القلب الضائع

البارت الواحد والخمسون

باليابان يعلمون الطفل يصنع كمبيوتر
واحنه يعلمه اتفل على عموو وعمو مكيف
________________________________
علمتني الحياة اشياء كثير لكن الحمدلله
ما فهمت منها ولا شي...
___________________

قاطعت كلامهم من دخلت للصالة ، باوعت لايسر وكلت

" ترة ايريلا ما يعجبوهة الخفيفين " وغمزت

ضحك ايسر وكال " لا يابة شسالفة جاي نشاقة والله البنية مثل اختنة "

ضحكت وكلت " مبين "

عفتهم وصعدت فوك صراحة استغربت من خفة ايسر جان عبالي انو هوة ثكيل وكذا

صادفت ياسمين وجريتهة للغرفة مالتي كلتلهة

" ياسو ايسر ثكيل لو خفيف "

ردت باستغراب " انسان عادي مثلي مثلج "

رديت "لا يمعودة اقصد يضحك هواي "

ردت " لا مو هواي بس بالاشياء الي يستوجب عليها الضحك يعني مرات يضحك مرات لاء بس يعني ثكيل دمة مو خفيف "

رديت " اووف يا بختج يا ايريلا ع كولة عمة الاء "

ردت " ليش شبيهة عمة الاء "

رديت " شدراني هاي الايام بس تشوفني تكول هنيال بختك ي فهد "

ردت " هههه هاي مرت عمج طك عقلهة "

فتح الباب فهد وفات ابتسم وكال "

دتشيلن غيبة منوو

ضحكنة وجاوبتة " غيبة عمة الاء "

رد " ليش "

رديت " كل ما تشوفني تكلي هنيال بختك ي فهد "

رد مستغرب "ليش "

رديت بضحك " شدراني اني "

اتغيرت احوالة وكلب خلقتة وطلع اني هم ما اهتميت ، كامت ياسو راحت وبقيت اني بالغرفة لبين ما اجة فهد كلت خلي افتح ويا سيرة البنات

اول ما اجة فات سبح وطلع كال وهوة يمشط شعرة " اوووف راح يجي الحر شلون قهر هاذة "

رديت " صدك احنة بيا شهر فتنة "

رد " بشهر الثالث "

رديت " بعد شهر رمضان "

رد وهوة متجه للجرباية " اي ولازم اشبع منج زيادة "

رديت بضحك " بس يمكن اني ما اقبل "

نام فوكاية وكال " ليش ما تقبلين عيني "

رديت " والله ما يلوكلك التموع هههه "

رد " لا تغلسين "

رديت " اكدر اوافق بشرط "

رد " يبووووه استلم اي كولي يا شرط خاتون "

رديت " فهد خلي نتحول للجد وخر خلي احجي وياك "

رد " اي احجي "

رديت " شوف فهد اليوم البنات رجعن من السفر صديقتي ريم واختي نور ف حبيت اجمع شملنة مثل ايام قبل ف كلتلهن يجن يعيشن هنا عادي لو لاء "

باوعلي باستغراب ورد " والله ما ادري يعني شباب هنا وما متزوجين واختج كاعدة بالخارج وتكولين وياها صديقتي يعني بربج شلون ترهم هاي "

رديت برجاء " فهد حبيبي انتة والله يكعدن بالغرفة ويسكتن اساسا يطلعن من الصبح ويرجعن باليل لان عدهن شغلهن "

رد " مينا ما اجذب عليج لا ما اقبل وحتة ميصير لا دين ولا ديانة تقبلهة يعني اختج نور عادي ع عيني وراسي تبقة اخليهة مثل اختي ليش لاء بس مال صديقتج تبقة لا ما اكدر لان حرام ولان عيب ولان البيت مو بس مالتي "

رديت " بس اني كلتلهن يلمن غراضهن ويتحضرن "

رد " اي عندي مشتمل بصف البيت عود يكعدن بي "

رديت متفاجاة " شنو قصدك هاذة البيت الي بصف بيتنة مالتك

رد " اي "

رديت " وليش ما كاعد بي "

رد " مينا ملاحظة الوضع شنو ترة انه شيخ عشيرة برأيج اخلي الي هنا يسرحون ويمرحون وينهون ويأمرون بالبيت وانه اروح لمشتمل اكعد "

رديت " والله حبيبي ما اعرف شكلك "

ما رد

كلت " فهد بخصوص شغلي "

قاطعني وكال " ماكو شغلج انسي "

رديت " ليش يمعود ليش ترة هاي حياتي ميصير انتة تتحكم بيهة فهد وشركتي حتة ما اعرف بحالهة "

رد " لج بابة الشغل ، استغفر الله يا ربي "

رديت باستهزاء وعصبية " اي وشبي الشغل "

رد " شنو شبي يعني انتي مصدكة نفسج ترة هسة انتي زوجة شيخ يعني ماكو شركات بعد "

رديت " شنو ماكو شركات ترة هاذة شغلي وانتة لو تحبني جان خليتني اكمل شغلي "

رد " يااااااا امة الاسلام والله احبج بس شغلج انسي

( كتلة ب برود اشبه للاستفزاز )

" انساك وما انسة شغلي "

______
يتبع ...