أنطيني أيدك نتگاود وأنت أختاࢪ أݪطريق...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_________________________________________
فهد " من هسة وكدامكم مينا صارت نهوة فهد انة ناهي علة مينا بنت حسن و وداد
كال هيج لو كلبي وكع واحلامي اتبخرت وامالي اطشرت جنت اباوع عليهم اتفاجئو وانصدمو مع اني ما اعرف شنو نهوة بس مرة سمية جانت تحجي وية حوراء عن نهوة صديقتهة وسمعت مقتطفات من كلامها بأن ابن عم صديقتها جان يكتلها ويكلها انتي نهوتي وشسوي بيج عادي هسة لو احركج محد يتدخل ،،، اني انطبع كلامهن ابالي اباوع لفهد ويتردد كلامهن براسي
فهد كمل كلامة " خوووش مينا صارت نهوة فهد مينا لفهد وبعد رجعة لتركيا ماكو وطلعة من البيت ماكو وبس تمر أربعين اخوي وابن عمي أعقد عليج
باوع علية نزلت دمعة من عيني هوة يباوع واني دمعاتي تنزل وحدة نوب تنزل الثانية بعدين عافني وطلع واني اباوعلهم كلهم يباوعون علية بشفقة كلهم كاعدين بس اني واكفة اتوسل بيهم بنظراتي ،،، شفت ماكو منهم فايدة صعدت فوك سديت الباب واتغطيت وبجيت اباوع تليفوني ماهوة اي صح هوة لبسني شالي وجر تليفوني حطة بجيبة ولزم ايدي ونزل ،،، باوعت علة ايدي بيضة وبيهة حمار وزراق قوي كلش اتألمت بحيث اعصر وافرك بأيدي وابجي لبين ما اجتي ياسو شافتني بهاي الحالة كلتلهة
" ياسمين صرت نهوة فهد يعني راح يكتل براحتة واي شي يسوي براحتة موو "
باوعت علية ياسمين وكالت " انتي تعرفين شنو نهوة "
هزيت راسي بلا علمود تشرحلي كلشي بالتفصيل وصدك حجتلي كلشي بالتفصيل ،،، هدأت شوية وكمت استرجعت قوتي واني مو نهوتة وهوة يقرر عني بكيفة ،،، كبل لملمت غراضي واتصلت علة أقرب طيارة جانت ساعة ب ٨ أقرب طيارة ،،، حضرت جنطتي وياسمين تتوسل بية ما اطلع عافتني وطلعت لبين ما رتبت عراضي فتحت الباب واشوف فهد بوجهي
اجة علية مثل الوحش حازرني بعيونة وحواجبة المعكودة يمة كمت ارجف ونوب صاك علة اسنانة ومبينة دمارات كصتة وعضلاتة ورشاقتة هذني وحدهن سالفة كاملة بالخوف ،،، سد الباب واجة اخذ الجنطة من ايدي ولزم ايدي وكال من اليوم راح تنامين بغرفتي اخذني واخذ الجنطة ونزلني جوة بغرفتة ،،، فتح الباب كفخني عطر الغرفة ودفوهة جانت غرفة تركية كلش حلوة بيضة وسودة
أنت تقرأ
القلب الضائع
Gizem / Gerilimالقصة حقيقية وجريئة جدا ،،،بنت تفقد عائلتها بعمر صغير وتحارب الحياة لكي تعيش وتعتني بأختها وفجأة يحدث الغير متوقع
