القلب الضائع

الثامن والخمسون

أحسن شعور لما تمر من جنب المدرسة وانت في اجازه تحس نفسك منتصر في معركة...
_________________________
محد ينرفزني غير الي يگلي مو وقت ضحكتک لا بالله عليك تعال سويلي جدول شوكت اضحک..
__________________
ردتلي روحي من شفتة هيج بودي اروح احظنة بس كبريائي يمنعني ، واكف كدام الشباك مال غرفتة يباوع بكل تكبر علية ، هوة فوك بالشباك واني جوة بالباب ، باوعتلة شي ١٥ ثانية ودرت وجهي عليهن كتلهن خلي نفوت

طبينة نمت لبين ما صار اليوم الثاني اول يوم العيد ، احلى الايام بهاذة العيد ، صدك عيد احسة يختلف عن كل الاعياد

من الصبح رحت لبيت جدي ( عمامي ) عايدتهم ونطوني عيدية فد فرررحت فرحة ما تنوصف ، اني بعمري ما ماخذة عيدية منهم الة بس مرة وحدة ، عايدت عمامي كلهم وزوجات عمامي كلهن و الولد والبنات ،،، نزل مناك فهد ، اتعايد وياهم ، نزلت دمعتي لا ارادي بعدين مسحتهة وحطيت لساني يم سنوني الفوك علمود ما ابجي

اتعايد وية نور وايريلا وريم وياسمين ، هوة متردد يجي يعايدني واني مترددة ، انتبهت ع عمو راضي ياشر لفهد ، شوي واجة فهد عايدني اني هم بادلتة وعايدتة ،،، كعدو يحجون بخصوص العرس وشنو راح يجيبون

كلت " عمو اريد اروح لبيت خوالي عادي "

رد عمو راضي " اي عادي بوية شوكت تريدين "

رديت "هسة "

حسيتهم اتفاجئو

رد عمو راضي " اي بوية كومي بدلي وتعاي انتي واختج "

ياسمين " لعد ما تجين اليوم تجهزين لعرسي وياي "

رديت " باجر هم راح تروحون للسوك وتحضرون عود اجي وياكم ، وهاا صدك عمو تندل بيت اخوتي وين "

رد " بس حاتم وفهد يندلون "

كال عمو حاتم " والله عمي عذريني انه فد شوي منتظريني جماعة لازم اروح "

كال عمو راضي " امشي فهد ناخذ بنت عمك لاخوتهة ومناك لبيت جدهة ، وشوكت ترجعين " .

رديت " باليل "

رد " اي لعد كومن بدلن قبل الاذان "

رحت للبيت دا اطلعلي هدوم حلوات "

طبت نور عصبية مطنكرة

نور " روحي انتي اني ما اروح "

رديت بعصبية " شوفي نور والخلقج ادفنج هناا افتهمتي لو لاء ترة روحي واصلة لراسي شوي واطك من قهري لج حسي بية فد يوم كوليلي صار تدللين اختي لا تضلين تنكين فوك راسي نور ارحميني وامشي مو والله تعبت "

ردت بصياح " وشعلية اني بيج مينا لا طلعيني عن طوري شنو بنتج اني شوفي لا تاخذين دور الام الحنينة الحبابة احسنلج واني لبيت اخوتج ما اروح "

رديت بصياح " لتروحين لبيت خرة بس امشي لبيت جدي يا ظالمة بيبيتج تريد تشوفج مفرفحة عليج "