12:00
إنها الثانية عشر
مُنتصف الليل ،
يُمكنك الآن أن تتجرد
مِن كُل الأدوار
التي لعبتها اليوم ،
يُمكنك خلع
الإبتسامة الزائفة
والقوة المُصطنعة ،
يُمكنك أن تعود أنت.
_________________________________________
" نحتاج لعناق بلا سبب، وردة بلا مناسبة ورسالة لطيفة تجعلنا نبتسم. "
_________________________________________
اخذت المسامحة من جدو وبيبي وبوستهم وطلعت ،،، قبل ما اطلع خالو كرار طلب مني نحجي وحدنة ،،، رحنة للغرفة مال جدو وبيبي دا نحجي جان يكول
خالو كرار " شوفي حبيبتي اسفين ع التعامل وياج بهاذة الشكل بس بعدنة غضبانين علة آمنة او الاصح مصطفى وإبراهيم غضبانين اما اني ابد مو غضبان بالعكس راضي عنهة كلش هسة شوفي حبيبتي اي شي تريدي تعاليلي اذا احتاجيتي اي شي اني موجود إذا احتاجيتي تكعدين ابيت اني موجود إذا احتاجيتي فلوس اني موجود إذا ردتي تفضفضين اني موجود واذا تريدين كلشي اني موجود زين عيني
رديت بأبتسامة " انشاء الله خالو
خالو كرار " يلا عيني
طلعنة وكلنة خلي نتوكل ونرجع للبيت دا نطلع من البيت فتحنة الباب جان اشوف بوجهي رجال وشاب
اتسالمو وية عمو راضي وفهد بعدين خالو كرار كال
عيني هاي مينا بنت وداد وهاي عمامها
انرسمت فرحة بعيون الرجال مو طبيعية اجة حضني وطبطب علة ضهري و وصاني البس حجاب وسأل عن احوالي وهم وصاني اي شي احتاج هوة مراح يقصر بعدين التفتلي خالو كرار وكال
خالو كرار " هاذة خالج سجاد
متت فرح علة الاقل اكو اثنين خوال يحبوني
باوعتلة وكلت " شلونك خالو
كالي " بعد خالج الحمد لله
باوع علة عمو راضي وكال
دتعالو فوتو جوة ليش هنا واكفين
رد عمو راضي " لا بوية والله مستعجلين
رد خالو سجاد " لعد عيدوهة غير مرة
رد عمو راضي " انشاء الله
ركبنا بالسيارة ومن كثر الضوجة كمت افتح مواضيع
" عمو اني اليوم راح احجز طيارة "
رد " ادري يا عمو ليش هيج مستعجلة ما شفنا منج شي
رديت " لا والله عمو شغلي هناك ما اكدر ابقة وهاي صارلي اسبوع هنا "
رد " كيفج عمو بس حسبي حسابج اجيبج مرة ثانية
رديت " انشاء الله ويمكن اني تصيرلي جية للعراق مرة ثانية
رد " انشاء الله
وكام يحجي وية فهد بسوالف العشاير من ضمنهة
أنت تقرأ
القلب الضائع
Mistério / Suspenseالقصة حقيقية وجريئة جدا ،،،بنت تفقد عائلتها بعمر صغير وتحارب الحياة لكي تعيش وتعتني بأختها وفجأة يحدث الغير متوقع
