القلب الضائع

البارت الرابع والعشرون

أتمنى أن يعود كل شئ على ما يرام كما كان، حتى أنا.
_________________________________________

عمو حسام " هسة تتعرفين عليهم واحد واحد

" زين ليش هيج يباوعون عبالك جاية من كوكب عطارد "

عمو حسام " هههههههه لا لتشوفيهن هيج هنة حبابات شوية شوية تتعودين عليهن وتحبيهن

صاح وحدة اسمهة سمية

" سمية امشي فوتي بنت عمج لغرفة البنات "

رحت وية سمية للغرفة جان اشوف اربع جرابي

" اكلج حبيبتي "

سمية " كولي عيني ٠"

" ليش اكو اربع جرابي واني وين انام "

سمية " هاي الثلاث جرابي الي والاخواتي والجرباية الرابعة مال بنت عمي اتزوجت وانتي اخذتي جربايتهة

" اممممم تمام شكرا

جانت جربايتي كدامهة اكو شباك

حطيت الجنطة يم الجرباية ورحت انجطلت لبين ما تجي بنية تشوفني وين احط ملابسي

مرت ساعة كاملة وانتي سمية دا تخلي تليفونهة الصرصور علة الشحن ،،، باوعت التليفوني ايفون يخبل وانتبهت محد عندة تليفون فهد وتليفوني أحدث من تليفونة وحاطة للتليفون رمززز كلش صعب بحيث اخذت وياي ورقة بيهة الرمز لان خاف تصادف وانسى الرمز وتعال يا حظي الحكني،،،

" اكلج "

سمية " كولي

" وين ارتب ملابسي "

سمية " دقيقة

طلعت من المجر مفتاح وفتحتلي خانة فارغة وكالت هاي الج ،،، باوعت عليهة زين هاي وين تكفي ملابسي ،،، كلتلهة

" اريد تعاليك "

سمية " احنة ما نستعمل تعاليك بس للفساتين علمود ما يتجعصن يعني ماعدنة وانتي ملابسج صفطيهن ولمن نطلع للسوك عود نجيب ويانة

" اممم "

كمت اخذت الجنطة فتحتهة وطلعت بس الملابس الي البسهن اما الملابس الاحتياطيات بقيتهن بالجنطة هنة والعطور وطلعتلي بس عطر واحد ،،، بدلت ولبست تيشيرت عريض فوك الركبة بشوي لان اساسا بس هاذا التيشيرت الشتوي العريض عندي والبقية كلهن قصار اما الكوتات لا عندي طوال ،،، لبست تيشيرت شتوي عريض ولبست بنطرون كابوي مقبط يعني مو عريض بل ضيق كلش وسويت شعري ضفيرة من جهة اليمين وأخذت تليفوني ونزلت ،،، ونزلت واشوفلكم الوضعية يرثى لهااااااا شنو من نسوان هذن البس كلة مال طحين او مشكوك او بي الوان او رايح لونة من الغسل لو خطية البنات ،،، هاي السمينة الي لابسة دشداشة وهاي الزينة الي لابسة تراك مقري علية الفاتحة لو هاي الي حجابهة يسلم عليكم لو هاي الي وجههة كلة خرابيط ،،، صفنن علية وهاي الي تباوع بأستهزاء وهاي الي معاجبهة وهاي الي تشوفني مرتبة وكذا يعني كل وحدة بنظرية ،،، انتبهت عليهن صافنات علية كلت خلي اهدئ الجو لان عيب اعوفهن واروح للاستقبال ف كلت