فشله يوگفلك غريـب بديره مليانه عِرف!
_________________________________________
حجت بيبي هالكلمة درت وجهي عليهة جان تبهت ملامحهة وكالت السلام عليكم وسلمت علة عمو راضي وفهد وبعدين كعدت باوعت علية كالت
بيبي " عذريني يمة شبهتج ببنتي شسمج انتي وبنت منوو "
جاوب خالو كرار " يمة هاي مينا بنت وداد "
شهكت وكامت اجت يمي ،،، اني هم كمت لان عيب اضل كاعدة ،،، وكفنة اني وياهة حضنتني وبجت واني هم ام دميعه علة كولة ماما ،، ما صدكت اشوف واحد يبجي علمود ابجي ويا كمنة نبجي اني وياهة ع الواكف ،،، كعدتني ع القنفة وكالت
بيبي " يمة انتي بنت وداد
جاوبت " اي بيبي اني
بيبي " واني اكول من كعدتهة وضهرهة مبينة تشبه وداد ،،، يمة لعد امج وين
باوعت ع الكاعدين واحد واحد وبعيوني لوم وحقد
مسحت دموعي وكلتلهة " بيبي ماما ما اجتي وياي بقت بالبيت
كالتلي " وين بالبيت امشو نروحلهة "
كلتلهة " لا بيبي هية بغير دولة واني جيت هنا دا اشوفج لان ماما عدهة علاج هناك
كالتلي " ليش يمة وداد شبيهة شني مريضة
كلتلهة " لا مو مريضة بس افلاونزا اسم الله عليج ومكدرت تجي وطريق وهية تعبانة هم عاد بقت اختي يمهة
كالتلي " يمة زين ابوج وين "
كلتلهة " ابوي بالامام دا يزور "
جاوبتني " الله يتقبل والله من شفتة حسيت بي خوش ولد بس لو ما مسوين سوايتهم
جاوبتهة " بيبي همة ما سوو شي يعني واحد يحب الثاني ولازم نجمع المحبين مو نفرقهم وبعدين كلشي قسمة ونصيب امي من نصيب ابوية وابوية من قسمة امي
جاوبتني " صح كلامج بنيتي بس ليش شعراتج مفتوحات هيج جا وين حجابج الحلوو
جنت مطلعة كذلة والكذلة مالتي طويلة ف جانت لازمة الكذلة مالتي وتحجي
جاوبتهة " بيبي اني مو محجبة
جاوبتني " شعجب وداد هيج عايفة شعرج الحلو جا هية مو جانت تكول بناتي احجبهن من يصيرن ١٦ وانتي عبرتي ال ١٦ جا وين كلام وديد هاية
جاوبتهة " والله بيبي اني عنودية و ما قبلت البس شال
جاوبتني " لا يمة ميصير الحجاب واجب
جاوبتهة " تأمرين عيني انشاء الله الجية الثانية البس حجاب وانتي تكوليلي حلو علية لو لاء
جاوبتني " عفية بيج يمة
باوعت ع الموجودين وكالت
بيبي " جا هاي تشبة وداد كلش بكلامهة وتصرفاتهة وكعدتهة وأم دميعة هم مثل وديد
أنت تقرأ
القلب الضائع
Bí ẩn / Giật gânالقصة حقيقية وجريئة جدا ،،،بنت تفقد عائلتها بعمر صغير وتحارب الحياة لكي تعيش وتعتني بأختها وفجأة يحدث الغير متوقع
