القلب الضائع

البارت العاشر

مينا : فرحت كلش لمن اجني البنات حسيت طعم الحياة رجع من جديد كأنو كلبي جان فارغ وانملئ المهم خلصنة يومنة بحب ونمنة اربعتنة بغرفتي وابو اسعد نام بغرفتة

انطيكم المختصر

خلصت العطلة بأحلى ما يكن يعني لا هم دراسة ولا هم الاشتياق ولا شي اكعد الصبح اتريك ونشتغل ونصلي ونتغدة واروح اراسل كرار وانام فد ساعتين واكعد اصلي ونسوي عشة وناكل ونسولف ونشرب جاي ونام وهيج مرت العطلة لبين ما صرت كلية مرحلة ثانية ؛؛؛ أجمل شي بالحياة من تحط كتبك كدامك وتكعد تدرس وتليفونك ع الشحن يعني احس هالشي راحة نفسية واحس اهلي مفتخرين بية وراضين علية المهم صرت ثاني كلية

قبل ٢ يوم

مينا : شوفن لجن تكملن ريوك وتكومن تغسلن الاماعين اني البارحة غسلت اماعين العشة
ايريلا : يلا عادي اني اغسلهن
ريم : بنت ابوهة ايريلا خانم هههههههههههههه
نور : ههههههههههه
مينا : بعد بعد دكي ولطمي نوارة خانم شبيج فرحتي من الضحك راح تختنكين
نور : هههههههههههه يا يابة والله اليكعد وياجن يطلع جنازة
مينا : اشو بعدج عايشة
ريم : هههههه لج نور قبل لتحجين احسبي حساب كلمتج ترة مينا تدور الإبرة بين الخيوط
مينا : ههههههه لا مو لهل درجة بوية

ترن ترن ترن

نور : مينا منو كاعد يتصل
مينا : معليج حروح للغرفة وانتن خلصن اكل واشتغلن

ايريلا : بلا هاي شايفة نفسهة فد شوفة تنهي وتأمر ههههههه
نور : ههههههه دخلصي خلصي خل نشتغل لا يبطل واهسي
ايريلا : زين هاي شبيهة صافنة
نور : رررررريم هيوووووو
ايريلا : الصفنة مو الج للمطي شبيج صافنة
ريم : مابية شي حفوت للحمام اغسل
نور : تمام

ريم: عرفت انو الي اتصل ع مينا كرار وعذاب الضمير يدق الباب بقووووة مو طبيعية بس ما بيدي شي ما اكدر اخسر اعز شي عندي مينا بالنسبة الي مهمة ما اكدر اروح اكللهة حبيبج يخونج لان خاف عبالهة حاطة عيني وكذا واني بهيج مواقف اصير ثولة واكول اي حاطة عيني واني مو هيج ف ادري بنفسي راح اجفص ف خل اكعد واسكت احسن

مينا : الو حبيبي

كرار : لك بابة شبيك لتصيح خليني انام لج اياااااات تعاي اخذي مصطفى دا انام
مصطفى : ادا دادا
كرار : شنو حبيبي          لك ايا ادبسز جيب الخرة شويات يمة

كرار : الو حبيبتي مينا شلونج
مينا : منو هاذة الطفل ومنو آيات
كرار : شسمة الطفل ابن اختي آيات واليوم هية خطار يمنة ف ابنهة جابتة يمي يلعب واخذ تليفوني بدون ما ادري
مينا : وهوة شودا ع الاتصالات مال تليفونك
كرار : حبيبتي جهال قابل متدرين بيهم
مينا : امممممم اي شلونك
كرار : بخير والله دا انام بس طلع صوفي داك عليج
مينا : هااا اي ديلة روح كمل نومتك حبيبي
كرار : يلة الله وياج

ما اقتنعت بحجي كرار بس شسوي ما احب احفر بالشغلات وبعدين انتدم واكول لو ضالة مثل الأطرش بالزفة احسن

ما أطول عليكم الأحداث مصار اي شي بهاي السنة مجرد صار عمري ٢٤ سنة لانو اني تركت سنة لمن اجينا لتركيا وامي وابوي توفو المهم خلصت سنة الثالث كلية واني وكرار كلش متفاهمين احسة توأمي الروحي ويفهمني بكلشي اذا ابجي يعرف يمتص حزني واذا اعصب يعرف يمتص عصبيتي استمرينة بهاي السنة كلش حلوين وب السنة الرابعة للكلية طلب مني طلب كلش محلو وهوة ^ اكلج مينا اني مو راح اخطبج ^ كتلة اي كالي ^تعاي اراويج الشقة الي اشتريته لمن نسكن بيهة ^ كتلة لا شسوي بيهة عود من ننخطب نروح نشوفها * ضل يلح الة اروح ويا وبالاصل اني فاهمة ليش يريد ياخذني علمود يبوسني او يسوي شغلات يعني اطباع الولد اعرفهن وخاصا كرر صرت اعرفة من اول نظرة بعدين متحملت عطت بوجهة كتلة ^ليش تريد تاخذني لشقة كتلك من نخطب احنة هسة مو مخطوبين لو تريد تسوي شغلات شوف ترة اني مو من البنات الي ابالك افتهمت لو لاء ديربالك تفكر بشي نكس وياي خوووووش ^ باوعلي كأنو هوة مصر انو يكسرني كالي ^اني لو اريد اسوي وياج شي جان سويتة اليوم قبل باجر واي ردت اخذج للشقة علمود ابوسج شنو حرام واني هم راح اصير زوجج يعني ماكو مانع برأيي ^ كتلة ^ بس بالنسبة الي اكو مانع ^ وعفتة ورحت بعدين هوة صالحني بالكلام كلي امشي نفتر كتلة اوك عاد رحنة نفتر بالممرات مال الكلية الطلاب جانو بالكافيتيريا يعني ماكو ناس بالممرات او بالأحرى ماكو ناس بالممر الي جنة نمشي بي ف فجأة لزمني من خصري وباسني

يتبع ...