القلب الضائع

البارت الخمسون

وأنتظِر ..
باچر يلمني
وچم باچر، يذبني ع الباچر
_____________

مينا

مر اسبوع كامل واني ما اباوع بوجه فهد وحتة صرت انام بالكاع واكعد الصبح الكا نايم يمي

لفهد

أنه
شضال بيَه
حتىٰ أكلك ضَل..

... بيوم اجة فهد كال زواج ياسمين وميراد تم

استغربت كتلة

" شلون تم يعني "

رد " حجيت وية ميراد كال عادي اساسا ما الكة احسن من بنت عمي "

رديت " اي خوش "

رد " ترة لمن حجيت وية ميراد مو معناه انفذ طلب حضرت جنابج الكسيف علمود ترضين ، لاء ، كتلة علمود اشوف رئيهم خاف صدك يحبون بعض وهم بعد لا تحجين بلغتنة "

رديت " شلون يعني "

رد " يعني لا تكولين خوش وانة وكذا من كلامنة "

رديت " ليش "

رد " لان تخلين الواحد يشتهي يتفنن ع كولتج "

رديت واني امشي بأتجاهة " اي وليش ما تتفنن "

ابتسم وبدة يتفنن بكل ثغرة بية

كعدت شفت ياسمين عادية كتلهة شنو ما متفاجئة كالت من شنو كتلهة لا هيج، ،، ما اتوقعت فهد ما كايللهة وصدك شوي وصاح فهد لياسمين ونزلت ياسمين طايرة من الفرح الة شوي وتركص ... باركتلهة وبعدين فهد اتأكد من كلام ميراد وحجة وية عمو حسام و وية عمة امال و كالو ما نلكة احسن من ميراد وحجو كذاك وية عمو راضي وعمتي وهم وافقو علة ياسمين واتأكد خبر زواج ياسمين وميراد وبعد شهر يجي عمو محمود وزوجتة وهم كذالك ما عدهم أطفال وبوجودهم يصير زواج ياسمين وميراد

استمرت حياتنة عادية وصرت شوي شوي احب فهد اكثر او اتابعة لمن ينام لو اخطف منة نظرات لمن يبدل يعني صرت اعشقة بكل معنى الكلمة وعمتي هم زينة وياي وبس تمدح بية كدام الجوارين وعلاقتي وية ايريلا زينة حلوة بس مو مثل قبل يعني قبل جانت اقوة وبيوم كاعدة جان تندك الباب صحت منو اجاني صوت ايريلا فتحت الباب جان اشوف ايريلا وريم ونور ،،، اتفاجئت كلش وبنفس الوقت الدمعة طكت بعيني ميتة شوك الهن بس ما نزلت نفسي وسويت روحي ضايجة لجيتهن وباعت ع ايريلا كتلهة ليش جبتيهن كالت هسة خل نفوت ونحجي

فوتتهن جوة كعدنة بالصالة وهمزين الله عمة الاء وعمة سرور وعمة ابتهال بالسوك وعمة امال يم جيرانة وعمة انوار نايمة والبنات بالمطبخ دا يغسلن اماعين الغدة ،،، فاتن سمية واريام سلمن واجت ياسو هم سلمت ،،، شاورت ياسو بانو اني راح اخذهن واصعد لا تخلي احد يقاطعنة المهم صعدنة فوك فتحتلهن الغرفة فاتن كعدن ع الجرباية واني هم كعدت ستونة دا نحجي جان يفوت فهد مثل المصرع وهوة جان شلون حلو يعني لابس دشداشة زركة والعكال ولازم تليفونة وصعد كبل فتح الباب جان ينتبه عليهن وكبل دار وجهة وراح صاح