البارحة بالحلم محبوبي باحضاني ،،
بوسني من وجنتي وطفالي نيراني ،،
كلت له حبيبي اقترب عوضلي حرماني ،،
هل تقبل مروتك تتركني وحداني ،،
اموت حسرة وقهر لو لحظة تنساني ،،
اقبل اعيش بسجن لو انت سجاني ،،
يا عمي هاذة الحلو للموت مشاني ،،
هوة الحرك مهجتي وهوة الي داواني ،،
الشفة فستق حلب والدلع لبناني ،،
ما نريد يطلع صبح نورك علي كافي ،،
ما دام عدنا الحلو خلو الضوا طافي ،،
ميت اعلة شوفتك ولحضنك الدافي ،، ♡
_________________________________________
" اتفاجئت معقولة ايريلا اجت ،،، كمت اركض ارهول وصلت للباب واشوفهة كدامي حسيت كأنو شايفة ناس ميتة يعني كأنو رجعلي ميت ( هاذة جان احساسي ) شلون من كالو الطفل انو أمة راحت تجيبلة العاب وبالاصل أمة ماتت وبعدهة بشهور رجعتلة وهوة شايفهة والفرحة مو واسعتة ،،، هيج جان شعوري شفتهة متت فرح حضنتني وحضنتهة حيل صرت ابجي واشهك وهية تمسد علة راسي وتبجي وياي ،،، حسيت علة نسوان عمامي طلعن واني بعدني حاظنة ايريلا وابجي ،،، ابتعدت من حضنهة كلتلهة هلا بيج شلونج تعاي فوتي ،،، فتنة لي جوة كعدنة بالاستقبال لان عيب اخذهة واصعد فوك وزوجات عمامي جوة يعني زحمة يجيني خطار وما اخليهم يرحبون بيهة وكذا يعني شوي شوي اخذهة وننسحب
" شلونج شلون صحتج انشاء الله بخير "
ايريلا " والله بخير الحمد لله انتي شلونج "
رديت " والله يم الله شعجب جيتي اتصل عليج ما تردين يطلعلي مغلق "
ايريلا " غير تليفوني انكسر سكتي شكد ضجت "
ضلينة نسولف وزوجات عمامي هم يشاركنة الحديث ،،، سألتها بعفوية من باب السؤال
" شعجب جيتي "
يريلا " والله اشتاقيتلج كلت اجي اشوفج "
رديت "هلا بيج بكل وكت وهاا صدك ترة رسل صديقتج انطتني ملف المستشفى تعاي فوك انطياج "
باوعتلي بأستمرار مستغربة كالت
ايريلا " اي والله هم اريدة لان اريد اضيفة للحاسبة
صعدنة فوك وبدة الحجي الجد ...
سديت الباب وجانت اضاءة الغرفة عالية ف سويتها ناصية وكعدنة ع الجرباية وبلشت احجي الحجي الي بالكلب والعقل ...
" تعاي قبل ما نبدي نحجي انتي مين عرفتي اني هنا "
ردت " تريدين الصراحة اني شفتج قبل كم يوم براس السنة و وياج واحد ف راقبتج وبالنهاية جيتي لهذة البيت وجيت علمود اشوفج لان مشتاقتلج كلش هواي وهم علمود اكلج انو ريم تريد تحجي وياج وهية الثانية واكعة بمصيبة محد يلحكهة "
رديت " ليش شبيهة مو رادت تروح تعيش هية ونور خانم "
ردت " ولج ريم ابد ما تكعد راحة خابرتني مديونة ونوب شركتهة سمعت انو فلست وبقت بس شركتج وماعدهة فلوس وتريد تسحب من فلوس الورث الي بقن بالبنك ولج وين ودت الفلوس فلا ادري "
أنت تقرأ
القلب الضائع
Bí ẩn / Giật gânالقصة حقيقية وجريئة جدا ،،،بنت تفقد عائلتها بعمر صغير وتحارب الحياة لكي تعيش وتعتني بأختها وفجأة يحدث الغير متوقع
