القلب الضائع

البارت التاسع والاربعون

:قال لها : هل تحبين شعرك ؟؟؟؟!
قالت نعم كثيراً ........
قال اذن لماذا قصصتيه ؟؟؟؟؟؟ لكي اثبت لك أنني استطيع التخلي عن اي شي مهما بلغ حبي له
_____________

ياسمين ...

التفتت واشوف ميراد وراية واكف يبتسم بخبث ،،، اتخربطت احوالي كلت

ياسمين " شعليك شنو الاريدة "

ميراد " مو شنو تريدي لا منو يريدي "

ياسمين " انه مو مثلك ترة "

ميراد " لا عليج الله ع يا تعيس حظ جنتي تبجين يا بنت عمي الشريفة  "

رديت بأستهزاء " ع الي يكول تعيس حظ " كلتهة وضحكت دا افوت جان يكلي

ميراد " اكفي "

انداريت بخوف هاذة اخذهة بجدية

ياسمين " هاا "

ميراد " قصدج جنتي تبجين علية "

ياسمين " لاء جنت استهزء شكو دا ابجي عليك "

ميراد " فوتي جوة وبعد لا طلعين بالحديقة "

سكتت وطبيت جوة نمت تقريبا مر اسبوع كامل وبيوم اجت جوارينة يم نسوان عمامي وامي ديسولفون فتنة اني وسمية ودينة مي وجاي جان اسمع جارتنا كالت

" اي والله منهزمة هية وأهلها "

ردت عمة سرور " يا عيني خطية "

ردت " لا يمعودة يا خطية يعرف ابوهة يقتل وينهزم بس ميعرفون يدفعون ثمن اذيتهم للناس اوي خلي يولون شكد شفنة اذية منهم وبناتهم هم ما شاء الله كحاب يومية وية واحد نايمات "

ردت عمة الاء " وشون يومية وية واحد "

ردت " غير مشهورات شهيرة بفرعنة "

ردت عمة امال " وج عيني همزين الله احنة بغير فرع ومو بذاك الفرع جان هسة متنة ويومية مشاكل "

ردت " اووي شنسويلهم "

حطيت الاكل وكعدت يمهن وهنة يسولفن انتبهت ع خيال يم الباب بس خيال خافت لان الإضاءة مال الصالة جانت خافتة انتبهت من مراية الشباك هاذة ميراد ومبين سامع كلشي ف كلت خلي أخبث واكسر كلبة

كلت " زين خالة هذولة الي دا تحجون عليهم مو بيت ابو فلاح الي بفرعكم "

ردت " اي والله خالة ، هم زين انتو ما معاشرين بناتهن فد لسان و وكحات و سوالف مكسرة عدهن وما اجذب عليج بنتهم الوسطانية وحدهة بالبيت وطببت ابيتهم واحد وطول الفرع بس يتلفت منا ومنا لبين ما وصل بيتهم فات بسرعة وهية الضحكة شاكة وجهة ايعع "

رديت " شلون عرفتي وحدهة بالبيت "

ردت "غير جنت دا الم الهدوم وشفت اهلهة طلعو وهنة بناتهن مشبوهات بهيج سوالف يا خالة يعني ليش يتلفت الولد واني انتبهت اهلهة كلهم طلعو ولابسين هذاك اللبس يخبل ومشلح الله يغرفلهم "