القلب الضائع

البارت الواحد والعشرون

هناك الف ابتسامة بعد التفكير بك ..
_________________________________________

فكرت اضرب عصفورين بحجر واحد ،،، هم اروح اشوف بيبي وجدو لان بس هذولة الاثنين الي احس كلبي حالهم ومشتاقلهم وهم امر ع ايريلا وهم خطية عمو حسام كسر خاطري والفرحة الي بوجهة لمن يحجي وياي بس هية وحدهة تسوه الدنية ،،، بس هوة الي لمن حجة وياي عيونة لمعت ف قررت اضرب عصفورين بحجر وهم اغثهم هناك علمود ميطلبون مني اروح وياهم مرة ثانية ...

" ماشي اجي بس ما ابقى هواي مجرد اسبوع وارجع لان هنا شغلي وحياتي واستقراري وكلشي يخصني وهااا اذا اجي وياكم ما البس حجاب لان اني اساسا مو محجبة "

راد يعارض عمو راضي بس قاطعة عمو حسام وكال ...

عمي حسام " عادي بنتي مو مهم بس البسي شي مستر وطويل "

جاوبت علية بغرور وجكارة بالي رادو يعارضون

" تمام عمو "

عمي راضي " يلة لعد بوية احنة نترخص وهم الجماعة شكد عيب بقو هناك وحدهم "

جاوبتة بدون وعي " لا شسالفة عمي ماكو تبقون هنا اليوم انتو ضيوف عندي "

عمي راضي " جا والناس الجوة "

" خلي يرجعون للفندق الي جنتو كاعدين بي "

عمي أركان " لا شلون عيب منهم "

جاوب عمي أحمد " يلة عمي خيرها بغيرها "

صعدت بية الغيرة وجاوبت " لا ماكو انتو ضيوف عندي "

عمي راضي " يلة لعد بوية هاهية نكول للوادم طلعتلنة شغلة "

راحو و ورة شوي طلعو الرياجيل بس نص الرياجيل الوجوه مكلوبة جنهم وجه الجلوة ، والله يا الله اباوع عليهم واضحك شلون مضغوطين واضحك علة نفسي شلون لحيت عليهم يبقون واني اكرهم كره العمى بس بوكتهة حسيت شي طغى ع كلبي وغيرتي مسمحتلي بوجود الفيلا يروحون لفندق ،،، طلعو كلهم جان اكول ...

" انتو اتعشيتو "

عمي راضي " مالنة نفس بوية وجايين من طريق "

جاوبت " لا شلون ماكو خل ناكل واشربكم جاي طيب من ايد نزو ونسولف شوي وتروحون تنامون والصباح رباح "

عمي أركان " هاهية بوية والله انتي مرة معدلة ونعم منك يحسن "

ابتسمت بوجهة وهوة يمدح بأسم ابوية وبية " الله يرحمة ويجعل مثواه الجنة يلة ارتاحو خلي اكول ل نزو تسوي الاكل "

كبل رحت للمطبخ فرحانة وكتلهة تسوي اكل بسرعة وكعدت اني اثرم زلاطة وهية تطبخ بالأكل ،،، ودزيت بيتزا توصيل بسرعة من المطعم الي يمنة ميطولون خمس دقايق ويجيبوه لان همة يتناوبون بالمطعم والمطعم ينفتح ليل نهار يعني مينقفل شلون المستشفى من بيهة مناوبة للحالات الطارئة ،،، المطعم هم هيج المهم دزيت بيتزا ٢ وببسي وسويت البلاطة ونزو ما شاء الله عليهة سوت تمن ويا حبشكلات ومنتشر بالبصرة بأسم (تمن تاجينة) اما اني اصيحلة تمن ملون ،،، وسوت بتيتة وطماطم وهمبركر ،،،