القلب الضائع

البارت الرابع والثلاثون

أتمنى أن يعود كل شئ على ما يرام كما كان، حتى أنا.
_________________________________________
‏أشتهي أن انام نومًا ڪغيبوبة وأن أرحل عن ڪل شيءولا أريد أن أشڪي ولا أريد أن أضحڪ أو أبڪي أريد فقط أن اغيب عن الحياة💔
_________________________________________

لطمت ام راضي وكالت " يبوووو حتجيبولي فصلية

كالت مناك ام ابراهيم " الفصلية المن

كال فهد " الفصلية اما لمؤمل اما لميراد "

الي جانو موجودين بالصالة

اني وياسمين وأم ابراهيم وأم فهد وسمية وعمامي كلهم ومؤمل وميراد وفهد وايسر وعباس

كمل كلامة فهد " الفصلية اما لمؤمل اما لميراد يعني اذا الفصلية لمؤمل ف ال ٢٥٠ مليون لميراد اما الفصلية لميراد ف ال ٢٥٠ مليون لمؤمل "

كال ميراد " شوفو مال انه اخذ الفصلية هاذة شي مستحيل "

مؤمل " انه هم ما اقبل بفصلية شنو هية لعب جهال واحنة بيا زمن عايشين وناخذ فصلية ونظلم بنت الناس اساسا ميصير وهاذا يا طرطور قرر هيج قرار

كال عمو راضي بتعب ويأس " شيخ العشيرة الأكبر حجي بأسم "

مؤمل " بس حجي بأسم مو كال بعد مالي شغلة بسالفة العشاير وصار فهد هوة الي ينهي ويربط بهاي العشيرة كلهة وحجي بأسم علية بالعشاير الي بطرفهم "

رد فهد " حجي بأسم مسؤل عن طرفنا وعن طرفهم واي سالفة تصير مال حوادث وهيج اشياء ف الي يقررهة حجي بأسم واساسا قبل ميطلع كال انه اشيل ايدي بعد "

ميراد " هوة شمر الفولة وراح ع الحاضر

مؤمل " المهم انه ما أخذ فصلية وانتة فهد ليش ما تاخذهة

رد فهد " بابة شأخذ منهة انه اكعد احل سوالف لو دواوين لو أعذب بفصليات وبعدين انه اذا الزمهة يمكن اتسودن وادفنهة بدون متدرون ف أحسن شي لو ميراد لو مؤمل وبما انو انه شيخ هاي العشيرة ف اكول الي ياخذ الفصلية ياخذ وياهة ال ٢٥٠ مليون

ميراد " شوفو والله لو هسة تصبوهة ذهب ما اخذهة

عمو حسام " بوية مؤمل انتة عقلك براسك هذولة مخابيل يسودنوهة البنية انه اكول انتة تاخذهة لان انتة عاقل هذولة عقلهم مو براسهم يدفنوهة وهية عايشة

مؤمل " يمة تعاي وراي ويابة انتة هم

راحو عمو حاتم ومرتة ومؤمل جوة شوي وطلعو و وافقو انو ياخذون الفصلية بس انتبهت من راحو كعد ميراد ع القنفة وحط ايدة علة راسة وخطف نظرة من ياسمين نوب انتبهت علة ياسمين خوف بعينهة موطبيعي ولمن وافق مؤمل يستلم الفصلية هية جرة نفس عميق كلش

أيسر " زين انتو ما تكدرون تغيرون قراركم

فهد " لا وين نطينة كلمة بعد