رحت للمستشفى اجى ايسر وعمو راضي وعمو احمد ويانة وعمة سرور هم ،،، وصلنة سوولي تحاليل نطوني مهدئات ومقويات وعلكولي مغذي علمود تتعدل درجة حرارتي وتروح الصخونة ،،، تقريبا بقيت بالمستشفى اسبوع عاد كالو لازم ترجعين للبيت كلبي كام يدك ما اريد ارجع ،،، المهم رجعت بس هم نايمة والمشكلة ما اكدر اكعد وما اكدر اصلي لازم بس نايمة احس نفسي حامل من ضهري من كثر الالم الي جنت احس بي ،،، صرنة بسنة ٢٠١٨ بالشهر الواحد مر اسبوع ع راس السنة كعدت بيوم من النوم اون عبالك سجاجين ابطني والمشكلة ما اكدر اصيح من كثر الالم كابتة ع حلكي لبين ما صرخت باعلى صوتي

فهدددددد

خطية كام مخروع كتلة فهد راح اموت وديني للمستشفى ،،، جانت الساعة ب ٨ تقريبا هيج شي ،،، كام بسرعة من كثر الخرعة واني دموعي تنزل واصرخ بصوت عادي بالم عبالك اكو نار تسعر جواية ،،، كام صاح ع امة وابوه خطية كعد البيت كلة ،،، اجن عماتي بالكوة كومني لبسني عباية ما اكدر امشي ف فهد شالني للسيارة وايسر يسوق وعمو راضي بصفة واني نايمة ليورة بحضن فهد دا اون و ورانة بالسيارة مال عباس عمة سرور وايريلا ونور وعمة امال وعباس وعمو حسام اما البقية ف اكو كعدة بالديوان مهمة كلش ولو تروح بيهة ناس ودم لو تنحل بوكتهة فهد كالي ع هاي الكعدة وهوة هم صاير نار من وراهة ،،، وصلنة للمستشفى بالف يا علي ، كبل اجن ٢ دكاترة حطوني بالسدية ودوني للغرفة ماعندي ولادة فقط الم ويمكن اجيب ويمكن لاء هاي اذا ما راح الالم يمكن اجيب واخسر الطفلين

ضلو الي برة يدعون وعمة سرور تقرة ايات قرانية وعمة امال تدعي وتسبح لل ١ اجن ايريلا ومهمين وعمو  محمود وعمة خديجة وريم ،،، والالم يروح ويجي ونور تبجي بصفي وفهد حاير لان الكعدة ب ٤ وهوة لازم يكون موجود بس كال ايسر يصير بمكاني نوب خطية ورط ايسر وياه لان ميراد عصبي ما متوازن يعني بدقيقة يفلش عقلة بطلقة ، ف للاربعة الالم يروح ويجي ساعة اتوجع وساعة لاء ، راحو عمامي كلهم و ولد عمامي هم بقو بس عباس وفهد ومهيمن وزوجات عمامي والبنات ، عاد عباس كال امشن ارجعجن ميصير تبقن هناا ،،، نور عاندت ما قبلت تروح حتة حسيت مختنكة الة شوي وتبجي عاد كتلهم خلي يبقن

بس ردت فرصة اكعد بينة وية نور وحدنة ، جانن عماتي والبنلت بالحديقة مال المستشفى دا ياكلن لان ممنوع الاكل بالمستشفى واساسا هية مستشفى مال ولادة ف مهيمن راح وياهن بقو عباس وفهد كتلة لفهد يعوفنة اني ونور وحدنة ،،، بقينة اني وياها حسيت نفسي هاهية مابية حياة بعد

كعدت اوصيهة ع جهالي ولو طلعو معوقين ادير بالهة عليهم ،،، شفتهة صارت تبجي متموتين ومتموتين والمشكلة اني ردت بس امنهم عليهة اذا صار شي بس شفتهة متموتين ومتموتين وتبجي عاد استغليت الوضع كلتلهة

نور اسمعي فدوة اروحلج عوفي عباس نور الولد اجة حجة وياي يكول ربيهة ، بالله مو عيب يا اختي

ردت اجذب علمود تبطل تركض وراه

ردت " والله اعوفة وداعتج بس صيري زينة وانشاء الله لا تموتين ولا يصيرلج شي تبقين انتي تربين جهالج واني اضحك عليج اكول صارت ام وعدهة خلفة هم واعوف عباس هم وداعتج بس قوي نفسج "

ضليت اطمنهة يعني اسحب واربط ،،، لثاني يوم هدأ الوجع رادو يطلعوني باوعت لفهد صرت ابجي كتلة ما اريد ارجع هناك اريد ابقة هنا فهد هناك مدري شيصير بية

عاد هوة راح دفع للمستشفى مليون لبين ما ادخل بشهري واجيب وطبعا طول المدة الي اني راح اكعد بيهة لازم يعتون بية اعتناء كامل ف وافقو وصارن يومية تجي وحدة من عماتي و وحدة من زوجات عمامي ومرات يجن بس البنات بس طول هاي الفترة ياسو ما اجت ،،، دزت سلام بيد نور تكول راح ادعيلهة وخل تعذرني ميراد ما قبل اجي ، كتلهة معذورة

مرت الايام لنهاية الشهر الثامن حسيت بطني راح تطلع من حلكي من كثر الالم صرت اصرخ وفهد عيونة مفتوحة كلهة عبالك تريد تطلع من الخوف علية وع الجهال ضل يصيح سوولهة شي واني ابجي واون واصيح لبين ما خدروني ما حسيت بشي ،،، كعدت اباوع ع بطني منفوخة شوي شفت الدكتورة كدامي سالتهة

" دكتورة شنو اني ولدت ...

______
يتبع ...