القلب الضائع

البارت الاثنان والعشرون

شسمك انتة

" اسمي فهد "

هاااا انتة النغصة الي من جنة صغار اذا طلعنا لعبنة بالشارع تكعد تخزر بينة موو ومتقبل نروح نشتري وردت تلبسنا حجاب لوما ابوية الله يرحمة يمنعك يعني هسة الاعرفة منك انت نفسك فهد النغصة الصغير وهسة كبرت وصرت فهد النغصة الكبير "

" اي انه النغصة فهد بس اصبريلي الة ما انغص حياتج وما اطلع الشيخ فهد لوما مشيتج ع مزاجي "

عافني مصدومة ،،، يعني هسة شنو راح يسوي والله يا الله شيخ البوخة كلشي ميكدر يسوي ،،، رحت نمت والصباح رباح

كعدت من الصبح لكيتهم ستوهم كاعدين ،،، كلت بيني وبين نفسي شنو ذولة عدهم حراثة وهيج كاعدين من الصبح ونوب عود اني كاعدة اليوم بنشاط ومن الصبح طلع يا صبح اذا همة مغبشين علية

" صباح الخير "

" صباح النور والعافية بعد عمج "

" اسوي ريوك هسة "

جاوب عمو أركان " اي والله ياريت عمي لان دنريد نروح يم الجماعة ونحجز علمود نرجع بأقرب طيارة وانتي هم حضري نفسج

"انشاء الله سهلة "

رحت سويت الاكل

٥ بيضات عين ومخلمة واجبان وتوست ونوتيلا ومربى بالكرز ومربى بالمشمش ،،، سوينة السفرة وكعدو ياكلون ويحمدون بنزو ،،، سألني عمو

عمي أحمد " انتي ليش متسوين اكل عموو "

باوعت علية وكلت " ما اعرف "

حسيتهم انصدمو من كلامي

عمي أركان " جا متسوين جاي لو بيض

" اعرف بس الحلويات وبعضهن مو كلهن اما الاكل الرئيسي مثل الجاي والبيض ف لا هاي ع الخادمة

عمي راضي " بوية ليش الجاي والبيض وجبات رئيسية "

" هية مو رئيسية بس اني ما اتريك من الصبح لان اشرب قهوة واذا جنت جوعانة حيل ف اكل توست واكعد اشوف شنو اضيفلة اذا كان نوتيلا لو المربى وانواعهة "

عمي حسام " اي جا انتي بنت العراق يجي يوم وتتعلمين ومن نوصل هناك اخليهم يعلموج "

اتنهدت وجاوبتة " والله عمي ما ادري اذا راح اتأقلم هناك وما اعتقد راح أطول وما اعتقد راح احجي وية شخص من هذيج العائلة

جاوب فهد " بس هذيج العائلة يا خانم تصير عشيرتج "

" هية صح عشيرتي بس ولا يوم حسيتها عشيرتي يمكن انتة مقتنع بس اني لاء لان كل واحد وتطور عقلة "

فهد " يعني هسة افهم من كلامج الماصخ انو انه بلا عقل "

" لا حشاك بس ليش تأخذ ع نفسك "