القلب الضائع

البارت السابع والاربعون

عرفت منين رآح آبدي ..
مآل أشتآك وأتمنآك ،
وآهس هيج مآ عندي !
ومآعندي وكت آصفن وآفكر بيك ..
تعرف صرت مو وحدي !
وهسه آني بـ حيآتي إنسآن
يعرف قيمتي ومآ يشتغل ضدي ! ♡
_________________________________________

التفتت واشوف كلاص البرتقال كلة دود وهالدود غريب كلش صغار وبسرعة يتمشى بالكلاص عبالك اكو عسل ومتجمع علية نمل هيج شي يعني ،،، التفتت واشوف هالمنظر وكع كلبي متت بدمي صرخت

" فهد شوف "

اجو مناك زوجات عمامي سرور والاء ديشوفن شكو جان يصرخن التمو بعدين كلهم بالغرفة باوعت ع فهد كتلة

" فهد شنو هاي "

جاوب أيسر " يا الله هاي صدك سحر "

راح فهد ضرب استبرق راجدي خلاها توكع بالكاع ،،، ديروح ع ملاك لزمة أيسر

صارت هوسة عمامي صارو يستفسرون عاد كلتلهم كل الشي شفتة من ملاك ونرجس واستبرق بس ما كلتلهم انو زهراء هية الي كالتلي عليهن لان محبيت ادخلها بالسالفة ،،، عمامي بعد ما كلنالهم اجة عمو أركان جر ملاك لغرفتة ولحكتهم مرت عمو أركان " سرور " شوية ونسمع صريخ ملاك وامها تصيح عوفهاا راح تموتهة بيدك يبووو ،،، راحولهم عمامي فاككوهم وكال عمو أركان قرار صدم الكل

أركان " شوفي لج تروحين تاخذين غراضج وكبل لبيت رجلج وبعد لا انه ابوج ولا انتي بنتي ولا انتي اخت أيسر ومهيمن ولا همة اخوتج وبعد جية الج لهنا ماكو "

أتوجه مهيمن لملاك وهية خايفة ،،، ضربهة راجدي كدام الكل وكاللهة

مهيمن " كدامي لمي غراضج "

صاح أيسر بصوت عالي " مهيمن لتزيد الطين بلة "

سكت مهيمن ومن عيونة تطلع شرار ،،، أتقدم أيسر يم ملاك هية كبل حطت ايدهة ع وجهة بس اتفاجئنة من حضنهة وكاللهة

أيسر " لا تخافين امشي كدامي "

اخذهة وراح لغرفتهة

بوكتهة ميراد جان بغداد هوة وكمال ومؤمل

الوضع توتر كلش وعمو راضي كال لمؤيد اتصل ع اهلهن خلي يجون دا نحجي وياهن وبعد جية لهنا ماكو

انتبهت ع فهد وجهة اصفر وكاعد ع الجرباية وحاط راسة بين ايدية ،،، عباس هم انتبه علية كالة

عباس " كوم فهد خلي نروح للامام شي شاتين "

فهد " مو هسة "

باوع عباس ع البنات وكال " امشن لمن هاذة الدود والكزاز "

كالت مرت عمو حسام ( امال ) " لا يمة عوفة خلي نشوف شلون يبطل السحر "

انسدت من وجهنة من كل الجهات ضلينة صافنين لبين ما اجو اهل استبرق ونرجس كال فهد خلي يصعدون للغرفة يشوفون تربيتهم الساقطة

( فهد عندة مشاكل وية التربية ) 😒

صعدو فوك وكلنة كلشي واتفاجئنة لمن نكرو وكالو يمكن انتو متفقين عليهن او بناتكم متفقات ع بناتنة وصارت هوسة يابو هوسة وبالنهاية مالنة علاقة بيهم ولا هم عدهم علاقة بينة ،،، وايسر اخذ ملاك لبيتهة وعباس اخذ فهد للامام ومناك يجيبون شيخ يبطل هاذة السحر

رجع عباس يسولفلنة يكول

عباس " يابة طبينة للامام دنزور اشو التفت اشوف فهد وراية لازم بطنة و واكف و وجهة ازرك اكلة شبيك يأشر ما اكدر اتنفس انه هم شدراني بهيج سوالف ف كعدت اطبطب على ضهرة ،،، اتقيأ تقيأ عادي بس اللون اصفر وبس نقاط سود واتخربط هناك ادمرنة وهدومة اتلوصت عاد اشترولة هدوم خطية الناس الي بالامام

رد فهد " مرت وعدت "

جنت منزلة عيني للكاع دا افكر بشنو ما اعرف يعني هيج بس مجرد اكعد افكر بشي ما اعرفة ،،، رفعت راسي علمود اشاركهم بالحديث لان هاي اول مرة اسكت يمكن استغربو ،،، رفعت عيني اشوف فهد يباوع علية بتعب ،،، خزرتة ودرت وجهي لا اراديا نزلت دمعتي مسحتها وكمت للمطبخ شربت مي وغافلتهم ورحت للغرفة ردت انام من كثر التعب وهمة هم باجر يجيبون شيخ يشوف شلون يبطل السحر وهاذا الدود شنسويلة وشلون نوخرة ،،، طبيت للغرفة نسيت بيهة دود فتحت الباب اشوف الدود اتكاثر متت خوف دمي جمد كبل سديت الباب رحت لغرفة البنات نمت

فزيت ع نفس بركبتي ،،، انداريت اشوف فهد نايم بصفي وعيونه علية ،،، درت وجهي ابتعدت عنة ،،، قيدني بأيده وضل يبوس بركبتي واني متحملة بالكوة

شوي وكال

فهد " شنو تريدين كولي اسوي واسف لان ما صدكتج بس بحياتي ما شايف سحر وجنت احسهة خرافات "

انداريت علية كلت " متأكد كلشي تسوي "

فهد " طبعا انتي بس كولي " 

رديت " اتزوج ياسمين و ميراد "

______
يتبع ...

الكاتبة هديل محمد ...

عن لسان مينا ...

اليوم الك وباجر الغيرك

ادمرك مو اذية وحقارة بيك

ادمرك حتة اعافيك

ادمرك حتة احس بيك

ادمرك حتة ادمر وياك

ادمرك واني اواسيك