القلب الضائع

البارت التاسع والستون

اغبى شي بالامتحان تكول لصاحبك
سؤال الثالث؟
يكولك شبي؟
مابي شي عرسه الجمعة تعال
معزوم
___________
‏👱🏻‍♀️: هلا حبيبي وينك؟
👨🏻: في حديقة الحيوانات.

👱🏻‍♀️: رايح تزور اخوانك بيبي
👨🏻: لا رايح اطلب ايدك من اهلك
قصفه
هجمة مرتده
___________
‏منو الحمار اللي باگ خاشوگتي واني اضوك طعم الحياة؟.
___________

صعدت ياسمين لميراد ، اباوع ع ايدهة ترجف بس تباوعلي تبتسم عادي ، كلبي وكع بين ايدية ، صعدت
،، حسيت صوت باب انقفل ، صار عندي فضول شنو راح يسويلهة وحتة اذا يضربهة ادك الباب وما اخلي يضربهة

صعدت اسمع صوتة يحجي بين اسنانة

ميراد " سمعتيني لو لاء

ياسمين " سمعتك وخر لتصير حقير وخرر

ما احس الة صوت راجدي و وكعة ع الكاع

كبل دكيت الباب تقريبا اتاخرو ٥ ثواني يلا فتحوهة ، فتحهة ميراد كتلة بعصبية

وين ياسمين

رد " بالحمام جاي تسبح

دفعتة وطبيت دكيت باب الحمام ، طلعت ياسو مغسلة وجهة وما بيهة شي ، باوعت عليهة كلتلهة

" ليش تخلي يضربج شبيج انتي "

ردت " شبيج مينا ما ضربني "

رديت " لا جنت دا افوت لغرفتنة وسمعت صوت راجدي وانتي وشي وكع بالكاع ياسمين لتجذبين "

ردت " مينا شبيج والله ما ضربني "

باوعت ع اذانهة حمرة ، انداريت ع ميراد شفتة يبتسم ومكتف ايدة ، كتلة

" والله العظيم يا ميراد اعرف بيك جاي تضربهة بس اذا مرة ثانية شفتك ضاربهة "

قاطعني كال بعصبية " لا تدخلين احسن الج ام لسان وهسة يلا برة لا عبالج بنت عمي ومرة اخوية تاخذين الكل بالسانج مرتي وانه حر بيهة افتهمتي وهسة روحي اتربي وربي جهالج لا اكول لفهد مرتك تسنط علينة " وغمز ابتسم بخبث

كتلة بقرف " ما ادري انتة شلون اخو فهد ، الفرق الي بيناتكم كلش كبير هوة يقدر المرأة ويحترمهة ويعتذر اذا اخطأ اما انتة ف حيوان و وحش واذا تريد اساسا اني اكول لفهد سمعت ميراد يضرب ياسمين بلا سبب ميراد حرام عليك هاي بنية شوف اذنهة يا ربي ويكول ما ضاربهة لك البنية ايدهة ترجف انتة ليش هيج حقير وبعدين ترة ما تسنطت ستوني فتحت باب غرفتي دا افوت واسمع صوت راجدي و وكعة ع الكال دكيت الباب لان ياسمين غالية عندي يعني لا تصير حقير واناني البنية تحبك ليش تضيع حبهة ميراد "

رد بعدم اهتمام " مينا طلعي برة يلة جهالج دا يبجون ومرة ثانية لا تعيديهة يلا حبابة "

رديت " شكد شفت ناس انانيين بس مثلك ما شايفة يا ميراد ولا تنسى يجي يوم يصير هيج اما باختك او ابنتك "

عفتة وطلعت طبيت للغرفة صرت ابجي ، ابجي ع حالة ياسمين شلون متحملة اخذلهة نظرات اشوفهة تباوعلة بخوف ، انتبه ع ايديهة ترجف ، بس لمن اباوع عليهة تبتسم ، يا ربي اكول لفهد يمكن تصير بيناتنة مشاكل ولا تدخلين ولا تدخلين ، يا ربي ساعدني شسوي ، اجا فهد ما كلت شي نمت وبالي يمهة

اليوم الثاني ما حجيت وية ياسمين هية تشتغل واني اشتغل ، لبين ما صاح ميراد ، ياسمينننن

شفتهة انخطف لونهة كالت بصوت ناصي ، يا الله انحركت الدشداشة ، صعدت فوك كبل ، اني هم صار عندي فضول ، ما ادري شنو هاذة الطبع الخايس الي عندي لازم اعرف شنو دا يصير ، صعدت وراهة شفت الباب نقفلت وهية تتوسل بي بهمس

ياسمين " ميراد ذب الحزام عليك الله والله بدون ما ادري والله نسيت "

وصارت تبجي ، اسمع صوت ضرب بالحزام ، كبل نزلت جان عباس راسة يوجعة ومجطول ع القنفة الي بالاستقبال ، رحت بسرعة كتلة

" عباس كوم وياااي كوم "

" وين "

رديت " كوم كووم "

جريتة من ايدة صعدتة وكفتة كبال غرفة ياسمين وميراد وخليتة يسمع صوت حزام كتلة

بهمس " عباس ميراد ديكتل اختك سوي شيييي "

ما احس الة عباس صار يكسر ويدفع بالباب ويكول

افتح البااااب لكككككك افتحح ...

يتبع ...