القلب الضائع

البارت الثامن والثلاثون

خذآهآ ﭑلمـﭑ ټعب بيۿة
وﭑني ﭑلرﭑسم معـﭑنيۿة وټعبي يروح لغيري ټﭑليۿﭑ 💔
_________________________________________

جمدنة بدمنة زين هاذة شوكت جان يسمع كلامنة كبل فات كال وهوة ينزع الساعة مالتة

منو هاذة ابن كلبج

باوعت علة ياسمين انبلعت

ردت انقذ الوضع كلت

" انتة ليش جيت شعجب غير لازم تجي الظهر "

فهد " شنو ميصير اجي لبيتي الة من أمر منج يا خاتون "

" لا مو هيج بس مو من عوايدك

فهد " هية الي يسمعج يكول صارلج عايشة وياي ٥ سنين وعدنة طفلين "

" أعوذ بالله شمتفاول علية اليوم انتة "

فهد " اي ياسمين منو ابن كلبج "

ردت انقذ الوضع كلت " دا نسولف لو صار عندي طفل شنو راح تكون ردة فعلها وكالت هوة خلي يجي ابن كلبي "

فهد " وهية ما عدها لسان تحجي انتي شكو تحجين بدالها اكو احد ذبلج عظمة "

" يااا شنو هاي اسلوبك بالكلام يعني هوة حديث مشترك "

فهد باوع علة ياسمين وكال " متوقعتج تتعلمين من عدهة وتجذبين مع الأسف " كال هالكلمة وفات للحمام

اباوع ياسمين نزلن دموعهة حضنتهة و واسيتهة بس ماكو نوب طلع فهد من الحمام شافهة تبجي كال شكو ليش تبجين نوب كامت تشهك وتبجي اجة كعد بصفهة كاللهة

فهد " يابة ليش تبجين

ياسمين " والله ما ردت اجذب عليك واخون ثقتك بس ادري بيك متقبل "

فهد " ومنو كال ما اقبل يمكن اساندج او اساعدج يا عيني شكو "

ياسمين مسحت دموعهة وكالت " استحي احجي "

فهد عدل كعدتة وصار جدي وكال " الأخ صديق اختة وحاليا اني ابوج وابن عمج واخوج وصديقج احجي وما اعلق بكلامج مجرد انصح او أسهل "

ياسمين كالت الكلام بدفعة وحدة وعينهة بالكاع " فهد انه احب ميراد

كالت هالكلمة وكامت تشهك وتبجي

انتبهت علة فهد انصدم يباوع عليهة شلون حاطة ايدهة علة وجهة وتبجي بعدين انتبه للوضع وراح حضنهة وكال

فهد " ولو ادري حرام احضنج بس انتي اختي والله يدري بنيتي صافية "

وصارت ياسمين تبجي وتشهك بحضن فهد وهوة يمسد علة راسهة اشو هاي بطلت بجي وبعدهة بحضن فهد وفهد يخطف مني نظرات واني اباوع علية نظرات طويلة عبالك مشايفة يعني شلون حاضنهة ويمسد علة راسهة ورجولتة مبينة وتفاحة ادم العشق تصعد وتنزل بالنهاية انتبهت عليهة نأمت كتلة ترة نامت عاد كام نيمهة علة الجرباية عدل و كام يمشط بشعرة الرجولي الطويل يعني مو طويل بس شعرة شوي بي طول